ബോളിവുഡ് ആരാധകര്‍ കാത്തിരുന്ന അടുത്ത താരവിവാഹത്തിനും വിരാമം. നീണ്ട നാളത്തെ പ്രണയത്തിനൊടുവിലാണ് ബോളിവുഡ് സുന്ദരി പ്രിയങ്ക ചോപ്രയും ഹോളിവുഡ് ഗായകന് നിക്ക് ജോനാസും ക്രിസ്തീയ ആചരപ്രകാരം ഇന്നലെ വിവാഹിതരായി. ജോധ്പൂരിലെ ഉമൈദ് ഭവനില്‍ പരമ്പരാഗത രീതിയിലായിരുന്നു വിവാഹ ചടങ്ങുകള്‍. നിക്കിന്റെ അച്ഛന്‍ പോള്‍ കെവിന്‍ ജോനാസായിരുന്നു വിവാഹത്തിന് കാര്‍മികത്വം നല്‍കിയത്. അതിഥികളുടെ മൊബൈല്‍ ഫോണുകള്‍ വരെ ഒഴിവാക്കി പൂര്‍ണമായും സ്വകാര്യചടങ്ങായാണ് വിവാഹം നടത്തിയത്.
പ്രിയങ്കയുടെ അമ്മ മധുചോപ്ര, സഹോദരന്‍ സിദ്ധാര്‍ഥ്, അടുത്ത ബന്ധുവായ നടി പരിനീതി ചോപ്ര, നടന്‍ സല്‍മാന്‍ ഖാന്റ സഹോദരി അര്‍പ്പിത, വരന്‍ നിക്കിന്റെ അടുത്ത ബന്ധുക്കള്‍ എന്നിവരുള്‍പ്പടെ ചുരുക്കം ആളുകള്‍ മാത്രമാണ് താരവിവാഹത്തിന് സാക്ഷിയാകാനെത്തിയത്.
അതിഥികള്‍ക്കായി ആഡംബര ഹോട്ടലാണ് ബുക്ക് ചെയ്തിരുന്നത്. ഹിന്ദു ആചാരപ്രകാരമുള്ള വിവാഹം ഇതേ ഹോട്ടലില്‍ വച്ച് നടക്കുമെന്നാണ് വിവരം. പത്തു വയസിന് ഇളപ്പമുള്ള ആളുമായി പ്രണയത്തിലാണെന്ന വാര്‍ത്ത വന്നത് മുതല്‍ സമൂഹ മാധ്യമത്തിലടക്കം നിരവധി വിമര്‍ശന ശരങ്ങളാണ് പ്രിയങ്കയ്ക്ക് ഏല്‍ക്കേണ്ടി വന്നത്.
പ്രിയങ്ക ചോപ്രയും അമേരിക്കന്‍ ഗായകന് നിക്ക് ജൊനാസും തമ്മില്‍ പ്രണയത്തിലാണെന്നും ഉടന്‍ വിവാഹിതരാകുമെന്നും നാളുകളായി വാര്‍ത്തകള്‍ വന്നിരുന്നു. അതിനിടെയാണ് കൗതുകകരമായ മറ്റൊരു വിവരവും പുറത്ത് വരുന്നത്. 2005 ല്‍ പ്രശസ്ത ന്യൂമറോളജിസ്റ്റ് സഞ്ജയ് ബി. ജുമാനി പ്രിയങ്കയുടെ മുപ്പത്തിയാറാം വയസ്സില്‍ വിവാഹം നടക്കും എന്നു പ്രവചിച്ചിട്ടുണ്ടത്രെ.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍