സോണിയാ ഗാന്ധിയായി നടി സുസൈന്‍ ബെര്‍ണെര്‍ട്ട്; മമ്മൂട്ടി ചിത്രം യാത്രാ 2 ക്യാരക്ടര്‍ പോസ്റ്റര്‍ ചര്‍ച്ചയാകുമ്പോള്‍

മമ്മൂട്ടിയുടെ തെലുങ്ക് ചിത്രം 'യാത്ര 2' വിന്റെ പുതിയ ക്യാരക്ടര്‍ പോസ്റ്റര്‍ പുറത്തിറങ്ങി. ചിത്രത്തിലെ സോണിയാ ഗാന്ധിയുടെ കഥാപാത്രത്തിന്റെ ലുക്കാണ് ഇപ്പോള്‍ പുറത്തുവിട്ടിരിക്കുന്നത്. സോണിയാ ഗാന്ധി രൂപ സാദൃശ്യമുള്ള ക്യാരക്ടര്‍ ലുക്ക് വന്‍ ഹിറ്റായിരിക്കുകയാണ്. സോണിയാ ഗാന്ധിയോട് രൂപസാദൃശ്യമുള്ള ക്യാരക്ടര്‍ ലുക്ക് ചുരുങ്ങിയ സമയം കൊണ്ട് ശ്രദ്ധ നേടിയിരിക്കുകയാണ്

ജര്‍മ്മന്‍ നടി സുസെയ്ന്‍ ബെര്‍ണെര്‍ട്ടാണ് നടി. ഇങ്ങനെയും സാമ്യമോ എന്നാണ് ആരാധകര്‍ ചോദിക്കുന്നത്.സൂസെയ്ന്‍ നിരവധി ഇന്ത്യന്‍ സിനിമകളില്‍ അഭിനയിച്ചിട്ടുണ്ട്. പൃഥ്വിരാജ് നായകനായ തീര്‍പ്പ് എന്ന ചിത്രത്തില്‍ അഭിനയിച്ചിട്ടുണ്ട്. ദ ആക്‌സിഡന്റല്‍ പ്രൈം മിനിസ്റ്റര്‍ സിനിമയിലും സോണിയ ഗാന്ധിയായി സൂസെയ്ന്‍ വിസ്മയിപ്പിച്ചിട്ടുണ്ട്. 

വീണ്ടും വിസ്മയിപ്പിക്കുമെന്ന് ഉറപ്പ്. തെലുങ്ക് ചിത്രം യാത്രയുടെ രണ്ടാം ഭാഗമാണ് യാത്ര 2. ആന്ധ്രപ്രദേശ് മുന്‍ മുഖ്യമന്ത്രി വൈ.എസ്. രാജശേഖര റെഡ്ഡിയുടെ ജീവിതമാണ് യാത്ര പറയുന്നത്. രാജശേഖര റെഡ്ഡിയുടെ മകനും ആന്ധ്ര മുഖ്യമന്ത്രിയുമായ വൈ.എസ്. ജഗന്‍മോഹന്‍ റെഡ്ഡിയുടെ കഥയാണ് യാത്ര 2. ജീവ ആണ് ജഗന്‍മോഹന്‍ റെഡ്ഡിയായി എത്തുന്നത്.
മഹി വി. രാഘവ് ആണ് രചനയും സംവിധാനവും നിര്‍വഹിക്കുന്ന യാത്ര 2ല്‍ വന്‍ താരനിരയുണ്ട്.