വിന്‍സി അലോഷ്യസ് കേന്ദ്ര കഥാപാത്രമായെത്തുന്ന ചിത്രം രേഖ തിയേറ്ററുകളിലെത്തി മികച്ച പ്രതികരണങ്ങളാണ് നേടുന്നത്. അഭിപ്രായം ആണ് കേള്‍ക്കുന്നത്. ഈകാര്‍ത്തിക് സുബ്ബരാജ് നിര്‍മിക്കുന്ന ചിത്രം സംവിധാനം ചെയ്തിരിക്കുന്നത് ജിതിന്‍ തോമസാണ്. ഉണ്ണി ലാലു, പ്രേമലത തയിനേരി, രാജേഷ് അഴിക്കോടന്‍, രഞ്ജി കണ്‍കോല്‍ എന്നിവരാണ് പധാന വേഷങ്ങള്‍ ചെയ്യുന്നത്. എന്നാല്‍ സോഷ്യല്‍ മീഡിയയിലൂടെ ചിത്രത്തിലെ നായിക വിന്‍സി പങ്കുവച്ച കുറിപ്പാണ് ഇപ്പോള്‍ വൈറലാകുന്നത്.
ചിത്രത്തെക്കുറിച്ച് മികച്ച അഭിപ്രായങ്ങള്‍ കേള്‍ക്കുന്നുണ്ടെങ്കിലും അധികം തിയേറ്ററുകളില്‍ ചിത്രം എത്തിയില്ലെന്ന വിഷമമാണ് വിന്‍സി പങ്കുവച്ചത്. ഞങ്ങളുടെ സിനിമ രേഖ വലിയ തിയേറ്ററുകളോ ഷോസോ ഒന്നുമില്ല, ഒരുപാട് കഷ്ടപ്പെട്ട് ചെയ്ത സിനിമ, ആളുകള്‍ ചോദിക്കുന്നു എന്താ ഷോകള്‍ കുറവാണല്ലോ, ഞങ്ങളുടെ നാട്ടില്‍ ഇല്ലല്ലോ എന്നൊക്കെ, സത്യം പറഞ്ഞാല്‍ നല്ല വിഷമമുണ്ട് ഇങ്ങനെയാവും എന്ന് വിചാരിച്ചില്ല ആകെ ഉള്ളത് ഞങ്ങളുടെ സിനിമയുടെ വിശ്വാസം മാത്രം ഉള്ളൂ, വലിയ സ്റ്റാര്‍ കാസ്റ്റൊന്നും ഇല്ലാത്തതു കൊണ്ട് ഞങ്ങള്‍ക്ക് ഇത്രയൊക്കെ കാര്യങ്ങള്‍ കിട്ടുകയുള്ളൂ. ഇനി നിങ്ങളുടെ കയ്യിലാണ്.ഉള്ള തിയേറ്ററില്‍ ഉള്ള ഷോ അത് കാണാന്‍ ശ്രമിക്കണം ഇല്ലെങ്കില്‍ നാളെ ഞങ്ങളുടെ സിനിമ അവിടെ കാണില്ല. നല്ല അഭിപ്രായങ്ങള്‍ വരുന്നുണ്ട്. ഒരുപാട് പ്രതീക്ഷയോടെ കാത്തിരിക്കുന്നു
വിന്‍സി സോഷ്യല്‍ മീഡിയയില്‍ കുറിച്ചു.
ഉണ്ണിലാലുവും ഇന്‍സ്റ്റഗ്രാം അക്കൗണ്ടില്‍ കുറിപ്പ് ഷെയര്‍ ചെയ്തു.
നല്ല അഭിപ്രായങ്ങള്‍ വരുന്നുണ്ട്. ഒരു പാട് പ്രതീക്ഷയോടെ കാത്തിരിക്കുന്നു...'എന്നാണ് ഉണ്ണി ലാലു കുറിച്ചത്. 'ഒരു പോസ്റ്റര്‍ പോലും ഇല്ലാത്ത സിനിമ അത് ഒരുപക്ഷെ ഞങ്ങളുടെ ആയിരിക്കും . കളിക്കുന്ന തിയേറ്ററില്‍ പോലും പോസ്റ്റര്‍ ഇല്ല , ഒരു സിനിമക്കും ഈ ഗതി വരരുത്..' എന്ന് ചിത്രത്തിലെ നായിക വിന്‍സിയും സോഷ്യല്‍ മീഡിയയില്‍ കുറിച്ചത്.
ഈ പോസ്റ്റിന് കീഴെയും സിനിമയിലെ മറ്റു താരങ്ങളെയും ടെക്നീഷ്യന്‍മാരെയും മെന്‍ഷന്‍ ചെയ്തു കൊണ്ടും സിനിമ കാണാന്‍ വഴിയില്ലെന്നും തങ്ങളുടെ നാട്ടില്‍ റിലീസ് ഇല്ല എന്നൊക്കെയുള്ള കമന്റുകള്‍ വരുന്നുണ്ട്. ജിതിന്‍ ഐസക്ക് തോമസ് സംവിധാനം നിര്‍വ്വഹിച്ച രേഖ മികച്ച പ്രേക്ഷകാഭിപ്രായം നേടി മുന്നേറുകയാണ്. വിന്‍സി അലോഷ്യസിന്റെയും ഉണ്ണിലാലുവിന്റെയും മറ്റു സഹതാരങ്ങളുടെയും മികച്ച പ്രകടനവും സംവിധാന മികവുമാണ് സിനിമയെ മികച്ചതാക്കി മാറ്റുന്നത്.
സ്റ്റോണ്‍ ബെഞ്ചേഴ്സ് മലയാളത്തില്‍ ആദ്യമായി അവതരിപ്പിച്ച അറ്റെന്‍ഷന്‍ പ്ലീസ് എന്ന സിനിമയുടെ സംവിധായകന്‍ ജിതിന്‍ ഐസക്ക് തോമസ് തന്നെയാണ് 'രേഖ'യും സംവിധാനം ചെയ്യുന്നത്. സിനിമയുടെ രചനയും ജിതിന്‍ തന്നെയാണ് നിര്‍വഹിച്ചിരിക്കുന്നത്. അമിസാറാ പ്രൊഡക്ഷന്‍സാണ് 'രേഖ' തിയേറ്ററുകളില്‍ എത്തിക്കുന്നത്. നെറ്റ്ഫ്ലിക്സിനാണ് സിനിമയുടെ ഡിജിറ്റല്‍ അവകാശം. ദി എസ്‌കേപ് മീഡിയം. മിലന്‍ വി എസ്, നിഖില്‍ വി എന്നിവര്‍ ചേര്‍ന്നാണ് സിനിമയ്ക്ക് സംഗീതം നല്‍കിയിരിക്കുന്നത്.
രോഹിത് വി എസ് വാര്യത്താണ് എഡിറ്റര്‍. കല്‍രാമന്‍, എസ്.സോമശേഖര്‍, കല്യാണ്‍ സുബ്രമണ്യന്‍ എന്നിവരാണ് സഹനിര്‍മ്മാതാക്കള്‍. അസ്സോസിയേറ്റ് നിര്‍മ്മാതാക്കള്‍- തന്‍സിര്‍ സലാം, പവന്‍ നരേന്ദ്ര, എക്സിക്യൂട്ടീവ് പ്രൊഡ്യൂസര്‍- എം. അശോക് നാരായണന്‍, പ്രൊഡക്ഷന്‍ ഡിസൈന്‍- മാനവ് സുരേഷ്, വസ്ത്രാലങ്കാരം- വിപിന്‍ ദാസ്, മേക്ക് ആപ്പ് - റോണി വെള്ളത്തൂവല്‍, ബിജിഎം- അബി ടെറന്‍സ് ആന്റണി, ടീസര്‍ എഡിറ്റ്- അനന്ദു അജിത്, പി.ആര്‍ & മാര്‍ക്കറ്റിംഗ്- വൈശാഖ് സി വടക്കേവീട്, വിഎഫ്എക്സ്- സ്റ്റുഡിയോ മാക്രി, സൗണ്ട് ഡിസൈന്‍- ആശിഷ് ഇല്ലിക്കല്‍.
Premium Lifestyle and Entertainment website
ആന്റണിക്കൊപ്പം മമ്മൂക്ക; ആന്റോ ജോസഫിനൊപ്പം മോഹന്‍ലാലും; പിന്നാലെ കുഞ്ചാക്കോയുമെത്തി; മഹേഷ് നാരായണന്‍ ചിത്രത്തിനായി താരങ്ങള്‍ ശ്രീലങ്കിയില്‍; ഷൂട്ടിനായി തിരിക്കുന്ന താരങ്ങളുടെ വീഡിയോയും ചിത്രങ്ങളും സോഷ്യല്‍ മീഡിയില്‍ വൈറല്‍; ചിത്രത്തില്‍ മഞ്ജു വാര്യരും നയന്‍താരയും എത്തുമെന്നും റിപ്പോര്ട്ട്
ഡോക്യുമെന്ററിയില്‍ ഉപയോഗിച്ച 'നാനും റൗഡി താന്‍' ചിത്രത്തിലെ മൂന്ന് സെക്കന്‍ഡ് ദൃശ്യം പിന്‍വലിക്കണം; ഇല്ലെങ്കില്‍ പ്രത്യാഘാതം 10 കോടിയില്‍ ഒതുങ്ങില്ല; ഗുരുതരമായ നിയമനടപടി നേരിടേണ്ടിവരും'; നയന്‍താരക്ക് വീണ്ടും നോട്ടീസ് അയച്ച് ധനുഷ്