മൂന്നു വര്‍ഷത്തെ ഇടവേളയ്ക്കു ശേഷം സിനിമാസ്വാദകര്‍ കാത്തിരിക്കുന്ന ജനപ്രിയ നായകന്‍ ദിലീപിന്റെ ഫാമിലി പാക്ക്ഡ് ഫണ്‍ റൈഡര്‍ ചിത്രമാണ് വോയിസ് ഓഫ് സത്യനാഥന്‍. റാഫിയാണ് ചിത്രത്തിന്റെ കഥ, തിരക്കഥ,സംഭാഷണം,സംവിധാനം. ചിത്രത്തിന്റെ പുതിയ അപ്‌ഡേറ്റ് ആണ് ഇപ്പോള്‍ നിര്‍മ്മാതാക്കളായ ബാദുഷ.എന്‍.എം , ഷിനോയ് മാത്യൂ, രാജന്‍ ചിറയില്‍ അറിയിച്ചിരിക്കുന്നത്.
ചിത്രത്തിന്റെ നിര്‍മ്മാതാവായ ബാദുഷ തന്റെ സോഷ്യല്‍ മീഡിയയില്‍ കുറിച്ച കുറിപ്പ് ഇപ്രകാരമാണ് , 'വോയിസ് ഓഫ് സത്യനാഥന്‍ എന്ന സിനിമയുടെ അപ്ഡേഷന് വേണ്ടി എല്ലാവരും കുറെ ദിവസങ്ങളായി കാത്തിരിക്കുകയാണെന്ന് അറിയാം.
എനിക്ക് ദിവസേന ഒരുപാട് മെസ്സേജുകളും, ഒരുപാട് കോളുകളും വരുന്നുണ്ട് 'എന്തായി വോയിസ് സത്യനാഥന്‍' എന്നുള്ള ചോദ്യങ്ങളുമായി.വിവരം അറിയിക്കാന്‍ വൈകിയതിനു എല്ലാവരോടും ക്ഷമ ചോദിക്കുന്നു. അപ്ഡേഷന് തരാന്‍ വേണ്ടിയാണ് ഇപ്പോള്‍ ഞാന്‍ ഇങ്ങനെ ഒരു പോസ്റ്റ് ഇടുന്നത്. 3 വര്‍ഷങ്ങള്‍ക്ക് ശേഷം വരുന്ന ഒരു ചിത്രം പഴയ തലമുറയെയും പുതിയ തലമുറകളെയും ഒരു പോലെ ആനന്ദിപ്പിക്കാന്‍ കഴിയുന്ന രീതിയിലുള്ള ഒരു ദിലീപ് ചിത്രമായിട്ടാണ് വോയിസ് ഓഫ് സത്യനാഥന്‍ തീയറ്ററുകളിലേക്ക് എത്തുന്നത്.
ഒരുപാട് പോസ്റ്റ് പ്രൊഡക്ഷന്‍ വര്‍ക്കുകള്‍, സിജി വര്‍ക്കുകള്‍ ഉള്ളതിനാലാണ് കൃത്യമായ ഡേറ്റ് അറിയിക്കാന്‍ സാധിക്കാത്തത്. തീര്‍ച്ചയായിട്ടും അടുത്ത പത്ത് ദിവസത്തിനുള്ളില്‍ വോയിസ് ഓഫ് സത്യനാഥന്‍ ഫസ്റ്റ് കോപ്പി ആകുകയും ശേഷം അതിന്റെ അപ്‌ഡേഷന്‍സ് കൃത്യമായിട്ട് സെന്‍സര്‍, ടീസര്‍, സോംഗ്, ട്രൈലര്‍, റിലീസ് ഡേറ്റ് അങ്ങനെയുള്ളവ പ്രേക്ഷകരായ നിങ്ങളെ അറിയിക്കുന്നതാണ്.
പിന്നെ നമ്മള്‍ നല്ല രീതിയില്‍ എല്ലാ തരത്തിലുമുള്ള പ്രമോഷന്‍ ചെയ്തു തന്നെയായിരിക്കും ഈ സിനിമ നിങ്ങളുടെ മുന്നിലോട്ട് എത്തിക്കുന്നത്. എല്ലാപ്രേക്ഷകരുടെയും പൂര്‍ണ്ണമായ പിന്തുണ ഉണ്ടാകും എന്നുള്ള പ്രതീക്ഷയോടെയാണ് നിര്‍മ്മാതാക്കള്‍ പുതിയ പോസ്റ്റര്‍ പങ്കുവച്ചിരിക്കുന്നത്.
പഞ്ചാബി ഹൗസ്, പാണ്ടിപ്പട, ചൈന ടൗണ്‍, തെങ്കാശിപ്പട്ടണം,റിംങ് മാസ്റ്റര്‍ എന്നി ചിത്രങ്ങള്‍ക്കു ശേഷം ദിലീപും റാഫിയും ഒന്നിക്കുന്ന ചിത്രമാണ് ' 'വോയിസ് ഓഫ് സത്യനാഥന്‍'. ബാദുഷ സിനിമാസിന്റേയും ഗ്രാന്റ് പ്രൊഡക്ഷന്‍സിന്റേയും ബാനറില്‍ എന്‍.എം ബാദുഷ, ഷിനോയ് മാത്യു, ദിലീപ്,രാജന്‍ ചിറയില്‍എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
എക്‌സിക്യൂട്ടീവ് പ്രൊഡ്യൂസര്‍-മഞ്ജു ബാദുഷ,നീതു ഷിനോജ്,കോ പ്രൊഡ്യൂസര്‍ : രോഷിത് ലാല്‍ വി 14
ഇലവന്‍ സിനിമാസ്, പ്രിജിന്‍ ജെ പി,ജിബിന്‍ ജോസഫ് കളരിക്കപ്പറമ്പില്‍ (യു ഏ ഇ)ചിത്രത്തിന്റെ ഛായാഗ്രഹണം : സ്വരുപ് ഫിലിപ്പ്,സംഗീതം :അങ്കിത് മേനോന്‍,എഡിറ്റര്‍ :ഷമീര്‍ മുഹമ്മദ്, വസ്ത്രാലങ്കാരം :സമീറ സനീഷ്, കല സംവിധാനം : എം ബാവ, പ്രൊഡക്ഷന്‍ കണ്‍ട്രോളര്‍ : ഡിക്‌സണ്‍ പൊടുത്താസ്,മേക്കപ്പ് : റോണക്‌സ് സേവ്യര്‍, ചീഫ് അസ്സോസിയേറ്റ്: സൈലെക്‌സ് എബ്രഹാം, അസ്സോസിയേറ്റ് ഡയറക്ടര്‍: മുബീന്‍ എം റാഫി, ഫിനാന്‍സ് കണ്‍ട്രോളര്‍: ഷിജോ ഡൊമനിക്,റോബിന്‍ അഗസ്റ്റിന്‍,ഡിജിറ്റല്‍ മാര്‍ക്കറ്റിംഗ് :മാറ്റിനി ലൈവ്, സ്റ്റില്‍സ് : ശാലു പേയാട്, ഡിസൈന്‍ : ടെന്‍ പോയിന്റ്, പി ആര്‍ ഓ : പ്രതീഷ് ശേഖര്‍.
Premium Lifestyle and Entertainment website
കന്യാദാനത്തില്‍ അപ്രതീക്ഷിത പിന്മാറ്റം.; സീരിയലില്‍ അനുവായി എത്തിയ ഡോണ പരമ്പരയില്‍ നിന്ന് പടിയിറങ്ങി; പകരം എത്തുക നടി ലക്ഷ്മി ബാലഗോപാല്‍ 
എന്റെ സമ്മതമില്ലാതെ എന്തുചെയ്താലും പീഡനമാണ്; എത്രകാലം ഉറങ്ങാതെ ഇരുന്നു;തോക്കുചൂണ്ടി ഭീഷണി പെടുത്താന്‍ ഒരാളുടെ വീട്ടില്‍ എത്തിയിട്ട് നിയമത്തിന് ഒന്നും ചെയ്യാന്‍ ആയില്ല പിന്നെയാണോ എനിക്ക് നീതി ലഭിക്കുന്നത്; ആത്മഹത്യാ ശ്രമം അടക്കം എലിസബത്ത് ബാലയുടെ പീഡനങ്ങള്‍ പറയുമ്പോള്‍