മലയാള സിനിമ പ്രേമികളുടെ പ്രിയ നടനാണ് ദേവൻ. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളായിരുന്നു താരം പ്രേക്ഷകർക്കായി സമ്മാനിച്ചതും. മലയാളത്തിന് പുറമെ അന്യ ഭാഷാ ചിത്രങ്ങളിലും നടൻ തന്റെതായ ഒരു ഇടം കണ്ടെത്തി കഴിഞ്ഞു. എന്നാൽ ഇപ്പോൾ സ്വന്തമായി ഒരു രാഷ്ട്രീയ പാര്‍ട്ടി രൂപീകരിച്ച കാര്യം എറണാകുളം പ്രസ്‌ക്ലബ്ബില്‍ വിളിച്ചു ചേര്‍ത്ത വാര്‍ത്ത സമ്മേളനത്തിലൂടെ തുറന്ന് പറഞ്ഞിരിക്കുകയാണ്.
നടന്‍ ദേവന്റെ വാര്‍ത്താ സമ്മേളനം സംസ്ഥാന സര്‍ക്കാരിനെതിരെ ആഞ്ഞടിച്ചായിരുന്നു. ഇടത് സര്‍ക്കാര്‍ ജനങ്ങളെ വഞ്ചിച്ചു. മുഖ്യമന്ത്രി പിണറായി വിജയന്റെ നിലപാട് സ്വര്‍ണക്കടത്ത് അടക്കമുള്ള വിഷയങ്ങളില്‍ മലയാാളികളുടെ ആത്മാഭിമാനത്തെ തകര്‍ത്തു എന്നും ദേവന്‍ വ്യക്തമാക്കിയിരിക്കുകയാണ്.
സ്വര്‍ണക്കടത്ത് അടക്കമുള്ള വിഷയങ്ങളില്‍ സംസ്ഥാന മുഖ്യമന്ത്രിക്കും പങ്കുണ്ടെന്ന സത്യം വേദനയോടെയാണ് മലയാളികള്‍ക്ക് ഉള്‍ക്കൊള്ളാന്‍ കഴിഞ്ഞത്. പിണറായി വിജയന്‍ കേരളത്തിലെ അവസാനത്തെ കമ്യൂണിസ്റ്റ് മുഖ്യമന്ത്രി ആയിരിക്കും. പിണറായി അധികാരമേറ്റപ്പോള്‍ ജനങ്ങള്‍ക്ക് ഏറെ പ്രതീക്ഷയുണ്ടായിരുന്നു. എന്നാല്‍ രണ്ടു വര്‍ഷത്തിനുള്ളില്‍ അദ്ദേഹം ആ വിശ്വാസം തകര്‍ത്തു. നിലവിലെ മുന്നണികള്‍ക്കുള്ള രാഷ്ട്രീയ ബദലാണ് പുതിയ പാര്‍ട്ടി.
തദ്ദേശ തെരഞ്ഞെടുപ്പില്‍ പാര്‍ട്ടി മത്സരിക്കില്ല. എന്നാല്‍ സമാന ചിന്താഗതിയുള്ള പ്രാദേശിക പൗരസമിതി സ്ഥാനാര്‍ഥികള്‍ക്ക് പിന്തുണയും സഹായവും നല്‍കും. സംസ്ഥാനത്തെ മുന്നണികളില്‍ മാലിന്യ സംസ്‌കരണം അനിവാര്യമാണ്. പാര്‍ട്ടികളല്ല, അവയെ നയിക്കുന്ന നേതാക്കളാണ് പ്രശ്‌നം.നിലവിലെ രാഷ്ട്രീയ ജീര്‍ണതയാണ് പുതിയ പാര്‍ട്ടി രൂപീകരിക്കാന്‍ പ്രേരിപ്പിച്ചത്. ഒരു മുന്നണിയുമായും സഹകരിക്കാതെ ഒറ്റയ്ക്ക് സ്വന്തം ചിഹ്നത്തില്‍ മത്സരിക്കും. നവകേരള പീപ്പിള്‍സ് പാര്‍ട്ടിയുടെ ഔദ്യോഗിക പതാക പ്രകാശനവും ചടങ്ങില്‍ നടത്തി.
Premium Lifestyle and Entertainment website
ചെന്നൈ നഗരത്തില്‍ ഡെലിവറി വുമാണായി ജോലി നോക്കി സ്ത്രീധനത്തിലെ ചാളമേരിയുടെ മരുമകള്‍; സീരിയല്‍ നടി കവിതശ്രീ തട്ടുകടയ്ക്ക് പൂട്ടുവീണപ്പോള്‍ പുതിയ ജോലി ചെയത് കൈയ്യടി നേടുമ്പോള്‍
കാത്തിരിപ്പിനൊടുവില്‍ കുഞ്ഞതിഥിയെത്തി; സീരിയല്‍ നടി ആര്യ അമ്മയായി; വിശേഷം പങ്ക് വച്ച് നടിയും ഭര്‍ത്താവ് ശരതും