സാര്‍, ഒന്നും തോന്നരുത് ഒരു ആനയെ ഒപ്പിച്ചു തരാന്‍ പറ്റുവോ?സസ്‌പെന്‍സ് നിലനിര്‍ത്തി സൗദി വെള്ളക്ക ട്രെയിലര്‍; ചിത്രം നാളെ തിയേറ്ററുകളില്‍

തരുണ്‍ മൂര്‍ത്തി സംവിധാനം ചെയ്യുന്ന 'സൗദി വെള്ളക്ക'യുടെ ട്രെയിലര്‍ പുറത്തുവിട്ടു. ഇന്നത്തെ സാമൂഹിക- രാഷ്ട്രീയ പശ്ചാത്തലത്തില്‍ പറയുന്നൊരു കഥയാണ് ചിത്രമെന്നാണ് ട്രെയിലര്‍ നല്‍കുന്ന സൂചന. ചിത്രം ഡിസംബര്‍ രണ്ടിന് തിയറ്ററുകളില്‍ എത്തും. ബിനു പപ്പു, ലുക്മാന്‍ അവറാന്‍, വിന്‍സി അലോഷ്യസ് തുടങ്ങി നിരവധി പ്രമുഖ താരങ്ങളും ധാരാളം പുതുമുഖ താരങ്ങളും അണിനിരക്കുന്ന ചിത്രം ഒരു സാമൂഹിക ആക്ഷേപഹാസ്യ ചിത്രമായിട്ടാണ് ഒരുക്കിയിരിക്കുന്നത്.

പേരില്‍ തന്നെ കൗതുകം നിലനിര്‍ത്തിയിരിക്കുന്ന സിനിമ കൊച്ചിയില്‍ സൗദി എന്ന സ്ഥലത്ത് അരങ്ങേറിയ ഒരു സംഭവത്തെയും തുടര്‍ന്നുള്ള കേസിനെയും ആധാരമാക്കിയ സിനിമയാണ്. കൊവിഡ് കാലത്ത് തിയറ്ററുകളെ സജീവമാക്കിയ ഓപ്പറേഷന്‍ ജാവ എന്ന സിനിമക്ക് ശേഷം തരുണ്‍ മൂര്‍ത്തി തിരക്കഥയും സംവിധാനവും നിര്‍വഹിച്ച ചിത്രവുമാണ് സൗദി വെള്ളക്ക. ഉര്‍വശി തിയറ്റേഴ്‌സിന്റെ ബാനറില്‍ സന്ദീപ് സേനനാണ് നിര്‍മ്മാണം. പൃഥ്വിരാജ് സുകുമാരന്‍ നായകനായ

വിലായത്ത് ബുദ്ധയാണ് ഉര്‍വശി തിയറ്റേഴ്‌സിന്റെ ചിത്രീകരണം പുരോഗമിക്കുന്ന സിനിമ. ശരണ്‍ വേലായുധനാണ് ക്യാമറ
അനന്യ,ഗോകുലന്‍ എന്നിവര്‍ കേന്ദ്രകഥാപാത്രങ്ങളായെത്തുന്നു.രസകരവും കൗതുകം നിറഞ്ഞതുമായ ഒരു കേസും അതിന് പിന്നിലുള്ളവരുടെ യാത്രയുമാണ് സൗദി വെള്ളക്കയുടെ പ്രമേയം. സത്താര്‍ എന്ന കഥാപാത്രമായി ലുക്മാനും ബ്രിട്ടോയുടെ റോളില്‍ ബിനു പപ്പുവും ആയിഷ ഉമ്മയുടെ റോളില്‍ നവാഗതയായ ദേവി വര്‍മ്മയുമെത്തുന്നു. ദേവി രാജേന്ദ്രന്‍, റിയാ സൈനു, സ്മിനു സിജോ, സജീദ് പട്ടാളം, അബു വളയംകുളം എന്നിവരും പ്രധാന താരങ്ങളാണ്. . അന്‍വര്‍ അലിയുടെ വരികള്‍ക്ക് പാലി ഫ്രാന്‍സിസ് ഈണം പകര്‍ന്നിരിക്കുന്നു.

തല്ലുമാലക്ക് ശേഷം നിഷാദ് യൂസഫ് എഡിറ്ററായെത്തുന്ന ചിത്രവുമാണ് സൗദി വെള്ളക്ക. പാലി ഫ്രാന്‍സിസ് ആണ് സംഗീതം. ഹരീന്ദ്രനാണ് സഹനിര്‍മ്മാണം. സംഗീത് സേനന്‍ എക്‌സിക്യുട്ടീവ് പ്രൊഡ്യൂസര്‍. വിഷ്ണു ഗോവിന്ദും ശ്രീശങ്കറുമാണ് സൗണ്ട് ഡിസൈന്‍.

കലാസംവിധാനം -സാബു വിതുര മേക്കപ്പ് -മനു.കോസ്റ്റ്യും - - ഡിസൈന്‍ - മഞ്ജു ഷാ രാധാകൃഷ്ണന്‍. ചീഫ് അസ്സോസ്സിയേറ്റ് ഡയറക്ടര്‍ -- ബിനു പപ്പു, ഉര്‍വ്വശി തീയേറ്റേഴ്സ് തന്നെയാണ് സൗദി വെള്ളക്ക പ്രദര്‍ശനത്തിനെത്തിക്കുന്നത്.