പുതുമുഖങ്ങള്‍ മേക്കപ്പില്ലാത്ത ഫോട്ടോകള്‍ അയച്ച് തരുക; സുരേഷ് ഗോപി നവ്യാ നായര്‍ ചിത്രത്തിലേക്ക് അഭിനേതാക്കളെ തേടുന്നു; മകളുടെ വിവാഹ ശേഷം നാളെ മുതല്‍ ക്യാമറയ്ക്ക് മു്ന്നിലേക്ക് എത്താന്‍ സുരേഷ് ഗോപി

സുരേഷ് ഗോപി നായകനായി എത്തുന്ന 257മത് ചിത്രമാണ് വരാഹം. ത്രില്ലര്‍ ഗണത്തിലുള്ള ചിത്രം സംവിധാനം ചെയ്യുന്നത് സനല്‍ വി ദേവനാണ്. സുരേഷ് ഗോപിക്കൊപ്പം ഗൗതം മേനോനും നവ്യ നായരും പ്രധാന വേഷത്തില്‍ എത്തുന്നുണ്ട്. നിലവില്‍ ചിത്രീകരണം പുരോഗമിക്കുന്ന ചിത്രത്തിന്റേതായി കാസ്റ്റിംഗ് കാള്‍ പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍.

മെയിന്‍ കഥാപാത്രങ്ങളുടെ ടീനേജ് പ്രായം അവതരിപ്പിക്കാനായാണ് കാസ്റ്റിംഗ് കാള്‍ വന്നിരിക്കുന്നത്. താല്പര്യമുള്ള പുതുമുഖങ്ങള്‍ മേക്കപ്പില്ലാത്ത ഫോട്ടോകള്‍ അണിയറ പ്രവര്‍ത്തകര്‍ക്ക് അയക്കണം. [email protected], [email protected] എന്നീ രണ്ട് മെയിലുകളിലും താല്യപര്യമുള്ളവര്‍ക്ക് അപേക്ഷിക്കാവുന്നതാണ്. 

സുരേഷ് ഗോപി, സുരാജ് വെഞ്ഞാറമൂട്, ഗൗതം വാസുദേവ് മേനോന്‍, നവ്യ നായര്‍ എന്നിവര്‍ പ്രധാന കഥാപാത്രങ്ങളായി അഭിനയിക്കുന്ന പുതിയ സിനിമയിലേക്ക് ടീനേജ് പ്രായം അവതരിപ്പിക്കാന്‍ പുതുമുഖങ്ങളെ തേടുന്നു. സുരേഷ് ഗോപി: പ്രായം 19-20, ഗൗതം മേനോന്‍: പ്രായം 19-20, നവ്യ നായര്‍: പ്രായം 15-19. താലപര്യമുള്ളവര്‍ മേക്കപ്പില്ലാത്ത ഫോട്ടോകള്‍ അയക്കുക', എന്നാണ് കാസ്റ്റിംഗ് കാളില്‍ കൊടുത്തിരിക്കുന്നത്. 

ഡിസംബര്‍ 15നാണ് വരാഹത്തിന്റെ ഷൂട്ടിംഗ് ആരംഭിച്ചത്. ജനുവരി 12നാണ് വരാഹം ഷെഡ്യൂള്‍ പാക്കപ്പ് ആയതിന് ശേഷം ചിത്രീകരണം നാളെ പാലക്കാട് അഹല്യ ഹോസ്പിറ്റലില്‍ ആരംഭിക്കും.മകളുടെ വിവാഹശേഷം സുരേഷ് ഗോപി വീണ്ടും ക്യാമറയുടെ മുന്‍പിലേക്ക് എത്തുകയാണ്.

നാലു ദിവസത്തെ ചിത്രീകരണത്തോടെ സുരേഷ് ഗോപിയുടെ രംഗങ്ങള്‍ പൂര്‍ത്തിയാകും. നവ്യ നായരും പ്രാചി ടെഹ്ലെനും ആണ് സ്ത്രീ കഥാപാത്രങ്ങളെ അവതരിപ്പിക്കുന്നത് .പതാക, സദ്ഗമയ, കിച്ചാമണി എം.ബി.എ തുടങ്ങിയ ചിത്രങ്ങളില്‍ സുരേഷ് ഗോപിയും നവ്യ നായരും ഒരുമിച്ചിട്ടുണ്ട്. നീണ്ട ഇടവേളയ്ക്കുശേഷമാണ് സുരേഷ് ഗോപി ചിത്രത്തില്‍ നവ്യ നായര്‍ ഭാഗമാകുന്നത്. 

മമ്മൂട്ടി നായകനായ മാമാങ്കം ആണ് പ്രാചിയുടെ ആദ്യ ചിത്രം. മുന്‍ ഇന്ത്യന്‍ നാഷണല്‍ നെറ്റ് ബാള്‍ ടീം ക്യാപ്ടനും ബാസ്‌കറ്റ് ബാള്‍ പ്ളേയറുമാണ് പ്രാചി. 2001 ല്‍ കോമണ്‍ വെല്‍ത്ത് ഗെയിംസില്‍ ഇന്ത്യന്‍ നെറ്റ് ബാള്‍ ടീമിനെ നയിച്ചത് പ്രാച്ചി ആയിരുന്നു. പ്രാച്ചി അഭിനയിക്കുന്ന രണ്ടാമത്തെ മലയാള ചിത്രമാണ് . സുരാജ് വെഞ്ഞാറമൂട്. ഗൗതം മേനോന്‍ എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില്‍ സരയു ആണ് മറ്റൊരു പ്രധാന താരം. പൊലീസ് ഓഫീസറുടെ വേഷമാണ് ഗൗതം മേനോന്‍ അവതരിപ്പിക്കുന്നത്. അജയ് ഡേവിഡ് കാച്ചപ്പിള്ളിയാണ് ഛായാഗ്രഹണം. മാവെറിക് മൂവീസ് പ്രൈവറ്റ് ലിമിറ്റഡിന്റെയും സഞ്ജയ് പടിയൂര്‍ എ ന്റര്‍ടെയ്ന്‍മെന്റിന്റെയും ബാനറുകളിലാണ് നിര്‍മ്മാണം.