സാന്ത്വനം പരമ്പര തിരിച്ചു വരുന്നു; പ്രതീക്ഷ നൽകി സാന്ത്വനത്തിലെ ഹരി

ഏഷ്യാനെറ്റിലെ ഏറ്റവും ജനപ്രിയ സീരിയലായ സാന്ത്വനം മാറിയിരിക്കുകയാണ്. പ്രായഭേദമന്യേ എല്ലാവരും ഒരുപോലെ ഇഷ്ടപ്പെടുന്നു എന്നതാണ് ഈ സീരിയലിന്റെ ഏറ്റവും വലിയ പ്രത്യേകത. അതിശയം എന്നു പറയട്ടെ ഈ സീരിയലിൽ അഭിനയിക്കുന്ന ഓരോ വ്യക്തിക്കും ഫാൻ ഗ്രൂപ്പ് വരെ ഉണ്ട്. അപ്പോൾ മനസ്സിലാകുമല്ലോ ഇവർ ഓരോരുത്തരും എത്രമാത്രം പ്രിയപ്പെട്ടതാണെന്ന്.  ഓരോ ദിവസവും സീരിയൽ കഴിഞ്ഞ് ഇറങ്ങുന്ന പ്രോമോകൾക്ക് വളരെയധികം ജനപ്രീതി ആണ് കിട്ടുന്നത്. ടി ആർ പി റേറ്റിങ്ങിൽ സാന്ത്വനം എന്നും ഒന്നാം സ്ഥാനത്ത് തന്നെയാണ്. ഒരു കുടുംബത്തിലെ പല രസകരമായ മുഹൂർത്തങ്ങൾ യാതൊരുവിധ നാടകീയതയും ഇല്ലാതെ പ്രേക്ഷകരിലേക്ക് എത്തിക്കാൻ സാന്ത്വനം എന്നും വിജയിച്ചിരുന്നു.  അതുകൊണ്ടുകൂടിയാണ് പ്രേക്ഷകർക്ക് ഇഷ്ടപ്പെടാനുള്ള കാരണം. ഇങ്ങനെ പല കാരണങ്ങൾ കൊണ്ട് തന്നെ പ്രേക്ഷകർക്ക് സാന്ത്വനം സീരിയൽ എന്നും നെഞ്ചോട് ചേർത്തു വയ്ക്കുന്നതാണ്. അത്രമേൽ ഓരോ ദിവസത്തെ എപ്പിസോഡിന് വേണ്ടി പ്രേക്ഷകർ കാത്തിരിക്കാറുണ്ട്. സാന്ത്വനം സീരിയലിലെ രണ്ട് ദുഃഖ വാർത്തകളാണ് പ്രേക്ഷകർക്ക് പെട്ടെന്ന് വന്നത്. ഒന്ന് സാന്ത്വനം സീരിയൽ താൽക്കാലികമായി അവസാനിച്ചു എന്നുള്ള വാർത്ത, രണ്ട്.. സീരിയലിലെ പിള്ള ചേട്ടൻറെ ഗുരുതരാവസ്ഥ. ഇങ്ങനെ അടുപ്പിച്ച് രണ്ട് വാർത്തകൾ വന്നപ്പോൾ സാന്ത്വനം സീരിയലിലെ ആരാധകർക്ക് നിരാശയാണ്. എന്നാൽ ഇപ്പോൾ ആ നിരാശയ്ക്ക് ചെറിയ ഒരു ആശ്വാസം കൊണ്ടുവന്നിരിക്കുകയാണ്. സീരിയലിൽ ഹരി കൃഷ്ണൻ എന്ന കഥാപാത്രം അവതരിപ്പിക്കുന്ന ഗിരീഷ് നമ്പ്യാർ ഇപ്പോൾ ലൈവിൽ വന്നിരിക്കുകയാണ്. ഒരു സന്തോഷവാർത്തയും ആയിട്ടാണ് ഗിരീഷ് എത്തിയിരിക്കുന്നത്.

ഒട്ടനവധി ആരാധകർ ചോദിക്കുന്ന ഒരേയൊരു ചോദ്യം സാന്ത്വനം എപ്പോൾ തിരിച്ചെത്തും എന്നതാണ്. എന്നാൽ ഇതിന് ഉറപ്പില്ലാത്ത ഒരു മറുപടിയാണ് ഗിരീഷ് നൽകിയിരിക്കുന്നത്. ഞങ്ങൾക്ക് നിങ്ങളുടെ മുന്നിൽ എത്തണമെന്ന് അതിയായ ആഗ്രഹമുണ്ടെന്നും എന്നാൽ കോവിഡ്‌ നിർദ്ദേശം കാരണം മാത്രമാണ് ഇപ്പോൾ നിർത്തി വെച്ചിരിക്കുന്നതെന്നും ഗിരീഷ് പറഞ്ഞു. സീരിയൽ ഷൂട്ട് ചെയ്ത ഉടനീളം കോവിഡ് പ്രോട്ടോകോൾ പാലിച്ച് കൊണ്ടാണ് ചെയ്തതെന്നും ഗിരീഷ് പറഞ്ഞു.  ഇതിനു ശേഷം ഗിരീഷ് പറഞ്ഞ കാര്യമാണ് പ്രേക്ഷകർക്ക് സന്തോഷം നൽകുന്നത്.

അടുത്തമാസം പകുതിയോട് കൂടി വീണ്ടും ഷൂട്ടിംഗ് തുടങ്ങാൻ സാധിക്കട്ടെ എന്ന് പ്രാർത്ഥിക്കുകയാണ് ഗിരീഷ്.  സാഹചര്യങ്ങൾ എല്ലാം ഒത്തു വന്നാൽ അടുത്ത മാസം പകുതിയോടെ കൂടി തന്നെ ഷൂട്ടിംഗ് ആരംഭിക്കുമെന്നും ഗിരീഷ് ലൈവിൽ പറഞ്ഞു. ഇത് കേട്ടതോടെ സാന്ത്വനം സീരിയലിലെ ആരാധകർക്ക് ഒരു ചെറിയ പ്രതീക്ഷ വന്നിരിക്കുകയാണ്. ഇപ്പോൾ trp റേറ്റിങ്ങിൽ ഒന്നാം സ്ഥാനത്തു നിൽക്കുകയാണ് സാന്ത്വനം. കുടുംബ വിളക്കിനെ മറികടന്നാണ് സാന്ത്വനം ഈ നേട്ടം കൈവരിച്ചിരിക്കുന്നത്. എന്നാൽ മുന്നിൽ എത്തിയപ്പോൾ തന്നെ ഷൂട്ടിങ് അവസാനിപ്പിക്കണമെന്ന് ഉള്ള സർക്കാരിൻറെ തീരുമാനം മാനിച്ചുകൊണ്ട് ഷൂട്ട് അവസാനിപ്പിച്ചിരിക്കുകയാണ്. ഇത് പ്രേക്ഷകർക്ക് വല്ലാത്ത ഒരു തിരിച്ചടി തന്നെയാണ്. ഗിരീഷിനെ ലൈവിൽ തുടരെത്തുടരെ ഹരിയേട്ടാ എന്ന് കമൻറുകൾ വന്നുകൊണ്ടേയിരുന്നു . ഗിരീഷ് അവതരിപ്പിക്കുന്ന കഥാപാത്രത്തിന്റെ പേരാണ് ഹരികൃഷ്ണൻ. ഗിരീഷിന് ഒട്ടനവധി ആരാധകരാണ് ഈ സീരിയലിലൂടെ ലഭിച്ചിരിക്കുന്നത്. പിള്ള ചേട്ടൻറെ കാര്യം അന്വേഷിച്ചു കൊണ്ടും ഒരുപാട് പ്രേക്ഷകർ കമൻറ് ചെയ്തിരുന്നു. ഷൂട്ടിംഗ് സമയം തൊട്ടാണ് അദ്ദേഹത്തിന് ഈ അസുഖം വന്നതെന്നും അദ്ദേഹത്തിന് വേണ്ടി പ്രാർത്ഥിക്കുക ആണെന്ന് ഗിരീഷ് പറഞ്ഞു. നിങ്ങളുടെ എല്ലാവരുടെയും പ്രാർത്ഥന സാന്ത്വനം സീരിയലിനും പിള്ള ചേട്ടനും ഉണ്ടാകണമെന്ന് ഗിരീഷ് അഭ്യർത്ഥിച്ചു.