സോഷ്യല്‍ മീഡിയയില്‍ ട്രെന്‍ഡ് ആയി നില്‍ക്കുന്ന മലയാള സിനിമയാണ് 'ഭഭബ'. ദിലീപ് നായകനായി എത്തുന്ന ചിത്രത്തില്‍ മോഹന്‍ലാല്‍ അതിഥി വേഷത്തില്‍ എത്തുന്നുണ്ട്. ഭയം ഭക്തി ബഹുമാനം എന്ന പൂര്‍ണ പേരുള്ള സിനിമയില്‍ ദിലീപും മോഹന്‍ലാലും തമ്മില്‍ ഒരു ഗാനരംഗം ഉണ്ടെന്ന് അടുത്തിടെ ബി ഉണ്ണികൃഷ്ണന്‍ പറഞ്ഞിരുന്നു.
ഇപ്പോഴിതാ ഗാനവുമായി ബന്ധപ്പെട്ട പുതിയ ചര്‍ച്ചയാണ് സോഷ്യല്‍ മീഡിയയില്‍ നടക്കുന്നത്. മോഹന്‍ലാലിനും ദിലീപിനും ഒപ്പം ഗാനരംഗത്ത് ആടിത്തകര്‍ക്കാന്‍ തെന്നിന്ത്യന്‍ താരസുന്ദരി തമന്നയും എത്തുമെന്നാണ് പുതിയ ചര്‍ച്ചകള്‍.
ഗാനരംഗത്തിന് മാത്രമായി നാല് കോടി രൂപയാണ് മാറ്റിവച്ചതെന്നും എക്‌സ് പ്ലാറ്റ്‌ഫോമില്‍ പ്രചാരണമുണ്ട്. ഇത് പ്രകാരം ആണെങ്കില്‍ വന്‍ ദൃശ്യവിരുന്നൊരുക്കുന്ന നൃത്തരംഗമാകും മലയാളികളെ ഭാഭബയിലൂടെ കാത്തിരിക്കുന്നത്. നവാഗതനായ ധനഞ്ജയ് ശങ്കര്‍ സംവിധാനം ചെയ്യുന്ന ചിത്രമാണ് ഭഭബ. ഒരു മാസ് കോമഡി എന്റര്‍ടെയ്‌നര്‍ ആയൊരുങ്ങുന്ന ചിത്രത്തിന് തിരക്കഥ ഒരുക്കുന്നത് താരദമ്പതികളായ നൂറിന്‍ ഷെരീഫും ഫാഹിം സഫറും ചേര്‍ന്നാണ്.
ചിത്രത്തില്‍ ധ്യാന്‍ ശ്രീനിവാസന്‍, വിനീത് ശ്രീനിവാസന്‍, സിദ്ധാര്‍ത്ഥ് ഭരതന്‍, ബൈജു സന്തോഷ് , ബാലു വര്‍ഗീസ്, അശോകന്‍, ജി. സുരേഷ് കുമാര്‍, നോബി, സെന്തില്‍ കൃഷ്ണാ, റെഡിന്‍ കിങ്സിലി, ഷിന്‍സ്, ശരണ്യ പൊന്‍ വണ്ണന്‍, ധനശ്രീ, ലങ്കാ ലഷ്മി, കോറിയോഗ്രാഫര്‍ സാന്റി മാസ്റ്റര്‍ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
Premium Lifestyle and Entertainment website
കോമഡി ഷോയിലൂടെ തുടക്കം; ചന്ദനമഴയിലെ അമൃതയായി എത്തി മിനി സ്‌ക്രീന്‍ പ്രേക്ഷകരുടെ പ്രിയങ്കരിയായി; തമിഴിലും തെലുങ്കിലും സീരിയലുകളില്‍ സാന്നിധ്യമായി; നിശ്ചയിച്ചുറപ്പിച്ച പ്രണയ വിവാഹം മുടങ്ങിതോടെ അവിവാഹിതയായി ജീവിതം; നടി വിന്ദുജാ വിക്രമന്റെ ജീവിതം 
'ഈ ഒറ്റക്കയും വെച്ച് ഇവന്‍ ജയില്‍ ചാടി, ഞാന്‍ വിശ്വസിച്ചു, നിങ്ങളോ?'; ട്രെയിനിങ് കിട്ടിയ പോലീസുകാര്‍ ഇതൊന്ന് കാണിച്ച് തരുമോ ?; ഗോവിന്ദച്ചാമിയുടെ ജയില്‍ചാട്ടത്തില്‍ ദുരൂഹത ആരോപിച്ച് സംവിധായകന്‍ പ്രവീണ്‍ നാരായണന്‍