വിവാദങ്ങളും വിലക്കുകള്‍ക്കും ഇടയില്‍ പുതിയ ചിത്രവുമായി ശ്രീനാഥ് ഭാസി . സോഹന്‍ സീനുലാല്‍ സംവിധാനം ചെയ്യുന്ന 'ഡാന്‍സ് പാര്‍ട്ടി'യുടെ ഷൂട്ടിങ് ആരംഭിച്ചു. അടുത്തിടെയാണ് കൊച്ചിയില്‍ സിനിമയുടെ ചിത്രീകരണം ആരംഭിച്ചത്. ഇപ്പോള്‍ ചിത്രത്തിന്റെ ലൊക്കേഷനില്‍ ശ്രീനാഥ് ഭാസി ജോയിന്‍ ചെയതിരിക്കുകയാണ്. പ്രൊഡ്യൂസര്‍ അസോസിയേഷന്റെ നിസ്സഹകരണ വിവാദങ്ങള്‍ക്ക് ശേഷം ശ്രീനാഥ് ഭാസി ആദ്യമായി അഭിനയിക്കുന്ന സിനിമ എന്നതാണ് ചര്‍ച്ചകള്‍ക്ക് ആധാരം.
ശ്രീനാഥ് ഭാസിയെയും ഷെയ്ന്‍ നിഗത്തെയുംവച്ച് തല്‍ക്കാലം സിനിമ ചെയ്യാനില്ലെന്ന് പത്രസമ്മേളനത്തില്‍ വിവിധ സിനിമാ സംഘടനകള്‍ പ്രഖ്യാപിച്ചിരുന്നെങ്കിലും രണ്ട് സിനിമകള്‍ക്ക് പ്രത്യേക അനുമതി നല്‍കിയിരുന്നു. അതിലൊന്ന് മഞ്ഞുമ്മല്‍ ബോയ്സും രണ്ടാമത്തേത് ഡാന്‍സ് പാര്‍ട്ടിയുമാണ്. നേരത്തെ കമ്മിറ്റ് ചെയ്ത ചിത്രമെന്ന നിലയിലാണ് ഈ രണ്ട് ചിത്രങ്ങള്‍ക്കും ചിത്രീകരണാനുമതി നല്‍കിയിട്ടുള്ളത്. പ്രൊഡ്യൂസേഴ്സ് അസോസിയേഷന്‍ പരിഷ്‌ക്കരിച്ച എഗ്രിമെന്റില്‍ ആദ്യമായി ഒപ്പിട്ട് ശ്രീനാഥ് ഭാസി അഭിനയിക്കുന്ന ചിത്രം കൂടിയാണിത്.
വിഷ്ണു ഉണ്ണികൃഷ്ണന്‍, ഷൈന്‍ ടോം ചാക്കോ, ശ്രീനാഥ് ഭാസി എന്നിവരാണ് ചിത്രത്തില്‍ പ്രധാന വേഷങ്ങളിലെത്തുന്നത്. മലയാള സിനിമയിലേക്ക് ഓള്‍ഗ പ്രൊഡക്ഷന്‍സ് എന്ന പുതു പ്രൊഡക്ഷന്‍ ബാനറിന് ഡാന്‍സ് പാര്‍ട്ടിയിലൂടെ തുടക്കമിടുകയാണ്. റെജി പ്രോത്താസിസ്, നൈസി റെജി ദമ്പതിമാരാണ് ഓള്‍ഗ പ്രൊഡക്ഷന്‍സിനെ നയിക്കുന്നത്. മെയ് രണ്ട് ചൊവ്വാഴ്ച്ച കൊച്ചിയിലെ വടുതലസെന്റ് ആന്റണീസ് ചര്‍ച്ച് പാരിഷ് ഹാളില്‍ വെച്ച് ആയിരുന്നു ചിത്രത്തിന്റെ പൂജ നടന്നത്.
ഫുക്രു, ജൂഡ് ആന്തണി ജോസഫ്, സാജു നവോദയ, ലെന, പ്രയാഗാ മാര്‍ട്ടിന്‍, ശ്രദ്ധ ഗോകുല്‍, ജോളി ചിറയത്ത്, പ്രീതി, മെക്കാര്‍ട്ടിന്‍, അഭിലാഷ് പട്ടാളം, നാരായണന്‍കുട്ടി, ബിനു തൃക്കാക്കര, ഫൈസല്‍, ഷിനില്‍ , ഗോപാല്‍ജി, ജാനകി ദേവി, അമാര, സിജി, സുശീല്‍, ബിന്ദു, നസീര്‍ഖാന്‍, അപ്പാക്ക, ഫ്രഡി, തിരു, സുരേഷ് നായര്‍, എല്‍ദോ സുമേഷ്, ഡോക്ടര്‍ ശശികാന്ത്, വര്‍ഗീസ് എന്നിവരാണ് മറ്റു താരങ്ങള്‍. ബിജിബാലാണ് സംഗീത സംവിധാനം നിര്‍വഹിക്കുക. ബിനു കുര്യന്‍ ഛായാഗ്രഹണം നിര്‍വഹിക്കുന്ന ചിത്രത്തിന്റെ തിരക്കഥയും സോഹന്‍ തന്നെയാണ്.
എഡിറ്റിങ് -വി സാജന്‍. പ്രൊഡക്ഷന്‍ കണ്ട്രോളര് - സുനില്‍ ജോസ്, ലിറിക്സ് - സന്തോഷ് വര്‍മ്മ,പ്രൊജക്ട് കോ- ഓര്‍ഡിനേറ്റര്‍ ഷഫീക്ക്, പ്രൊജക്റ്റ് ഡിസൈനര്‍- മധു തമ്മനം, സതീഷ് കൊല്ലം, കൊ ഡയറക്ടര്‍ - പ്രകാശ് കെ മധു, മേക്ക് അപ് - റോണക്സ് സേവ്യര്‍, കോസ്റ്റും - അരുണ്‍ മനോഹര്‍, സൗണ്ട് ഡിസൈന്‍ - ഡാന്‍ ജോസ്, ഫിനാന്‍സ് കണ്ട്രോളര് - സുനില്‍ പി എസ്, സ്റ്റില്‍സ് - നിദാദ് കെ എന്‍, ഡിസൈന്‍സ് - കോളിന്‍സ് ലിയോഫില്‍, മീഡിയ മാനേജ്മെന്റ് & മാര്‍ക്കറ്റിംഗ് - വൈശാഖ് വടക്കേവീട്, ജിനു അനില്‍കുമാര്‍.
Premium Lifestyle and Entertainment website
കുട്ടികളുടെ തൂക്കം കൂട്ടാം 
ശിശുദിനത്തില്‍ ജീവിതത്തിലെ വലിയ സന്തോഷം പങ്കുവച്ച് സീരിയല്‍ നടി ആര്യ അനില്‍; മുറ്റത്തെ മുല്ല പരമ്പരയിലെ അശ്വതി അമ്മയാകാനുള്ള തയ്യാറെടുപ്പില്‍