പൃഥ്വിരാജിനെ കേന്ദ്രകഥാപാത്രമാക്കി ഷാജി കൈലാസ് ഒരുക്കുന്ന പുതിയ ചിത്രമാണ് കാപ്പ. ചിത്രത്തില്‍ നിന്നും നടി മഞ്ജു വാര്യര് പിന്മാറിയെന്ന വാര്‍ത്ത കഴിഞ്ഞ ദിവസമാണ് പുറത്ത് വന്നിരുന്നു.ഡേറ്റ് പ്രശ്‌നം മൂലമാണ് നടി പിന്മാറിയതെന്നായിരുന്നു വാര്‍ത്ത. മഞ്ജു പിന്മാറിയ സാഹ്യചര്യത്തില്‍ സിനിമയില്‍ അപര്‍ണ ബാലമുരളിയാകും നായികയായി എത്തുകയെന്നാണ് സൂചന.
അജിത് ചിത്രം എകെ 61ല്‍ അഭിനയിക്കുന്നതിനാലാണ് മഞ്ജു കാപ്പയില്‍ നിന്ന് പിന്‍മാറിയതെന്നാണ് വിവരം. സിനിമയുടെ ചിത്രീകരണത്തിനായി മഞ്ജു ഇപ്പോള്‍ ചെന്നൈയിലാണ്.കാപ്പയുടെ ചിത്രീകരണം തിരുവനന്തപുരത്ത് പുരോഗമിക്കുകയാണ്. ജൂലായ് 15നാണ് ചിത്രീകരണം ആരംഭിച്ചത്. കൊട്ട മധു എന്ന കഥാപാത്രത്തെമായാണ് പൃഥിരാജ് എത്തുന്നത്.
ആസിഫ് അലി, അന്ന ബെന്‍, ദിലീഷ് പോത്തന്‍, ജഗദീഷ് ,നന്ദു എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ജോമോന്‍ ടി ജോണ്‍ ഛായാഗ്രഹണം നിര്‍വഹിക്കുന്നു. ജിനു എബ്രഹാം, ഡോള്‍വിന്‍ കുര്യാക്കോസ് , ദിലീഷ് നായര്‍ എന്നിവരുടെ പങ്കാളിത്തത്തില്‍ ആരംഭിച്ച തിയേറ്റര്‍ ഒഫ് ഡ്രീംസ്, ഫെഫ്ക റൈറ്റേഴ്സ് യൂണിയന്റെ സഹകരണത്തിലാണ് 'കാപ്പ' ഒരുങ്ങുന്നത്.
ജി.ആര്‍ ഇന്ദുഗോപന്‍ എഴുതിയ 'ശംഖുമുഖി' എന്ന നോവലിനെ ആസ്പദമാക്കിയുള്ള ചിത്രമാണ് കാപ്പ. ഇന്ദുഗോപന്‍ തന്നെയാണ് കാപ്പയുടെ തിരക്കഥ ഒരുക്കുന്നതും.
Premium Lifestyle and Entertainment website
ഏഴ് വര്‍ഷത്തെ ഇടവേളകള്‍ക്ക് ശേഷം മേഘ്‌ന വിന്‍സന്റ് വീണ്ടും സീരിയല്‍ ലോകത്തേക്ക്; ഏഷ്യനെറ്റില്‍ ആരംഭിക്കുന്ന സാന്ത്വനം 2 യില്‍ ഇനി നടിയുമെത്തും
വധുവരന്മാരായി ബിഗ് ബോസ് താരങ്ങളായ അര്‍ജ്ജുനും ശ്രീതുവും വിവാഹിതരായി; പ്രിയതമ എന്ന മ്യൂസിക് ആല്‍ബത്തിന്റെ ടൈറ്റില്‍ പോസ്റ്റര്‍ ശ്രദ്ധ നേടുമ്പോള്‍