ഇഷ്‌ക് എന്ന ചിത്രത്തിന് ശേഷം സംവിധായകന്‍ അനുരാജ് മനോഹര്‍ സംവിധാനം ചെയ്യുന്ന പുതിയ സിനിമയാണ് നരിവേട്ട. ടൊവിനോ തോമസ് ആണ് ചിത്രത്തില്‍ പ്രധാന വേഷത്തിലെത്തുന്നത്. ചിത്രത്തിലെ പുതിയ പാട്ട് പുറത്തുവിട്ടിരിക്കുകയാണ് അണിയറപ്രവര്‍ത്തകരിപ്പോള്‍. റാപ്പര്‍ വേടന്‍ പാടിയ 'വാടാ വേടാ' എന്ന ഗാനമാണ് പുറത്തിറങ്ങിയത്. ജേക്സ് ബിജോയിയാണ് സംഗീതം നിര്‍വഹിച്ചിരിക്കുന്നത്.
ശക്തമായ രാഷ്ട്രീയം പറയുന്ന റാപ്പ് സോങ്ങാണ് റിലീസ് ചെയ്ത 'വാടാ വേടാ'. യുട്യൂബില്‍ ട്രെന്‍ഡിങ് ലിസ്റ്റില്‍ തുടരുന്ന 'വാടാ വേടാ' സോങ്ങിനു ഇതിനോടകം ആറ് ലക്ഷത്തിനടുത്ത് കാഴ്ചക്കാരായി.അറസ്റ്റിനും വിവാദത്തിനും ശേഷം വേടന്‍ ആദ്യമായി സിനിമയില്‍ പാടുന്ന പാട്ടാണിത്. വേടന്‍ തന്നെയാണ് പാട്ടിന്റെ വരികളെഴുതിയിരിക്കുന്നത്. ചിത്രത്തിലെ ചില രംഗങ്ങളും ഗാനത്തിലുണ്ട്. കൈവിലങ്ങ് അണിഞ്ഞാണ് വേടനെ വിഡിയോയില്‍ കാണാനാവുക. കാടിന്റെ മക്കളോടുള്ള ഭരണകൂടത്തിന്റെ അനീതിയാണ് പശ്ചാത്തലം. ടൊവിനോയെയും പാട്ടില്‍ കാണാം.
'കാട്ട് മരത്തിന്റെ മനം മുറിഞ്ഞേ
കാക്കി ഭൂതങ്ങള്‍ വല നിറഞ്ഞേ
യന്ത്ര തോക്കുകള്‍ മന്ത്രമോതുമ്പോള്‍ അമ്മക്കിളി കരഞ്ഞേ...'
എന്ന വരികളോടെയാണ് പാട്ട് തുടങ്ങുന്നത്. വേടന്റെ പാട്ടിന് വന്‍ സ്വീകാര്യതയാണ് ലഭിക്കുന്നത്. 'ഈ സാഹചര്യത്തില്‍ ഇതിനേക്കാള്‍ നന്നായി വേറെ ആര്‍ക്കും ഈ വരികള്‍ എഴുതാനാവില്ല' എന്നാണ് സോഷ്യല്‍ മീഡിയയില്‍ നിറയുന്ന ഭൂരിഭാ?ഗം കമന്റുകളും
മേയ് 23 ന് വേള്‍ഡ് വൈഡായി നരിവേട്ട റിലീസ് ചെയ്യും. ടൊവിനോ തോമസ്, സുരാജ് വെഞ്ഞാറമൂട്, പ്രിയംവദ കൃഷ്ണന്‍ എന്നിവരെ പ്രധാന കഥാപാത്രങ്ങളാക്കി അനുരാജ് മനോഹര്‍ സംവിധാനം ചെയ്ത 'നരിവേട്ട' വയനാട്ടിലെ ആദിവാസി സമൂഹത്തിന്റെ പോരാട്ടത്തിന്റെയും നിലനില്‍പ്പിന്റെയും കഥയാണ് പറയുന്നത്. ടൊവിനോയും സുരാജും പൊലീസ് കഥാപാത്രങ്ങളെ അവതരിപ്പിക്കുന്നു. നടന്‍ ചേരനും ശക്തമായ മറ്റൊരു കഥാപാത്രത്തെ അവതരിപ്പിച്ചിരിക്കുന്നു.
ഇന്ത്യന്‍ സിനിമ കമ്പനിയുടെ ബാനറില്‍ ഷിയാസ് ഹസ്സന്‍, ടിപ്പു ഷാന്‍ എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. കേന്ദ്ര സാഹിത്യ അക്കാദമി അവാര്‍ഡ് ജേതാവ് അബിന്‍ ജോസഫിന്റേതാണ് തിരക്കഥ. സംഗീത സംവിധാനം ജേക്സ് ബിജോയ്. ഛായാഗ്രഹണം - വിജയ്. എഡിറ്റര്‍ ഷമീര്‍ മുഹമ്മദ്. ആര്‍ട്ട് - ബാവ.
Premium Lifestyle and Entertainment website
സീരിയല്‍ നടി ഡോണ അന്നയെ താലി ചാര്‍ത്തി ടോണി; കന്യാദാനം സീരിയല്‍ നായികയുടെ വിവാഹം ഏറെ നാളത്തെ പ്രണയത്തിനൊടുവില്‍