ബ്ലാക്ക് ടീഷര്‍ട്ടില്‍ മാസ് എന്‍ട്രിയുമായി വീണ്ടും ലാലേട്ടന്‍: വീഡിയോ ഏറ്റെടുത്ത് സോഷ്യൽ മീഡിയ

മലയാളത്തിന്റെ പ്രിയ താരരാജാവാണ് നടൻ മോഹൻലാൽ. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളെയാണ് താരം അവതരിപ്പിച്ചിരുന്നത്. എന്നാൽ ഇപ്പോൾ ചിത്രീകരണം പുരോഗമിച്ച് കൊണ്ടിരിക്കുന്ന ദൃശ്യം 2 ലൊക്കേഷനില്‍ വന്നിറങ്ങുന്ന നടന്‍ മോഹന്‍ലാലിന്‍റെ ഒരു വിഡിയോയാണ് സോഷ്യൽ മീഡിയയിൽ ശ്രദ്ധ നേടുന്നത്. കേവലം 30 സെക്കന്റ് മാത്രം ദൈര്‍ഘ്യമുള്ളതാണ് വീഡിയോ. തന്റെ ഏറ്റവും പുതിയ വാഹനമായ ടൊയേട്ട എം.പി.വിയില്‍ നിന്നും   ദൃശ്യം സെറ്റിലേക്ക് ഇറങ്ങി 'ദൃശ്യം' സെറ്റിലേക്ക് വരുന്ന വിഡിയോയാണ്.

 ലാലേട്ടന്‍ തന്നെയാണ് ആരാധകര്‍ക്കായി ഏറ്റവും പുതിയ വിഡിയോ പങ്കുവച്ചിരിക്കുന്നത്.  ഈ വിഡിയോയില്‍ ബ്ലാക്ക് ടീ ഷര്‍ട്ട്, ബ്ലാക് മാസ്ക്, ബ്ലാക് ട്രാക് സ്യൂട്ട്, ബ്ലാക് വാച്ച്‌, ബ്ലാക് ഫ്രെയിമിലുള്ള കണ്ണട എന്നിവയാണ്  ലാലേട്ടന്റെ കോസ്റ്റ്യൂം. താരം  പങ്കുവച്ച വീഡിയോ നിമിഷനേരം കൊണ്ടാണ് ‌ വൈറലായി മാറിയതും സമൂഹമാധ്യമങ്ങളിൽ തരംഗം സൃഷ്‌ടിച്ചതും.

 തൊടുപുഴയിൽ  ദൃശ്യം 2ന്‍റെ  ചിത്രീകരണം  പുരോഗമിക്കുകയാണ്. പത്ത് ദിവസത്തോളം എറണാകുളത്ത് ആരംഭിച്ച ആദ്യ ഷെഡ്യൂള്‍ നീണ്ടുനിന്നിരുന്നു. പിന്നീടാണ് തൊടുപുഴയിലേക്ക് മാറ്റിയിരുന്നതും.  കര്‍ശന മുന്‍കരുതലുകളോടെയാണ് ഷൂട്ടിംഗ് കൊവിഡ് പശ്ചാത്തലത്തില്‍ നടക്കുന്ന ചിത്രീകരണമായതിനാല്‍ പുരോഗമിക്കുന്നത്.  ആദ്യഭാഗത്തില്‍ ഇല്ലാതിരുന്ന ചില താരങ്ങളും ആദ്യഭാഗത്തിലെ മിക്ക അഭിനേതാക്കളും എത്തുന്ന രണ്ടാംഭാഗത്തില്‍ എത്തുന്നുണ്ട്. ഗണേഷ് കുമാര്‍, മുരളി ഗോപി, സായ്‍കുമാര്‍ എന്നിവരാണ് അവരില്‍ ചിലർ.