വിജയ് സേതുപതി, കത്രീന കൈഫ് എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രമാണ് മെറി ക്രിസ്മസ്. ഇപ്പോഴിതാ ചിത്രത്തിന്റെ ആദ്യ പോസ്റ്റര്‍ പുറത്തുവിട്ടിരിക്കുകയാണ്. ചിത്രത്തിന്റെ പേര് സൂചിപ്പിക്കുന്നതുപോലെ ക്രിസ്മസിന് ചിത്രം പുറത്തിറങ്ങുമെന്നായിരുന്നു കരുതിയിരുന്നത്. എന്നാല്‍ ആരാധകര്‍ക്ക് ആകാംക്ഷയുണര്‍ത്തുന്ന തരത്തില്‍ ചിത്രത്തിന്റെ പോസ്റ്റര്‍ ആണ് ഇപ്പോള്‍ താരങ്ങള്‍ പുറത്തുവിട്ടിരിക്കുന്നത്.
ഉടന്‍ എത്തും എന്ന അടിക്കുറിപ്പ് നല്‍കി കൊണ്ടാണ് ആരാധകരുടെ സ്വന്തം മക്കള്‍ സെല്‍വന്‍ പോസ്റ്റര്‍ ആരാധകര്‍ക്ക് മുന്നില്‍ പങ്കുവെച്ചത്. എന്നാല്‍ സിനിമ ക്രിസ്മസിന് റിലീസ് ചെയ്യണമെന്നായിരുന്നു ഞങ്ങള്‍ ആഗ്രഹിച്ചതെന്നും, എന്നാല്‍ ഒരു ട്വിസ്റ്റ് ഉണ്ട്. ഉടന്‍ തിയേറ്ററില്‍ കാണാം എന്നുമാണ് ബോളിവുഡ് സൂപ്പര്‍താരമായ കത്രീന കൈഫ് പോസ്റ്ററിനൊപ്പം കുറിപ്പ് പങ്കുവെച്ചത്.
കത്രീന കൈഫ് തന്റെ ഇന്‍സ്്റ്റഗ്രാം അക്കൗണ്ടിലൂടെയാണ് പോസ്റ്റര്‍ പങ്കു വച്ചത്. പോസ്റ്ററില്‍ രണ്ട് പൊട്ടിയ വൈന്‍ ഗ്ലാസ്സുകളാണ് കാണുവാന്‍ സാധിക്കുന്നത്. ഈ രണ്ട് ഗ്ലാസ്സുകളില്‍ നിന്നും വൈന്‍ പുറത്തേക്ക് ഒഴുകുന്നുണ്ട്.
ആന്ധാദുന്‍, ബദ്ലാപൂര്‍ എന്നീ സൂപ്പര്‍ ഹിറ്റ് ചിത്രങ്ങളുടെ സംവിധായകനായ ശ്രീറാം രാഘവനാണ് മെറി ക്രിസ്മസിന്റെയും സംവിധാനം നിര്‍വഹിച്ചിരിക്കുന്നത്. രമേശ് തൗരാണി, സഞ്ജയ് റോട്രെ എന്നിവര്‍ ചേര്‍ന്നാണ് ചിത്രത്തിന്റെ നിര്‍മ്മാണം നിര്‍വഹിക്കുന്നത്. ഹിന്ദി തമിഴ് എന്നീ ഭാഷകളിലായാണ് ചിത്രം ഒരുക്കിയിരിക്കുന്നത്. ചിത്രം 2023 ല്‍ തിയറ്ററുകളില്‍ പ്രേക്ഷകര്‍ക്കു മുന്നിലെത്തും.
Premium Lifestyle and Entertainment website
സ്വന്തം ബിസിനസ് സംരംഭത്തിന്റെ ഭാഗമായി ഒരുക്കിയ പരിപാടി നിശ്ചയിച്ചത് രാവിലെ 9 ന്; എത്തിയത് വൈകീട്ട് 3 ന്; ആറ് മണിക്കൂര്‍ വൈകിയെത്തിയിട്ടും ക്ഷമാപണം നടത്തിയില്ല; നടി നയന്‍താരക്ക് സൈബറിടത്തില്‍ രൂക്ഷ വിമര്‍ശനം 
കരിയറിലെ മോശം സമയത്തായിരുന്നു അപകടം; ഈ സമയത്ത് പ്രചോദനമായത് നെയ്മര്‍; ഇപ്പോള്‍ ശാരീരികമായി പ്രശ്നങ്ങളില്ലെങ്കിലും മാനസികമായി പേടിയുണ്ട്; ആ വേദന ഇപ്പോള്‍ വരുമെന്ന് പേടി; ആസിഫ് അലി അപകടത്തെക്കുറിച്ച് പറഞ്ഞത്