സിനിമയില്‍ അറിയപ്പെടുന്ന അഭിനേത്രിയും സംവിധായികയുമൊക്കെയാണ് രേവതി അഭിനയിച്ച ഓരോ കഥാപാത്രത്തിനും തന്റേതായ ഒരു മുഖമുദ്രവരുത്തിയ നടി. ഓരോ കഥാപാത്രവും ഒന്നിനൊന്ന് മെച്ചം. തമിഴില്‍ തുടങ്ങി തെലുങ്ക്, കന്നട, മലയാളം, ഹിന്ദി ഭാഷകളില്‍ രേവതി അഭിനയിച്ചിട്ടുണ്ട്.
ദിവസങ്ങള്‍ക്ക് മുന്‍പ് തന്റെ സൂപ്പര്‍ ഹിറ്റായ സിനിമ മൗനരാഗത്തിന്റെ ആദ്യ ഷൂട്ടിങ് ദിവസത്തെ ചിത്രം പങ്കുവച്ചത് വൈറലായിരുന്നു. 38 വര്‍ഷങ്ങള്‍ക്ക് മുന്‍പ് എടുത്ത ചിത്രം ഇപ്പോഴും മൈന്റില്‍ ഒരു ഫ്രഷ് ഫ്രെയിം ആയി നില്‍ക്കുന്നു എന്ന് പറഞ്ഞാണ് രേവതി ചിത്രം പങ്കുവച്ചത്. ഛായാഗ്രഹകന്‍ പി സി ശ്രീറാമിനെയും സംവിധായകന്‍ മണിരത്നത്തെയും രേവതുയുടെ അച്ഛന്‍ കേളുണ്ണിയെയും ആ ബ്ലാക്ക് ആന്റ് വൈറ്റ് ചിത്രത്തില്‍ കാണാമായിരുന്നു.
ഇപ്പോഴിതാ 41 വര്‍ഷങ്ങള്‍ക്ക് മുന്‍പ് താന്‍ ആദ്യമായി അഭിനയിച്ച സിനിമയെ കുറിച്ച് പറഞ്ഞ് എത്തിയിരിക്കുകയാണ് രേവതി. 1983 ല്‍ മണ്‍വാസനൈ എന്ന ചിത്രത്തിലൂടെയായിരുന്നു രേവതിയുടെ തുടക്കം. സിനിമയുടെ പ്രമോഷന്‍ ഫോട്ടോഷൂട്ടിന്റെ ഭാഗമായി എടുത്ത ഫോട്ടോ അന്നത്തെ കുങ്കുമം മാഗസിനില്‍ വന്ന ചിത്രത്തിനൊപ്പമാണ് രേവതിയുടെ പോസ്റ്റ്.
'ഒരു ഭാരതിരാജ പടം, ഇളയരാജയുടെ മ്യൂസിക്, പഞ്ചു അരുണാചലത്തിന്റെ കഥ, ബി കണ്ണന്റെ ഛായാഗ്രഹണം, ഗംഗൈ അമരന്റെ വരികള്‍, പുതുമുഖങ്ങളായ രേവതിയും പാണ്ഡിയനും അഭിനയിക്കുന്നു. 1983 ല്‍ ഈ വാര്‍ത്തയില്‍ ഒന്നും വലിയ സംഭവം ഉണ്ടായിരുന്നില്ല. മധുരയിലെ ശാന്തി തിയേറ്ററില്‍ ചിത്രം 365 ദിവസം ഓടിയപ്പോള്‍ അനുഗ്രഹീതയാണ് എന്ന് തോന്നി. ആ ദിവസങ്ങള്‍ക്ക് ശരിക്കും നന്ദി. ചിത്ര ലക്ഷ്മണിന്റെ ആദ്യ ചലച്ചിത്ര നിര്‍മാണം ആയിരുന്നു. ഇപ്പോള്‍ ഈ ഫോട്ടോ എനിക്ക് പങ്കുവച്ചതിന് ഞാന്‍ അദ്ദേഹത്തോട് നന്ദി പറയുന്നു' രേവതി കുറിച്ചു
മുത്തുപ്പേച്ചി എന്നായിരുന്നു ചിത്രത്തില്‍ രേവതിയുടെ കഥാപാത്രത്തിന്റെ പേര്. ആദ്യ സിനിമയ്ക്ക് തന്നെ നിരവധി പുരസ്‌കാരങ്ങളും അംഗീകാരങ്ങളും നടിയെ തേടിയെത്തുകയും ചെയ്തു. രേവതി പറഞ്ഞത് പോലെ അന്ന് ഭാരതിരാജ - ഇളയരാജ - ഗംഗൈ അമരന്‍ ചിത്രത്തിലൂടെ ഒരു പുതുമുഖ നടി തുടക്കം കുറിക്കുന്നു എന്നത് വലിയ സംഭവം ഒന്നും ആയിരുന്നില്ലെങ്കിലും, ഇന്ന് തിരിഞ്ഞു നോക്കുമ്പോള്‍ അതുപോലൊരു തുടക്കം ലഭിയ്ക്കുക എന്നത് ശരിക്കും ഭാഗ്യം തന്നെയാണ്. അതേ വര്‍ഷം തന്നെയാണ് കാറ്റത്തെ കിളിക്കൂട് എന്ന ചിത്രത്തിലൂടെ രേവതി മലയാളത്തിലും എത്തുന്നത്.
Premium Lifestyle and Entertainment website
വിവാഹനിശ്ചയത്തിന് പിന്നാലെ ഷൈനുമായി വേര്‍പിരിഞ്ഞെന്ന് പ്രചരണം; നടനെ ചേര്‍ത്ത് ചുംബിക്കുന്ന ചിത്രവുമായി തനൂജയുടെ മറുപടി 
വിവാഹത്തിനുള്ള ഒരുക്കങ്ങളുമായി മീരാ നന്ദന്‍; സുഹൃത്തുക്കള്‍ക്കൊപ്പം ബ്രൈഡല്‍ ഷവര്‍ ആഘോഷമാക്കുന്ന ചിത്രങ്ങളുമായി നടി