ചുരുങ്ങിയ കാലം കൊണ്ട് ആസ്വാദകരെ കൈയ്യിലെടുത്ത ഇന്ത്യന്‍ പിന്നണി ഗായികയാണ് നേഹ കക്കര്‍. നേഹയുടെ ഗാനങ്ങള്‍ക്കായി ആരാധകര്‍ എപ്പോഴും കാത്തിരിക്കാറുണ്ട്. കഴിഞ്ഞ വര്‍ഷം യൂട്യൂബില്‍ ഏറ്റവുമധികം ആളുകള്‍ തിരഞ്ഞ പ്രമുഖ വനിതാ താരങ്ങളുടെ പട്ടികയില്‍ നേഹ കക്കര്‍ രണ്ടാം സ്ഥാനത്തെത്തിയിരുന്നു. തന്റെതായ നിലപാടുകള്‍ തുറന്നു പറയുന്ന ഗായിക കൂടിയാണ് നേഹ. നേഹ വിവാഹിതയായ ചിത്രങ്ങളാണ് ഇപ്പോള്‍ സോഷ്യല്‍മീഡിയയില്‍ നിറയുന്നത്.
കഴിഞ്ഞ ദിവസം ഡല്‍ഹിയിലെ ഒരു ആഡംബര റിസോര്‍ട്ടില്‍ വച്ചായിരുന്നു വിവാഹ ചടങ്ങുകള്‍ നടന്നത്. റോഹന്‍ പ്രീത് സിങ്ങാണ് വരന്‍. കുറച്ച് നാളുകളായി ഇരുവരും പ്രണയത്തിലായിരുന്നു. നേഹയെ പോലെ തന്നെ സ്വകാര്യ ചാനലിലെ സംഗീത റിയാലിറ്റി ഷോയിലൂടെ ശ്രദ്ധിക്കപ്പെട്ട ഗായകനാണ് രോഹന്‍പ്രീത് സിങ്. നേഹയുടേയും രോഹന്റേയും കുടുംബാംഗങ്ങള്‍ ഒരുമിച്ചുള്ള ചിത്രം അടുത്തിടെ പ്രചരിച്ചിരുന്നു. തുടര്‍ന്ന് ഇരുവരും വിവാഹിതരാകാന്‍ പോകുന്നുവെന്ന അഭ്യൂഹവും വ്യാപകമായി പ്രചരിച്ചിരുന്നു. ഏകദേശം ഒരു മാസം മുന്‍പു തന്നെ വിവാഹനിശ്ചയ ചടങ്ങുകള്‍ നടന്നു എന്നും റിപ്പോര്‍ട്ടുകള്‍ ഉണ്ടായിരുന്നു.
ഒക്ടോബര്‍ 23 ന് വിവാഹം ഔദ്യോഗികമായി രജിസ്റ്റര്‍ ചെയ്തിരുന്നു. കഴിഞ്ഞ ദിവസമാണ് വിവാഹ ചടങ്ങുകള്‍ നടന്നത്. കുടുംബാംഗങ്ങളും അടുത്ത സുഹൃത്തുക്കളുമാണ് ചടങ്ങില്‍ പങ്കെടുത്തത്. ഇന്ത്യയിലെ പുതുതലമുറ ഗായികമാരില്‍ ശ്രദ്ധേയയായ നേഹയുടെ വിവാഹ ഫോട്ടോകളും വിഡിയോയും സമൂഹ മാധ്യമങ്ങളില്‍ വൈറലായി. അടുത്ത കുടുംബാംഗങ്ങളുടെയും സുഹൃത്തുകളുടെയും സാന്നിധ്യത്തില്‍ ശനിയാഴ്ച ഡല്‍ഹിയിലെ ഗുരുദ്വാരയില്‍ വെച്ചായിരുന്നു ചടങ്ങുകള്‍.
ഗര്‍മി ഓ സാഖി, ദില്‍ബര്‍, കാലാ ചശ്മ എന്നീ ഹിറ്റ് ഗാനങ്ങളിലൂടെ ഏറെ ശ്രദ്ധിക്കപ്പെട്ട ഗായികയാണ് നേഹ. ഇന്ന് ഇന്ത്യയില്‍ ഏറ്റവും കൂടുതല്‍ പ്രതിഫലം പറ്റുന്ന ഗായകരില്‍ ഒരാള്‍ കൂടിയാണ് താരം. വിവാഹശേഷം പഞ്ചാബില്‍ വിരുന്ന് ഒരുക്കാന്‍ നവദമ്പതികള്‍ പദ്ധതിയിടുന്നതായാണ് റിപ്പോര്‍ട്ട്. നേഹയുടെ സഹോദരനും ഗായകനുമായ ടോണി കക്കറും ചടങ്ങിെന്റ ചിത്രങ്ങള്‍ പങ്കുവെച്ചിട്ടുണ്ട്. ദില്‍ബര്‍ റീഡക്‌സ്, മണാലി ട്രാന്‍സ്, കാലാ ചഷ്മ, അങ്ക്മാരെ റീഡക്‌സ് എന്നീ ഗാനങ്ങളിലൂടെയാണ് നേഹ ശ്രദ്ധേയയായത്. ഗായകനായ രോഹന്‍പ്രീത് വെഡ്ഡിങ് റിയാലിറ്റി ഷോയായ മുജ്‌സേ ശാദി കരോഗിയിലൂടെയാണ് തിളങ്ങിയത്
Premium Lifestyle and Entertainment website
മഴവില്‍ മനോരമയില്‍ നിന്ന് വന്നതല്ലേ നമ്മള്‍ ഒരു അവസരം കൊടുത്തതല്ലേ എന്ന ധാര്‍ഷ്ട്യം;ആ പ്രസ്ഥാനത്തിന്റെ തൊഴിലാളിയാണ് അവര്‍ക്ക് വേണ്ടി ചെയ്യേണ്ടത് എന്റെ ബാധ്യതയാണെന്ന തരത്തില്‍ സംസാരിച്ചു;മറിമായത്തില്‍ പിന്‍മാറാന്‍ കാരണം വെളിപ്പെടുത്തി മഞ്ജു പത്രോസ്
ഭര്‍ത്താവിന്റെ സ്വപ്നം ഏറ്റെടുത്ത് നടത്തി; മക്കളെ പഠിപ്പിച്ച് ഒരു നിലയ്ക്ക് എത്തിച്ചത് കഷ്ടപ്പെട്ട്...... അമ്മയ്ക്ക് രണ്ടാമത് ഒരു ജീവിതം നല്‍കി മക്കള്‍; ആദ്യ കണ്‍മണി എത്തിയതിന് പിന്നാലെ പുതിയസന്തോഷവുമായിഗിരിജ
ബോംബ് കാല് തകര്‍ത്തിട്ടും സ്വന്തം നാട്ടില്‍ ഡോക്ടറായി തിരിച്ചെത്തിയവള്‍; 'കാല്' നൂറ്റാണ്ടിന്റെ നഷ്ടം മറന്ന് ഡോ. അസ്ന; ഇടതുകാല്‍ വച്ച് വിവാഹ ജീവിതത്തിലേക്ക്; വിവാഹം ജൂലൈ അഞ്ചിന്; വരന്‍ ഷാര്‍ജയില്‍ എന്‍ഞ്ചിനീയര്‍
അപകടം പറ്റുന്നത് അമ്മയെ ജോലിക്ക് വിടാന്‍ പോയപ്പോള്‍; ബോധമില്ലാതെ മൂന്ന് ദിവസം ഐസിയുവില്‍; നെഞ്ചിന് താഴെ എന്താണ് സംഭിവിക്കുന്നത് എന്ന് അറിയാന്‍ പറ്റാത്ത അവസ്ഥ; യദുവിന്റെയും ജ്യോതികയുടെയും ജീവിതത്തില്‍ സംഭവിച്ചത്