മറ്റൊരു താരപുത്രന്‍ കൂടി വെള്ളിത്തിരയിലേക്ക് ചുവടുവക്കുന്നു. പ്രശസ്ത സംവിധായകന്‍ ഷാജി കൈലാസിന്റെയും നടി ആനിയുടെയും മകന്‍ റുഷിന്‍ ഷാജി കൈലാസ് ആദ്യമായി നായകനാവുന്ന പുതിയ ചിത്രം നാളെ തിരുവനന്തപുരത്ത് ചിത്രീകരണം ആരംഭിക്കുന്നു. പ്ലസ്ടു, ബോബി, കാക്കിപ്പട എന്നീ സിനിമകളിലൂടെ ശ്രദ്ധേയനായ ഷെബി ചൗഘട്ട് സംവിധാനം ചെയ്യുന്ന പുതിയ സിനിമയിലൂടെയാണ് റൂഷിന്റെ അരങ്ങേറ്റം.
ഈ ദമ്പതിമാരുടെ മൂത്ത മകന്‍ ജഗന്‍ ഷാജി കൈലാസ് സംവിധായകനായി അരങ്ങേറ്റം കുറിച്ചു കഴിഞ്ഞിരിക്കുന്നു. സിജുവില്‍സന്‍ നായകനായ തന്റെ ചിത്രം പൂര്‍ത്തിയാക്കി പ്രദര്‍ശനത്തിനു തയ്യാറെടുക്കുകയാണ്. അതിനോടൊപ്പം തന്നെ ഇളയ സഹോദരനും ഈ രംഗത്തേക്കു കടന്നു വരുന്നത്.
ഫൈനല്‍സ് എന്ന സിനിമക്ക് ശേഷം പ്രജീവം മൂവീസിന്റെ ബാനറില്‍ പ്രജീവ് സത്യവര്‍ദ്ധനാണ് ഈ ചിത്രം നിര്‍മ്മിക്കുന്നത്. മൂന്നു ബിഗ് ബഡ്ജറ്റ് സിനിമകളാണ് തുടര്‍ന്ന് പ്രജീവം മൂവീസ് നിര്‍മ്മിക്കുന്നത്.ആ ചിത്രങ്ങളുടെ അണിയറ പ്രവര്‍ത്തനങ്ങള്‍ പുരോഗമിക്കുന്നു.
സംവിധായകന്റെ കഥയ്ക്ക് വി ആര്‍ ബാലഗോപാല്‍ തിരക്കഥയും സംഭാഷണവും രചിച്ചിരിക്കുന്നു.രജീഷ് രാമന്‍ ക്യാമറയും അഭിലാഷ് ബാലചന്ദ്രന്‍ എഡിറ്റിംഗും നിര്‍വ്വഹിക്കുന്നു.കലാസംവിധാനം -സാബുറാം.ഹരിനാരായണന്റെ വരികള്‍ക്ക് മെജോ ജോസഫ് സംഗീതം പകര്‍ന്നിരിക്കുന്നു.വിനീത് ശ്രീനിവാസന്‍, അഫ്‌സല്‍ എന്നിവരാണ് ഗായകര്‍.
അബു സലിം ഈ ചിത്രത്തില്‍ സുകുമാരക്കുറുപ്പ് എന്ന കേന്ദ്ര കഥാപാത്രത്തെ അവതരിപ്പിക്കന്നു എന്ന പ്രത്യേകതയും ഈ ചിത്രത്തിനുണ്ട്. ജോണി ആന്റണി,സൂര്യകൃഷ് ,ഇനിയ, ടിനിടോം, ശ്രീജിത്ത് രവി, സുജിത് ശങ്കര്‍, ദിനേശ് പണിക്കര്‍ തുടങ്ങി ഒട്ടേറെ താരങ്ങളും ഈ ചിത്രത്തില്‍ അഭിനയിക്കുന്നു.പ്രൊഡക്ഷന്‍ എക്‌സിക്കുട്ടിവ് -ഹരി കാട്ടാക്കട .പ്രൊഡക്ഷന്‍ കണ്‍ട്രോളര്‍- മുരുകന്‍.എസ്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
ന്യൂ ഇയര്‍ ദിവസം മൈഗ്രെയ്ന്‍ കൂടി ആശുപത്രിയില്‍; തലേദിവസം പാര്‍ട്ടി കൂടി പോയതാണെന്ന് ചിന്തിക്കുമോയെന്ന് വിചാരിച്ച് ആശുപത്രിയില്‍ പോകാന്‍ മടിച്ചു;എല്ലാ ദിവസവും ഇഞ്ചക്ഷന്‍ എടുക്കേണ്ട അവസ്ഥ; കുറേക്കാലം ഞാന്‍ മഞ്ഞനിറത്തെ വെറുക്കാന്‍, കാരണം കുട്ടിക്കാലത്തുണ്ടായ മോശം അനുഭവം; ഐശ്വര്യ ലക്ഷ്മിക്ക് പറയാനുള്ളത്