തമിഴകത്തിന്റെ ലേഡി സൂപ്പര്‍സ്റ്റാര്‍ ഇരട്ടവേഷത്തിലെത്തുന്ന ചിത്രം ഐറയിലെ ലിറിക് വീഡിയോ കൈയടി നേടുന്നു; ഗ്ലാമറസ് വേഷത്തില്‍ മാത്രം കാണുന്ന നയന്‍സിന്റെ പുതിയ ലുക്ക് കണ്ട് അമ്പരന്ന് ആരാധകര്‍

ഗ്ലാമറസ് വേഷങ്ങളുമായി ആരാധകരുടെ മനസില്‍ നിറഞ്ഞ് നില്ക്കുന്ന തമിഴകത്തിന്റെ ലേഡി സൂപ്പര്‍സ്റ്റാര്‍ നയന്‍താരയുടെ പുതിയ ഗെറ്റപ്പില്‍ അന്തം വിട്ടിരിക്കുകയാണ് ആരാധകര്‍.നടി ആദ്യമായി ഇരട്ടവേഷത്തിലെത്തുന്ന ചിത്രം 'ഐറ'യിലെ ലിറി്ക്കല്‍ വീഡിയോയിലാണ് നടിയുടെ പുതിയ ഗെറ്റപ്പ് പുറത്ത് വന്നിരിക്കുന്നത്. ചിത്രത്തിലെ മേഘദൂതം എന്ന ഗാനത്തിന്റെ ലിറിക് വീഡിയോ ഇപ്പോള്‍ കൈയടിനേടുകയാണ്.

മികച്ച പ്രതികരണമാണു മേഘദൂതം എന്ന ഗാനത്തിനു ലഭിക്കുന്നത്. ഐറയിലെ ഗാനം അതിമനോഹരം എന്നാണ് സംവിധായകന്‍ വിഘ്‌നേഷ് ശിവന്‍ ട്വിറ്ററില്‍ കുറിച്ചത്. നയന്‍താരയ്ക്കു പുറമെ കലൈയരശന്‍, യോഗി ബാബു എന്നിവരും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. മലയാളി താരം കുളപ്പുള്ളി ലീല ശ്രദ്ധേയമായ കഥാപാത്രമായി ചിത്രത്തിലുണ്ട്.

സര്‍ജുന്‍ കെ.എം ആണ് ചിത്രം സംവിധാനം ചെയ്യുന്നത്. ലക്ഷ്മി, മാ തുടങ്ങിയ ഷോര്‍ട്ട് ഫിലിമുകളിലൂടെ ശ്രദ്ധേയനായ സംവിധായകനാണ് സര്‍ജുന്‍. പിന്നീട് അദ്ദേഹം 'എച്ചിരിക്കൈ' എന്ന ത്രില്ലര്‍ സംവിധാനം ചെയ്തു.