യൂഡ്ലി ഫിലിംസിന്റെ മലയാളത്തിലെ നാലാമത്തെ ചിത്രമായ 'കാസര്‍ഗോള്‍ഡിന്റെ' ടീസര്‍ നിമിഷനേരം കൊണ്ട് ആരാധകരെ ഞെട്ടിച്ചുകൊണ്ട് ഹിറ്റ് ചാര്‍ട്ടിലേക്ക് ഇടം നേടി. കഥയുടെ സസ്‌പെന്‍സ് ഒന്നും പുറത്ത് വിടാതെ തന്നെ ഒരു വ്യത്യസ്ത മൂഡ് ക്രിയേറ്റ് ചെയ്യുകയാണ് ടീസര്‍. ടീസര്‍ റിലീസിന് മുന്‍പ് തന്നെ യുവാക്കള്‍ക്കിടയില്‍ സിനിമ വലിയ ചര്‍ച്ചാവിഷയമായിരുന്നു.
ആസിഫ് അലി, സണ്ണി വെയ്ന്‍, വിനായകന്‍ തുടങ്ങിയവര്‍ പ്രധാന വേഷങ്ങളിലെത്തി മൃദുല്‍ നായര്‍ കഥ എഴുതി സംവിധാനം ചെയ്യുന്ന ചിത്രമാണ് 'കാസര്‍ഗോള്‍ഡ്'. മുഖരി എന്റര്‍ടൈന്‍മെന്റ്‌സിന്റെ ബാനറില്‍ വിക്രം മെഹ്‌റ, സിദ്ധാര്‍ത്ഥ് ആനന്ദ് കുമാര്‍,സൂരജ് കുമാര്‍,റിന്നി ദിവാകര്‍ എന്നിവര്‍ ചേര്‍ന്ന് യൂഡ്ലി ഫിലിംസുമായി സഹകരിച്ച് സരിഗമ നിര്‍മിക്കുന്ന ചിത്രമാണ് 'കാസര്‍ഗോള്‍ഡ്'. ബി ടെക്ക് എന്ന ചിത്രത്തിന് ശേഷം ആസിഫ് അലിയും മൃദുല്‍ നായരും ഒന്നിക്കുന്ന ചിത്രം കൂടിയാണ് ഇത്.
സരിഗമ ഇന്ത്യയുടെ സീനിയര്‍ വൈസ് പ്രസിഡന്റ് ഓഫ് ഫിലിംസ് ആന്‍ഡ് ഇവന്റ്സ് , സിദ്ധാര്‍ഥ് ആനന്ദ് കപൂറിന്റെ വാക്കുകള്‍ ഇങ്ങനെ 'കാസര്‍ഗോള്‍ഡ് ഞങ്ങളുടെ മലയാളത്തിലെ മൂന്നാമത്തെ ചിത്രമാണ്. ചിത്രത്തിലെ അണിയറപ്രവര്‍ത്തകര്‍ യുവാക്കളും പുതിയ ഒത്തിരി ഐഡിയാസുമുള്ള ടീമാണ്. സിനിമയുടെ മേക്കിങ്ങില്‍ ഉണ്ടായിരുന്ന എനര്‍ജിയുടെ വളരെ ചെറിയ ശതമാനം മാത്രമാണ് ടീസറില്‍ കാണുന്നത്. മികച്ച സിനിമ അനുഭവം തന്നെ എല്ലാ പ്രേക്ഷകര്‍ക്കും ഉണ്ടാകും.'
സംവിധായകന്‍ മൃദുല്‍ നായറിന്റെ വാക്കുകള്‍ ഇങ്ങനെ ' ഞാനും ആസിഫും തമ്മില്‍ വലിയ കണക്ഷന്‍ ഉണ്ട്. രണ്ടാമത്തെ കോവിഡ് ലോക്ഡൗന്‍ സമയത്താണ് കാസര്‍ഗോള്‍ഡിന്റെ ഷൂട്ടിങ്ങ് പ്ലാന്‍ ചെയ്തിരുന്നത്. എന്നാല്‍ ഇത്രയും വലിയ പ്രോജക്ട് അങ്ങനെയൊരു സമയത്ത് ഷൂട്ട് ചെയ്യാന്‍ പാടായിരുന്നു. സരിഗമയുമായി സഹകരിക്കാന്‍ പറ്റിയതോടെ സിനിമയ്ക്ക് പുതിയ ജീവന്‍ വരുകയായിരുന്നു.'സുപ്രീം സുന്ദര്‍, ബില്ല ജഗന്‍, മാഫിയ ശശി എന്നിവര്‍ ചെയ്ത സ്റ്റണ്ട് സീക്വന്‍സുകളെ കുറിച്ചും മൃദുല്‍ വാചാലനാകുകയായിരുന്നു.
മികച്ചൊരു തീയേറ്റര്‍ അനുഭവമായിരിക്കും പ്രേക്ഷകര്‍ക്ക് ലഭിക്കുക എന്ന് ആസിഫ് അലി പറഞ്ഞു. 'മൃദുല്‍ കഥ പറഞ്ഞപ്പോള്‍ മുതല്‍ ഞാന്‍ എക്‌സൈറ്റഡ് ആയിരുന്നു. കേരളത്തില്‍ യഥാര്‍ത്ഥത്തില്‍ സംഭവിച്ച രണ്ട് മൂന്ന് കഥ പശ്ചാത്തലമാണ് സിനിമയില്‍ ഉള്ളത്. സിനിമ കാണുമ്പോള്‍ എനിക്ക് തോന്നിയതുപോലെ തന്നെ പ്രേക്ഷകര്‍ക്കും ഇതിലെ സസ്‌പെന്‍സും ഡ്രാമയും അനുഭവിച്ചറിയാന്‍ കഴിയുമെന്ന് വിശ്വസിക്കുന്നു.'
'കാപ്പ' എന്ന ചിത്രത്തിന് ശേഷം സരിഗമയുമായി ആസിഫ് അലി ഒന്നിക്കുന്ന രണ്ടാമത്തെ ചിത്രം കൂടിയാണ് 'കാസര്‍ഗോള്‍ഡ്'. 'കുറ്റവും ശിക്ഷയും' എന്ന ചിത്രത്തിന് ശേഷം ആസിഫ് അലിയും സണ്ണി വെയ്‌നും ഒന്നിക്കുന്ന ചിത്രം കൂടിയാണ് 'കാസര്‍ഗോള്‍ഡ്.' ടീസറില്‍ കാണുന്നതുപോലെ തന്നെ ആക്ഷന്‍ ത്രില്ലര്‍ ചിത്രമാകും. ശ്വാസം അടക്കി പിടിച്ച് കാണേണ്ട വിശ്വല്‍സും ഗംഭീര ബാക്ക്ഗ്രൗണ്ട് സ്‌കോറും ഉള്‍പ്പെടെ തീയേറ്ററില്‍ മികച്ച അനുഭവമാകും ചിത്രം സമ്മാനിക്കുക എന്നതായിരുന്നു സണ്ണി വെയ്‌ന്റെ വാക്കുകള്‍.
തല്ലുമാലയിലൂടെ സെന്‍സേഷനായി മാറിയ സംഗീത സംവിധായകന്‍ വിഷ്ണു വിജയ് കാസര്‍ഗോള്‍ഡില്‍ സംഗീതം നല്‍കുന്നു. ലിറിക്കല്‍ ഗാനം തന്ന പ്രതീക്ഷകള്‍ ഇരട്ടിയാക്കിയിരിക്കുകയാണ് ടീസര്‍. യൂട്യൂബില്‍ ഇതിനോടകം തന്നെ 1.5 മില്യന്‍ വ്യുസാണ് ഗാനം നേടിയത്. മൃദുല്‍, സജിമോന്‍ എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
സിദ്ദിഖ് , സമ്പത്ത് റാം, ദീപക് പറമ്പോള്‍, ധ്രുവന്‍,അഭിറാം രാധാകൃഷ്ണന്‍, പ്രശാന്ത് മുരളി, സാഗര്‍ സൂര്യ, ജെയിംസ് ഏലിയ തുടങ്ങിയ വന്‍ താരനിരയും ചിത്രത്തില്‍ അണിനിരക്കുന്നു. കോ-പ്രൊഡ്യൂസര്‍- സഹില്‍ ശര്‍മ്മ. ഛായാഗ്രഹണം - ജെബില്‍ ജേക്കബ് , അഡീഷണല്‍ ക്യാമറ - പവി കെ പവന്‍ . തിരക്കഥ സംഭാഷണം - സജിമോന്‍ പ്രഭാകര്‍. സംഗീതം - വിഷ്ണു വിജയ്,നിരഞ്ജ് സുരേഷ്. ഗാനരചന- വൈശാഖ് സുഗുണന്‍, എഡിറ്റര്‍-മനോജ് കണ്ണോത്ത്, കല-സജി ജോസഫ്, മേക്കപ്പ്-ജിതേഷ് പൊയ്യ, വസ്ത്രാലങ്കാരം-മസ്ഹര്‍ ഹംസ,സ്റ്റില്‍സ്- റിഷാദ് മുഹമ്മദ്,പ്രൊമോ സ്റ്റില്‍സ്-രജീഷ് രാമചന്ദ്രന്‍,പരസ്യകല-എസ് കെ ഡി ഡിസൈന്‍ ഫാക്ടറി, സൗണ്ട് ഡിസൈന്‍ -രംഗനാഥ് രവി,ബിജിഎം-വിഷ്ണു വിജയ്,ചീഫ് അസോസിയേറ്റ് ഡയറക്ടര്‍-സുനില്‍ കാര്യാട്ടുക്കര, പ്രൊഡക്ഷന്‍ കണ്‍ട്രോളര്‍-വിനോഷ് കൈമള്‍,പ്രണവ് മോഹന്‍. ഡിസൈന്‍ - യെല്ലോടൂത്സ് . പി ആര്‍ ഒ- എ എസ് ദിനേശ്, ശബരി.
Premium Lifestyle and Entertainment website
കന്യാദാനത്തില്‍ അപ്രതീക്ഷിത പിന്മാറ്റം.; സീരിയലില്‍ അനുവായി എത്തിയ ഡോണ പരമ്പരയില്‍ നിന്ന് പടിയിറങ്ങി; പകരം എത്തുക നടി ലക്ഷ്മി ബാലഗോപാല്‍ 
എന്റെ സമ്മതമില്ലാതെ എന്തുചെയ്താലും പീഡനമാണ്; എത്രകാലം ഉറങ്ങാതെ ഇരുന്നു;തോക്കുചൂണ്ടി ഭീഷണി പെടുത്താന്‍ ഒരാളുടെ വീട്ടില്‍ എത്തിയിട്ട് നിയമത്തിന് ഒന്നും ചെയ്യാന്‍ ആയില്ല പിന്നെയാണോ എനിക്ക് നീതി ലഭിക്കുന്നത്; ആത്മഹത്യാ ശ്രമം അടക്കം എലിസബത്ത് ബാലയുടെ പീഡനങ്ങള്‍ പറയുമ്പോള്‍