തെന്നിന്ത്യന്‍ സിനിമാലോകം ഉറ്റുനോക്കുന്ന താരവിവാഹങ്ങളില്‍ ഒന്നാണ് ശോഭിത ധൂലിപാല-നാഗ ചൈതന്യ വിവാഹം. ആഗസ്റ്റിലായിരുന്നു ഇരുവരുടെയും വിവാഹനിശ്ചയം നടന്നത്. ഇരുവരുടേയും വിവാഹം ഡിംസബര്‍ നാലിന് ഹൈദരാബാദില്‍ വെച്ച് നടക്കുമെന്നാണ് ഇപ്പോള്‍ പുറത്തുവരുന്ന വിവരം. ഹൈദരാബാദിലെ അന്നപൂര്‍ണ സ്റ്റുഡിയോയായിരിക്കും വിവാഹവേദി.
അക്കിനേനി കുടുംബവുമായി വൈകാരിക ബന്ധമുള്ള സ്റ്റുഡിയോയാണ് അന്നപൂര്‍ണ. അതുകൊണ്ടുതന്നെ തന്റെ വിവാഹ ജീവിതം ഇവിടെ നിന്ന് തുടങ്ങണമെന്ന് നാഗചൈതന്യ ആവശ്യപ്പെട്ടുവെന്നാണ് റിപ്പോര്‍ട്ട്.
നാഗ ചൈതന്യയും ശോഭിതയും പ്രണയത്തിലാണെന്ന് അഭ്യൂഹം ഏറെ നാളുകളായി പ്രചരിക്കുന്നുണ്ടെങ്കിലും ഇരുവരും ഇതേക്കുറിച്ച് പ്രതികരിച്ചിരുന്നില്ല. പിന്നീട് നാഗ ചൈതന്യയുടെ പിതാവ് നാഗാര്‍ജുന അക്കിനേനിയാണ് വിവാഹ നിശ്ചയ വാര്‍ത്ത ഔദ്യോഗികമായി എക്‌സ് പോസ്റ്റിലൂടെ അറിയിച്ചത്.
നടി സാമന്തയായിരുന്നു നാഗചൈതന്യയുടെ മുന്‍പങ്കാളി. 2017 ല്‍ വിവാഹിതരായ ഇവര്‍ നാല് വര്‍ഷത്തെ ദാമ്പത്യജീവിതത്തിനൊടുവില്‍ 2021 ഒക്ടോബറില്‍ വേര്‍പിരിയുകയായിരുന്നു. പരസ്പര സമ്മതത്തോടെയാണ് വിവാഹമോചനം നടന്നത്. മലയാളം, ഹിന്ദി, തമിഴ്, തെലുങ്ക് ഭാഷകളില്‍ സാന്നിധ്യമറിയിച്ച നടിയാണ് ശോഭിത ധൂലിപാല. മലയാളത്തില്‍ കുറുപ്പ് എന്ന ചിത്രത്തിലൂടെ ശ്രദ്ധനേടിയിട്ടുണ്ട്.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍