ചോക്ളേറ്റ് എന്ന ചിത്രത്തിലൂടെ ഏറെ പ്രേക്ഷക ശ്രദ്ധ നേടിയ താരമാണ് റോമ. ഒരു നടി എന്നതിലുപരി മോഡൽ കൂടിയായ റോമയുടെ ആദ്യ ചിത്രം നോട്ട്ബുക്ക് ആയിരുന്നു. തുടർന്ന് നിരവധി സിനിമകളിൽ ശ്രദ്ധേയമായ കഥാപാത്രങ്ങളെ അവതരിപ്പിക്കാൻ താരത്തിന് സാധിച്ചിരുന്നു. എന്നാൽ ഇപ്പോൾ വീണ്ടും അഭിനയത്തിലേക്കുള്ള തിരിച്ചു വരവിന് ഒരുങ്ങിയിരിക്കുന്ന റോമ തന്റെ വിശേഷങ്ങൾ എല്ലാം തന്നെ കേരള കൗമുദിക്ക് നൽകിയ അഭിമുഖത്തിലൂടെ തുറന്ന് പറയുകയാണ്.
പ്രവീണ്‍ രാജ് പൂക്കാടന്‍ എന്ന പുതുമുഖ സംവിധായകന്റെ വെള്ളേപ്പം എന്ന സിനിമയിലൂടെയാണ് തിരിച്ചുവരവ്. സാറ എന്ന കഥാപാത്രമാണ്. അക്ഷയ് രാധാകൃഷ്ണന്‍, ഷൈന്‍ ടോം ചാക്കോ, നൂറിന്‍എന്നിവരാണ് മറ്റു താരങ്ങള്‍. മൂന്നു വര്‍ഷത്തിനുശേഷമാണ് മലയാളത്തില്‍ അഭിനയിക്കുന്നത്.
ഇതിനിടെ പലരും വിളിച്ചു. മികച്ച ക്രൂവിനൊപ്പമുള്ള, വലിയ സ്റ്റാര്‍സിനൊപ്പമുള്ള ഒരുപാട് ചിത്രങ്ങള്‍.പക്ഷേ എനിക്കു കിട്ടിയ കഥാപാത്രങ്ങള്‍ കാമ്പ് ഇല്ലാത്തവയായിരുന്നു. വളരെ സാധാരണമായ കഥാപാത്രങ്ങള്‍ ചെയ്യാതിരിക്കുകയാണ് നല്ലതെന്നു തോന്നി. അന്നും ഇന്നും സിനിമകള്‍ തിരഞ്ഞെടുക്കുന്നതില്‍ ചില ഡിമാന്‍ഡുകള്‍ എനിക്കുണ്ട്. എന്റെ കഥാപാത്രം എത്രമാത്രം കരുത്തുറ്റതാണെന്നും അര്‍ത്ഥവത്താണെന്നും നോക്കിയേ ഞാന്‍ ചാടിവീഴൂ. നോട്ട്ബുക്കും ചോക്ലേറ്റും ലോലിപോപ്പുമൊക്കെ എന്റെ ഇഷ്ടസിനിമകളാണ്.
ഞാന്‍ എന്റെ ജീവിതം പ്ളാന്‍ ചെയ്യാറില്ല. സിനിമയുടെ കാര്യവും അതുപോലെയാണ്.സിനിമയും പാട്ടും നൃത്തവും പോലെ എന്റെ പാഷനാണ് യാത്രകളും . സിനിമയില്‍ ഒരേപോലുള്ള കഥാപാത്രങ്ങള്‍ ചെയ്ത് മടുത്തപ്പോള്‍ ഞാന്‍ ഒരു ഗ്യാപ് എടുത്തു. ഒരുപാട് രാജ്യങ്ങളിലൂടെ സഞ്ചരിച്ചു. ശരിക്കും ലോകം മുഴുവന്‍ ചുറ്റി.
അമേരിക്കയാണ് എന്റെ ഫേവറിറ്റ്. ന്യൂയോര്‍ക്കിലും ഫിലാഡല്‍ഫിയയിലും താമസിക്കാന്‍ ഇഷ്ടമാണ്.
അഭിനയിക്കുന്നെങ്കില്‍ അത് മലയാള സിനിമയിലെ ഉള്ളൂ. ഞാന്‍ വന്നതും നിന്നതും സ്നേഹിക്കുന്നതും മലയാള സിനിമയെയാണ്. പണം മാത്രമല്ല പ്രധാനം. അംഗീകരിക്കപ്പെടുക എന്നതാണ് വലിയ കാര്യം. വീട് ബാംഗ്ളൂരാണ്. പക്ഷേ മലയാളം ഞാന്‍ നന്നായി സംസാരിക്കും. എനിക്ക് ഭയങ്കര ഇഷ്ടമാണ് കേരളം. മലയാളികള്‍ക്ക് എന്നോടും ഒരുപാട് ഇഷ്ടമാണ്. ദൈവത്തിന്റെ ഈ സ്വന്തം നാടാണ് എനിക്ക് ഭാഗ്യങ്ങള്‍ തന്നത്. കേരളത്തിലെത്തുമ്പോൾ സ്വന്തം വീട്ടില്‍ എത്തിയതുപോലെയാണ്. ഇവിടുത്തെ പുട്ട്, അപ്പം, കടലക്കറി എല്ലാം നല്ല സ്വാദാണ്.
ഡല്‍ഹിയിലെ സിന്ധി കുടുംബത്തിലാണ് ജനിച്ചതെങ്കിലും അച്ഛനും അമ്മയും വളരെ കാലം ചെന്നൈയിലായിരുന്നു . അവര്‍ക്ക് അവിടെ ഹോള്‍ സെയില്‍ ആഭരണ കടയുണ്ടായിരുന്നു.അതു കൊണ്ട് ഞാന്‍ വളര്‍ന്നത് ചെന്നൈയിലാണ് . സിനിമയിലെത്തും മുന്‍പ് മോഡലിംഗില്‍ സജീവമായിരുന്നു. അതിനിടയിലാണ് 2005-ല്‍ ഞാന്‍ ഒരു തെലുങ്ക് സിനിമയില്‍ അഭിനയിക്കുന്നത്. എങ്കിലും സിനിമയാണ് എന്റെ കരിയര്‍ എന്നൊരു തോന്നല്‍ എനിക്കുണ്ടായിരുന്നില്ല. ഞാന്‍ അതില്‍ കൂടുതല്‍ ശ്രദ്ധിച്ചതുമില്ല. എന്റെ ഫോട്ടോ കണ്ട് സംവിധായകന്‍ റോഷന്‍ ആന്‍ഡ്രൂസ് അടുത്ത സിനിമയിലേക്ക് നായികയായി ക്ഷണിച്ചെന്ന് ഒരു ദിവസം എന്റെ ആഡ് കോ-ഓര്‍ഡിനേറ്റര്‍ പറഞ്ഞു. 'നോട്ട്ബുക്ക് " സിനിമയിലേക്കുള്ള വഴി തെളിഞ്ഞത് അങ്ങനെയാണ്. അന്നെനിക്ക് മലയാളം ഒട്ടും അറിയില്ല. കോ-ഓര്‍ഡിനേറ്റര്‍ കഥ കേള്‍ക്കാന്‍ പറഞ്ഞു. കഥ കേട്ടതോടെ ഞാന്‍ അഭിനയിക്കാന്‍ തീരുമാനിച്ചു.
ഞാന്‍ ചെയ്‌ത എല്ലാ കഥാപാത്രങ്ങളിലും ഒരു പരിധി വരെ യഥാര്‍ത്ഥ ഞാന്‍ ഉണ്ട്. 'നോട്ട്‌ബുക്കി'ലെ സൈറയെ പോലെ ഞാനും ഊട്ടിയില്‍ ബോര്‍ഡിംഗ് സ്‌കൂളിലാണ്‌ പഠിച്ചത്‌. സൈറയെ പോലെ അടുത്ത കൂട്ടുകാര്‍ എനിക്കും ഉണ്ടായിരുന്നു. സൈറയെ പോലെ മൂല്യങ്ങള്‍ ഉള്ള പെണ്‍കുട്ടിയാണ് ഞാനും. അങ്ങനെ ഒാരോ കഥാപാത്രങ്ങളിലും എനിക്ക് എന്നെ കാണാനായിട്ടുണ്ട്.
എന്നാൽ എന്റെ റോള്‍ മോഡല്‍ അമ്മയാണ് . എന്റെ സ്വഭാവം ഈ രീതി യില്‍ രൂപപ്പെടുത്തിയത് അമ്മയാണ്. ഞാന്‍ കണ്ടിട്ടുള്ളതില്‍ വച്ച്‌ ഏറ്റവും ശക്തയായ സ്ത്രീയും അമ്മ തന്നെ. എന്റെ സുഹൃത്തും വഴികാട്ടിയുമെല്ലാം അമ്മയാണ്.എന്തും വെട്ടിത്തുറന്ന് പറയും . അതുകൊണ്ട് തന്നെ ഏറ്റവും കൂടുതല്‍ആരോപണം കേട്ടിട്ടുള്ളത് ഒരു പക്ഷേ ഞാനായിരിക്കും. ചെയ്യുന്ന തൊഴിലിനോട് നൂറ് ശതമാനവും നീതി പുലര്‍ത്തുന്നയാളാണ് ഞാന്‍. എനിക്ക് ഇഷ്ടമില്ലാത്ത കാര്യം ആരുടെ ഭാഗത്തു നിന്നുണ്ടായാലും വലിപ്പ ചെറുപ്പമില്ലാതെ പ്രതികരിക്കും.
വിജയത്തിന്റെ ഭാഗമാണ് നുണക്കഥകള്‍. അത് ഏത് മേഖലയിലും ഉണ്ട്. നമ്മള്‍ വിജയിക്കുമ്പോൾ നമുക്കെതിരെ അറിഞ്ഞിട്ടോ കേട്ടിട്ടോ ഇല്ലാത്ത കഥകള്‍ ഉയര്‍ന്നു വരും. അനേകം പേരുമായി ചേര്‍ത്ത് ഗോസിപ്പുകള്‍ കേട്ടു. ആദ്യമൊക്കെ സങ്കടം തോന്നിയിരുന്നു. പിന്നീട് ഇതിലൊന്നും കാര്യമില്ലെന്നു മനസിലായി.
Premium Lifestyle and Entertainment website
എറണാകുളത്ത് ഷോപ്പിങ് നടത്തുമ്പോള്‍ റീട്ടെയില്‍ ഷോപ്പിലെ ദുപ്പട്ട കണ്ട് ഞെട്ടി; ആ ദുപ്പട്ടയ്ക്ക് ദേശീയ പതാകയുടെ രൂപകല്‍പ്പന; ഇത് നമ്മുടെ ദേശീയ പതാകയോടുള്ള അവഹേളനം; വ്യക്തമായ നിയമലംഘനം'; കുറിപ്പുമായി അന്ന രാജന്‍
ഛാവ'യുടെ ട്രെയിലര്‍ ലോഞ്ചിനായി പരിക്കേറ്റ കാലുമായി വേദിയിലെത്തി രശ്മിക മന്ദാന; കൈപിടിച്ച് സഹായിച്ച് വിക്കി കൗശല്‍; ഒറ്റ കാലില്‍ വേദിയിലെക്ക് നടന്ന് കയറുന്ന നടിക്ക് കൈയ്യടിച്ച് സഹപ്രവര്‍ത്തകരും ആരാധകരും