സോഷ്യല്‍ മീഡിയയില്‍ തരംഗമായി ആന്റണിയുടെ ഫസ്റ്റ് ലുക്കും മോഷന്‍ പോസ്റ്ററും. പാപ്പന്‍ എന്ന സൂപ്പര്‍ ഹിറ്റ് സുരേഷ് ഗോപി ചിത്രത്തിന് ശേഷം ജോഷി സംവിധാനം ചെയ്യുന്ന പുതിയ ചിത്രമായ 'ആന്റണി'യുടെ ഫസ്റ്റ് ലുക്ക് നിമിഷനേരം കൊണ്ടാണ് ആരാധകര്‍ ഏറ്റെടുത്തത്. വമ്പന്‍ മാസ്സ് ഗെറ്റപ്പില്‍ എത്തുന്ന ജോജു കയ്യടികള്‍ വാരികൂട്ടുകയാണ്. ചിത്രത്തിനായി ജോജു തടി കുറച്ചത് വെറുതെയല്ല എന്ന് ബോധ്യപ്പെട്ടുവെന്ന് അഭിപ്രായപ്പെടുകയാണ് സോഷ്യല്‍ മീഡിയ.
ജോഷിയുടെ തന്നെ സൂപ്പര്‍ഹിറ്റ് ചിത്രം പൊറിഞ്ചു മറിയം ജോസില്‍ പ്രധാന കഥാപാത്രങ്ങളായെത്തിയ ജോജു ജോര്‍ജ്, നൈല ഉഷ, ചെമ്പന്‍ വിനോദ് ജോസ് വിജയരാഘവന്‍ എന്നിവരാണ് ആന്റണിയില്‍ പ്രധാന കഥാപാത്രങ്ങളായെത്തുന്നത് എന്നതാണ് മറ്റൊരു സവിശേഷത.പൊറിഞ്ചു മറിയം ജോസിനെക്കാള്‍ ഒരുപാട് പ്രതീക്ഷയോടെയാണ് ആരാധകര്‍ ആന്റണിക്കായി കാത്തിരിക്കുന്നത്.
ചിത്രത്തില്‍ മറ്റൊരു പ്രധാന കഥാപാത്രമായി കല്യാണി പ്രിയദര്‍ശനും ആശ ശരത്തും എത്തുന്നു എന്നതാണ് മറ്റൊരു സവിശേഷത.താന്‍ ഏറെ വെല്ലുവിളികള്‍ നേരിട്ട ചിത്രമാണ് ആന്റണി എന്നാണ് പോസ്റ്റര്‍ പങ്കുവെച്ചുകൊണ്ട് കല്യാണി പറഞ്ഞത്. 'ആന്റണിയുടെ ഫസ്റ്റ് ലുക്ക് നിങ്ങള്‍ക്ക് ഇഷ്ടപ്പെടുമെന്ന് പ്രതീക്ഷിക്കുന്നു. എന്റെ പരിമിതികളാണെന്ന് ഞാന്‍ വിശ്വസിച്ചതിന് അപ്പുറത്തേക്ക് എന്നെ ശാരീരികമായി തള്ളി വിട്ട സിനിമയാണിത്, ആന്റണി നിങ്ങളിലേക്കെത്തുന്നതിനായി കാത്തിരിക്കുകയാണ് ഞാന്‍', കല്യാണി ട്വിറ്ററില്‍ കുറിച്ചു.
ജോജു ജോര്‍ജ്ജും ജോഷിയും ഒന്നിച്ച പൊറിഞ്ചു മറിയം ജോസ് വലിയ വിജയം നേടിയ ആയിരുന്നു. കാട്ടാളന്‍ പൊറിഞ്ചു എന്ന കഥാപാത്രം ആയി ജോജു ജോര്‍ജ്ജ് എത്തിയത്. പൊറിഞ്ചുവിന്റെ വലിയ വിജയത്തിന് ശേഷം ജോജുവും ജോഷിയും ഒന്നിക്കുമ്പോള്‍ പ്രതീക്ഷകള്‍ ഏറെ ആണ്. ഇരട്ട എന്ന ജനപ്രീയ സിനിമക്ക് ശേഷം ജോജു നായകനാവുന്ന ചിത്രമാണ് ആന്റണി.
ഐന്‍സ്റ്റിന്‍ മീഡിയയുടെ ബാനറില്‍ ഐന്‍സ്റ്റിന്‍ സാക് പോള്‍ ആണ് ചിത്രത്തിന്റെ നിര്‍മ്മാണം. ചിത്രത്തിന്റെ ടൈറ്റില്‍ ലോഞ്ചും പൂജയും കൊച്ചി ക്രൗണ്‍ പ്ലാസ ഹോട്ടലില്‍ വച്ച് നടന്നു. രചന - രാജേഷ് വര്‍മ്മ, ഛായാഗ്രഹണം - രണദിവെ, എഡിറ്റിംഗ് - ശ്യാം ശശിധരന്‍, സംഗീത സംവിധാനം - ജേക്‌സ് ബിജോയ്, പ്രൊഡക്ഷന്‍ കണ്‍ട്രോളര്‍ - ദീപക് പരമേശ്വരന്‍, കലാസംവിധാനം - ദിലീപ് നാഥ്, വസ്ത്രാലങ്കാരം - പ്രവീണ്‍ വര്‍മ്മ, മേക്കപ്പ് - റോണക്‌സ് സേവ്യര്‍, സ്റ്റില്‍സ് - അനൂപ് പി ചാക്കോ, വിതരണം - അപ്പു പാത്തു പപ്പു പ്രൊഡക്ഷന്‍ ഹൗസ്, ചീഫ് അസോസിയേറ്റ് ഡയറക്ടര്‍ - സിബി ജോസ് ചാലിശ്ശേരി, ആക്ഷന്‍ ഡയറക്ടര്‍ - രാജശേഖര്‍, ഓഡിയോഗ്രാഫി - വിഷ്ണു ഗോവിന്ദ്, എക്‌സിക്യൂട്ടീവ് പ്രൊഡ്യുസര്‍ - വര്‍ക്കി ജോര്‍ജ് , സഹ നിര്‍മാതാക്കള്‍ - ഷിജോ ജോസഫ്, ഗോകുല്‍ വര്‍മ്മ, കൃഷ്ണരാജ് രാജന്‍, പി ആര്‍ ഒ - ശബരി.മാര്‍ക്കറ്റിങ്ങ് പ്ലാനിങ് -ഒബ്‌സ്‌ക്യൂറ എന്റര്‍ടൈന്‍മെന്റ്, ഡിസ്ട്രിബ്യുഷന്‍ - അപ്പു പാത്തു പപ്പു പ്രൊഡക്ഷന്‍ ഹൗസ് എന്നിവരാണ് ചിത്രത്തിലെ മറ്റു അണിയറ പ്രവര്‍ത്തകര്‍.
Premium Lifestyle and Entertainment website
കന്യാദാനത്തില്‍ അപ്രതീക്ഷിത പിന്മാറ്റം.; സീരിയലില്‍ അനുവായി എത്തിയ ഡോണ പരമ്പരയില്‍ നിന്ന് പടിയിറങ്ങി; പകരം എത്തുക നടി ലക്ഷ്മി ബാലഗോപാല്‍ 
എന്റെ സമ്മതമില്ലാതെ എന്തുചെയ്താലും പീഡനമാണ്; എത്രകാലം ഉറങ്ങാതെ ഇരുന്നു;തോക്കുചൂണ്ടി ഭീഷണി പെടുത്താന്‍ ഒരാളുടെ വീട്ടില്‍ എത്തിയിട്ട് നിയമത്തിന് ഒന്നും ചെയ്യാന്‍ ആയില്ല പിന്നെയാണോ എനിക്ക് നീതി ലഭിക്കുന്നത്; ആത്മഹത്യാ ശ്രമം അടക്കം എലിസബത്ത് ബാലയുടെ പീഡനങ്ങള്‍ പറയുമ്പോള്‍