2007ല്‍ പുറത്തിറങ്ങിയ 'താരെ സമീന്‍ പര്‍' എന്ന ചിത്രത്തിലെ പ്രധാന കഥാപാത്രമായ ഇഷാനെ അവതരിപ്പിച്ച ദര്‍ഷീല്‍ സഫാരി പങ്കുവെച്ച ഒരു ചിത്രമാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ചാവിഷയം. നരച്ച മുടിയും താടിയും വളര്‍ത്തി നില്‍ക്കുന്ന ആമിര്‍ ഖാനും ഒപ്പം ദര്‍ഷീലും. 16 വര്‍ഷങ്ങള്‍ക്ക് ശേഷം ഞങ്ങള്‍ വീണ്ടും ഒന്നിക്കുന്നുവെന്നും കുറച്ച് ഇമോഷണല്‍ ആണ്, പക്ഷേ ഒരു എനര്‍ജി അനുഭവപ്പെടുന്നുവെന്നും ദര്‍ഷീല്‍ കുറിച്ചു. ഇന്‍സ്റ്റാഗ്രാമിലാണ് ദര്‍ഷീല്‍ ഇക്കാര്യം കുറിച്ചത്.
'16 വര്‍ഷങ്ങള്‍ക്ക് ശേഷം ഞങ്ങള്‍ വീണ്ടും ഒന്നിക്കുന്നു, കുറച്ച് ഇമോഷണല്‍ ആണ് എങ്കിലും പഴയ എനര്‍ജി ലഭിച്ചു. സ്‌നേഹത്തോടെ എന്റെ ഗുരുവിന് 4 ദിവസം കൂടി കാത്തിരിക്കൂ ഒരു വലിയ പ്രഖ്യാപനത്തിനായി', ദര്‍ഷീല്‍ ഇന്‍സ്റ്റയില്‍ കുറിച്ചു. ഈ ചിത്രം സോഷ്യല്‍ മീഡിയ ഏറ്റെടുത്തതിന് പിന്നാലെ നിരവധി ആരാധകരാണ് ഇത് ചര്‍ച്ചയാക്കിയിരിക്കുന്നത്.
'ഞങ്ങള്‍ ഏറെ കൊതിച്ചിരുന്ന കോംബോ', 'ഇത്രയും നാള്‍ നിങ്ങള്‍ എവിടെയായിരുന്നു', 'ഞങ്ങളുടെ കുട്ടികാലം മനോഹരമാക്കിയതിന്റെ ഒരു കാരണം നിങ്ങളാണ്', എന്നിങ്ങനെ നീളുന്ന കമെന്റുകളാണ് പോസ്റ്റിന് താഴെ വരുന്നത്.
ബോളിവുഡില്‍ ഗംഭീര വിജയം നേടിയ ചിത്രമായിരുന്നു 'താരെ സമീന്‍ പര്‍'. നിരവധി കുട്ടികളുടെ ഇഷ്ട ചിത്രവും പല സ്‌കൂളുകളില്‍ ഈ ചിത്രം നിരവധി തവണ കുട്ടികള്‍ക്ക് വേണ്ടി പ്രദര്‍ശനം നടത്തിയിട്ടുമുണ്ട്. നിരവധി അവാര്‍ഡുകളാണ് ചിത്രം വാരികൂട്ടിയത്. 12 കോടി ബഡ്ജറ്റില്‍ ആമിര്‍ ഖാന്‍ തന്നെയാണ് ചിത്രം നിര്‍മ്മിച്ചതും സംവിധാനം ചെയ്തതും. ബോക്‌സ് ഓഫീസില്‍ 100 കോടിയിലധികം രൂപ ചിത്രം നേടുകയും ചെയ്തിരുന്നു.
Premium Lifestyle and Entertainment website
ഭാര്യയുടെ ഇന്‍സ്റ്റാഗ്രാം അക്കൗണ്ട് അണ്‍ഫോളോ ചെയ്ത് ഗായകന്‍ ജസ്റ്റിന്‍ ബീബര്‍; വിവാഹ ബന്ധം വേര്‍പെടുത്തുന്നു എന്ന അഭ്യൂഹങ്ങള്‍ക്കിടെ വിശദീകരണവുമായി താരം 
നിര്‍മാതാക്കള്‍ അനുവാദം ചോദിച്ചശേഷമാണ് വീഡിയോ പുറത്തുവിട്ടത്; പ്രമോഷന് വേണ്ടി ആ സീന്‍ പുറത്തുവിടാമോയെന്ന് ചോദിച്ചു; വിഡിയോ ചിത്രത്തിന്റെ ഭാഗമെന്നതില്‍ കവിഞ്ഞ് മറ്റൊന്നുമില്ല;ബാത്ത്‌റൂം വീഡിയോയുടെ രഹസ്യം വെളിപ്പെടുത്തി നടി ഉര്‍വശി റൗട്ടേല