തൃശൂര്‍ പൂരത്തിന്റെ കോപ്പിറൈറ്റ് വിവാദത്തോട് തുറന്ന് പ്രതികരിച്ച് ഓസ്‌കാര്‍ ജേതാവ് റസൂല്‍ പൂക്കുട്ടി. താന്‍ ഒരു ഓഡിയോയും വീഡിയോയും സോണിക്ക് വിറ്റിട്ടില്ലെന്നും റസൂല്‍ പൂക്കുട്ടി പറഞ്ഞു.
'ഈ ആരോപണം തികച്ചും അടിസ്ഥാനരഹിതമാണ്. ഒരു ഓഡിയോയും വീഡിയോയും ഞാന്‍ സോണിക്ക് വിറ്റിട്ടില്ല. തൃശൂര്‍ പൂരത്തിന്റെ ഓഡിയോ ഞാന്‍ റെക്കോഡ് ചെയ്തത് ആര്‍ക്കൈവ് ആയിട്ടാണ്. സൗണ്ട് സ്റ്റോറിയുമായി ബന്ധപ്പെട്ട വീഡിയോ ആണ് ഉദ്ദേശിക്കുന്നതില്‍ അതില്‍ എനിക്ക് പങ്കില്ല. അത് പ്രശാന്ത് പ്രഭാകറും പാംസ്റ്റോണ്‍ മീഡിയയുമാണ് നിര്‍മ്മിച്ചത്. അതിന്റെ വിതരണാവകാശം മാത്രമാണ് സോണിക്ക് നല്‍കിയതെന്നാണ് എന്റെ അറിവ്. റസൂല്‍ പൂക്കുട്ടി വ്യക്തമാക്കി.
'വില്‍ക്കാന്‍ തൃശൂര്‍ പൂരം എന്റെ തറവാട് സ്വത്തല്ല. തൃശൂര്‍ പൂരം കേരള സംസ്‌കാരത്തിന്റെ ഭാഗമാണ്. അത് എല്ലാവരുടേതുമാണ്. അതില്‍ ഏതെങ്കിലും കമ്പനിക്ക് മാത്രമായി കോപ്പിറൈറ്റ് അവകാശം എടുക്കാനാവില്ല. ഇനി അഥവാ അങ്ങിനെ എടുത്തിട്ടുണ്ടെങ്കില്‍ അത് തെറ്റാണ്. ഞാനതിനെ അനുകൂലിക്കുന്നില്ല.
തൃശൂര്‍ പൂരത്തിന്റെ വീഡിയോ ദൃശ്യങ്ങളുടെ കോപ്പി റൈറ്റ് സോണി മ്യൂസിക് കൈവശപ്പെടുത്തിയിരിക്കുന്നതിനാല്‍ ദൃശ്യങ്ങള്‍ പകര്‍ത്താന്‍ സാധിക്കുന്നില്ലെന്നുമാണ് തൃശൂര്‍ കേന്ദ്രീകരിച്ച് പ്രവര്‍ത്തിക്കുന്ന എആര്‍എന്‍ മീഡിയ ആരോപിച്ചിരിക്കുന്നത്.
Premium Lifestyle and Entertainment website
700 തൊഴിലാളികള്‍ ഏഴ് മാസം കൊണ്ട് ഒരുക്കിയ സെറ്റ്; ഒരുക്കിയത് മൂന്ന് ഏക്കര്‍ സ്ഥലത്ത്;ഹീരമാണ്ഡിക്കായി ഒരുക്കിയത് തന്റെ എക്കാലത്തെയും വലിയ സെറ്റ് ആണെന്ന് ബന്‍സാലി
എപ്പോഴാണ് നമ്മള്‍ ഒരുമിച്ച് ഡിന്നര്‍ കഴിക്കാന്‍ പോകുന്നതെന്ന് മോഹന്‍ലാലിന്റെ ഡാന്‍സ് കണ്ട ഷാരൂഖിന്റെ ചോദ്യം; ഡിന്നര്‍ മാത്രം മതിയോ? പ്രാതലിലും നമുക്കൊരു 'സിന്ദാ ബന്ദാ' പിടിച്ചാലോയെന്ന്‌ മോഹന്‍ലാല്‍; വനിതാ അവാര്‍ഡ് വേദിയിലെ ലാലേട്ടന്റെ പാട്ടിന് കൈയ്യടിച്ച് ഷാരൂഖ്