യുഡിഎഫിന്റെ പ്രകടനപത്രികയിലെ പ്രധാന വാഗ്ദാനങ്ങളിലൊന്നായ കെഎസ്ആര്ടിസി ബസുകളിലെ സ്ത്രീകള്ക്കുള്ള സൗജന്യയാത്രയ്ക്കെതിരെ വിമര്ശനവുമായി ട്രാന്സ്ജെന്ഡര് ആക്ടിവിസ്റ്റും ബിഗ് ബോസ് മുന് താരവുമായ നാദിറ മെഹ്റിന്. സ്ത്രീകള് പണിയെടുക്കാനും സമ്പാദിക്കാനും കഴിവുള്ളവരാണെന്നും ഇത്തരമൊരു ആനുകൂല്യം ലഭിക്കേണ്ടത് മറ്റു വിഭാഗങ്ങള്ക്കാണെന്നും നാദിറ പറഞ്ഞു.
'സ്ത്രീകള്ക്ക് സൗജന്യയാത്ര നല്കുന്നതിന് പകരം പ്രായമായവര്ക്കോ ഭിന്നശേഷിക്കാര്ക്കോ ആണ് ഈ ആനുകൂല്യം നല്കേണ്ടിയിരുന്നത്. അല്ലെങ്കില് ട്രാന്സ്ജെന്ഡേഴ്സ് ഉള്പ്പെടെയുള്ള പിന്നോക്കം നില്ക്കുന്ന ന്യൂനപക്ഷങ്ങള്ക്കോ നല്കണമായിരുന്നു. 60 വയസ് അല്ലെങ്കില് 50 വയസ് മുകളില് ഉള്ളവര്ക്ക് സൗജന്യയാത്ര, വികലാംഗര്ക്ക് സൗജന്യയാത്ര, ന്യൂനപക്ഷത്തില് പെട്ട ട്രാന്സ്ജെന്ഡേഴ്സിനോ അല്ലെങ്കില് അങ്ങനെ ഏതെങ്കിലും വിഭാഗത്തില് പെട്ടവര്ക്കോ നല്കണം സ്ത്രീകള് ഇവിടെ വലിയ പ്രിവിലേജ് ഉള്ളവരാണെന്നല്ല ഞാന് പറയുന്നത്, പക്ഷേ അവര് പണിയെടുക്കാനും സമ്പാദിക്കാനും ലക്ഷ്യമുള്ളവരാണ്.
ഞങ്ങള് വിദ്യാഭ്യാസമുള്ളവരും ജോലി ചെയ്യാന് കഴിവുള്ളവരുമാണ്. അത്തരമൊരു വിഭാഗത്തിനല്ല സൗജന്യങ്ങള് നല്കേണ്ടത്' - ഓണ്ലൈന് മാധ്യമങ്ങളുടെ ചോദ്യത്തിന് മറുപടിയായി നാദിറ വ്യക്തമാക്കി. സൗജന്യയാത്ര വാഗ്ദാനത്തെ വിമര്ശിച്ച് തൃക്കാക്കരയിലെ മുന് എന്ഡിഎ സ്ഥാനാര്ഥിയും ബിഗ് ബോസ് വിജയിയുമായ അഖില് മാരാരും രംഗത്തെത്തിയിരുന്നു. യാതൊരു പ്ലാനിംഗുമില്ലാതെയാണ് ഇത്തരം വാഗ്ദാനങ്ങള് നല്കുന്നതെന്ന് അദ്ദേഹം കുറ്റപ്പെടുത്തി.
സ്ത്രീകള്ക്ക് സൗജന്യയാത്ര നല്കുമ്പോള് കെഎസ്ആര്ടിസിയോടൊപ്പം വന് നികുതി നല്കുന്ന സ്വകാര്യ ബസ് മേഖല കൂടി തകരുമെന്നും പെന്ഷന് വര്ധന ഉള്പ്പെടെയുള്ള വാഗ്ദാനങ്ങള് പ്രായോഗികമല്ലെന്നും അഖില് മാരാര് പറഞ്ഞു. യുഡിഎഫിന്റെ ഈ വാഗ്ദാനം സംബന്ധിച്ചുള്ള കണക്കെടുപ്പുകള് ബസുകളില് ഇതിനകം ആരംഭിച്ചിട്ടുണ്ട്. ഇതിനിടെയാണ് സാമൂഹിക മാധ്യമങ്ങളിലും പുറത്തും വിഷയം ചര്ച്ചയാകുന്നത്.
Premium Lifestyle and Entertainment website
ഇന്ന് ഡോക്ടറെ കാണാന് പോയപ്പോഴും എനിക്ക് ജീവനുണ്ടാര്ന്നു; ഫോണ് തുറക്കാന് വയ്യ; ഓക്കെ അല്ലേ...എന്നൊക്കെ ചോദിച്ച് വരുന്നവര്; വാഹനാപകടത്തില് മരിച്ചെന്ന് വ്യാജപ്രചാരണം; പ്രതികരണവുമായി 'മാളികപ്പുറം' തിരക്കഥാകൃത്ത് അഭിലാഷ് പിള്ള
അതുല്യയെ പുറത്താക്കിയ നടപടി റദ്ദാക്കി; ഉണ്ണി ശിവപാലിന് നിര്ബന്ധിത അവധി: നടി അന്സിബയുടെ രാജി സ്വീകരിച്ചു; വിവാദങ്ങള്ക്ക് പിന്നാലെ വിശദീകരണവുമായി 'അമ്മ' പ്രസിഡന്റ് ശ്വേത മേനോന് 
'പ്രിയപ്പെട്ട വിജയ്, നിങ്ങള്ക്കും സര്ക്കാരിനും സല്യൂട്ട്!' അധികാരമേറ്റയുടന് ഒരൊറ്റ ഒപ്പിന് പൂട്ടിച്ചത് 717 മദ്യവില്പന ശാലകള്; സ്കൂളുകള്ക്ക് സമീപത്തെ ടാസ്മാക് സ്റ്റോറുകള് കാരണം പെണ്കുട്ടികള് നേരിട്ട ദുരനുഭവം ചൂണ്ടിക്കാട്ടി സല്യൂട്ട് അടിച്ച് വിശാല്; പ്രശംസയുമായി കമല്ഹാസനും 
വിസ്മയയുടെ അരങ്ങേറ്റ ചിത്രമായ 'തുടക്കം' ഓണത്തിന് മുന്പ് തിയേറ്ററില് എത്തും; റിലീസ് തീയതി പ്രഖ്യാപിച്ച് മോഹന്ലാല്