സുരേഷ് ഗോപി നായകനായെത്തുന്ന ജെഎസ്‌കെ എന്ന സിനിമയുടെ ഓഡിയോ ലോഞ്ച് ഇക്കഴിഞ്ഞ ദിവസമായിരുന്നു. ചടങ്ങില്‍ സുരേഷ് ഗോപി, അനുപമ പരമേശ്വരന്‍, മാധവ് സുരേഷ് എന്നിവരടക്കം താരങ്ങള്‍ അണിനിരന്നിരുന്നു. ചടങ്ങില്‍ സംസാരിച്ച താരങ്ങളുടെ വാക്കുകളാണ് ഇപ്പോള്‍ വാര്‍ത്തകളില്‍ ഇടംപിടിക്കുന്നത്.
മലയാള സിനിമയില്‍ നേരിട്ട അവഗണനകള്‍ നടി അനുപമ പരമേശ്വരന്‍ പങ്ക് വച്ചു. തനിക്ക് അഭിനയിക്കാന്‍ അറിയില്ലെന്ന് പലരും പറഞ്ഞിരുന്നുവെന്നും നിരവധി ട്രോളുകള്‍ ഏറ്റുവാങ്ങേണ്ടി വന്നിട്ടുണ്ടെന്നും അനുപമ പറഞ്ഞു
അനുപമയുടെ പരാമര്‍ശത്തിന് പിന്നാലെ മലയാളത്തില്‍നിന്ന് അവഗണ നേരിട്ട് മറ്റുഭാഷകളില്‍ പോയി വിജയിച്ച നടിമാരുടെ ഉദാഹരണം ചൂണ്ടിക്കാട്ടി സുരേഷ് ഗോപി മറുപടി നല്‍കുകയും ചെയ്തു. ഇതേപോലെ അനുപമയുടെ കരിയറിലും സംഭവിക്കുമെന്ന് സുരേഷ് ഗോപി ആശംസിച്ചു.
ഒരുപാട് പേര് എന്നെ മലയാളത്തില്‍ അവഗണിച്ചിരുന്നു. എനിക്ക് അഭിനയിക്കാന്‍ അറിയില്ലെന്ന് പറഞ്ഞിരുന്നു. ഒരുപാട് ട്രോളുകള്‍ ഏറ്റുവാങ്ങി. എന്നായിരുന്നു അനുപമ പറഞ്ഞത്. പിന്നാലെ വേദിയില്‍ സംസാരിക്കവെയാണ് സുരേഷ് ഗോപി അനുപമയുടെ വാക്കുകള്‍ക്ക് മറുപടി നല്‍കിയത്.
അനുപമ ഇവിടെ ഹൃദയം തുറന്ന് പറഞ്ഞ കാര്യങ്ങളെക്കുറിച്ച്... ഇത് ആദ്യത്തെ സംഭവമല്ല അനുപമ. എനിക്കറിയാവുന്ന സത്യമുണ്ട്, സിമ്രാന്‍. ഒരുപാട് നമ്മള്‍ അവഹേളിച്ചു വിട്ട നായികയാണ്. പക്ഷേ, പിന്നീട് മലയാളത്തില്‍ നായികയായി വരാന്‍ അവരുടെ പിന്നാലെ നടന്ന വന്‍ സംവിധായകരെ എനിക്കറിയാം. അസിന്‍, നയന്‍താര, ഇവരെല്ലാം ലോകം കാംക്ഷിക്കുന്ന, വിവിധ ഭാഷകളിലെ നായികമാരായി നല്ലതുപോലെ നിറഞ്ഞാടി. അതുതന്നെ അനുപമയുടെ ജീവിതത്തിലും സംഭവിക്കും. ഇത് കര്‍മ എന്ന് പറയും. അങ്ങനെ സംഭവിച്ചേ പറ്റുകയുള്ളൂ. അതിനുവേണ്ടിയുള്ള പ്രാര്‍ഥനയുണ്ട്', എന്നായിരുന്നു സുരേഷ് ഗോപി പറഞ്ഞത്.
Premium Lifestyle and Entertainment website
നിങ്ങള്‍ വീണ്ടും ഒന്നിക്കുമോ?; ആരോടൊപ്പവും ഞാന്‍ ഇല്ലെന്ന് തുറന്നുപറഞ്ഞ് സാമന്ത; മുന്‍ ഭര്‍ത്താവുമായി പ്രമോഷന് ഒന്നിച്ചെത്തുമെന്ന ഗോസിപ്പുകള്‍ തള്ളി താരം; കടുത്ത നിരാശയില്‍ ആരാധകര്‍
മുപ്പതിലും മുഖം തിളങ്ങാന്‍