ആരാധകര്‍ ഏറെ പ്രതീക്ഷകളോടെ കാത്തിരിക്കുന്ന ചിത്രങ്ങളില്‍ ഒന്നാണ് തരുണ്‍ മൂര്‍ത്തി സംവിധാനം ചെയ്യുന്ന മോഹന്‍ലാല്‍ ചിത്രം. 'എല്‍ 360' എന്ന് താല്‍ക്കാലികമായി പേരിട്ടിരിക്കുന്ന ചിത്രത്തിന്റെ ആദ്യ ഷെഡ്യൂള്‍ അവസാനിച്ചു. ഷെഡ്യൂള്‍ ബ്രേക്ക് പ്രഖ്യാപിക്കുന്ന വീഡിയോ അണിയറ പ്രവര്‍ത്തകര്‍ പങ്കുവെച്ചിട്ടുണ്ട്.
മോഹന്‍ലാല്‍ സെറ്റില്‍ നിന്ന് യാത്ര പറയുന്നതാണ് വീഡിയോയില്‍. വൈകാരികമായാണ് അദ്ദേഹം ഇതില്‍ സംസാരിക്കുന്നത്. 47 വര്‍ഷമായി അഭിനയിക്കുകയാണെങ്കിലും ഈ സിനിമയും ആദ്യ സിനിമ പോലെയാണ്. ഒരുപാട് സിനിമകള്‍ ചെയ്യുമ്പോള്‍ ചില സിനിമകളോട് തോന്നുന്നൊരു സ്‌നേഹം ഈ സിനിമയോട് തോന്നുണ്ട്. പോകുമ്പോള്‍ ഒരു ചെറിയ സങ്കടമുണ്ട്. ഈ സങ്കടത്തോടെ ഞാന്‍ പോകുന്നു.
പെട്ടെന്ന് തിരിച്ചുവരാമെന്നും മോ?ഹന്‍ലാല്‍ പറഞ്ഞു. എല്‍ 360 എന്ന് താത്കാലിമായി പേരിട്ടിരിക്കുന്ന ചിത്രം രഞ്ജിത്താണ് നിര്‍മിക്കുന്നത്. കെ.ആര്‍ സുനിലിന്റേതാണ് തിരക്കഥ. വര്‍ഷങ്ങള്‍ക്ക് ശേഷം മോഹന്‍ലാലും ശോഭനയും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. വീഡിയോയില്‍ സംവിധായകന്‍ തരുണ്‍ മൂര്‍ത്തിയും നിര്‍മാതാവ് രഞ്ജിത്തും സംസാരിക്കുന്നുണ്ട്.
കൂടെയുള്ള എല്ലാവരും നന്നായി വര്‍ക്ക് ചെയ്തിട്ടുണ്ടെന്നും പറഞ്ഞതില്‍ നിന്ന് ഒന്നും കുറഞ്ഞുപോകുകയോ അധിക ദിവസത്തിലേക്ക് പോവുകയോ ചെയ്തിട്ടില്ലെന്നും സംവിധായകന്‍ തരുണ്‍മൂര്‍ത്തി പറഞ്ഞു.
ശോഭനയും മോഹന്‍ലാലും 20 വര്‍ഷത്തിനുശേഷം നായിക- നായകന്മാരായി വീണ്ടും ഒന്നിക്കുന്ന ചിത്രം കൂടിയാണ് 'എല്‍ 360'. കഴിഞ്ഞ ഏപ്രിലിലാണ് 'എല്‍ 360'യുടെ ചിത്രീകരണം ആരംഭിച്ചത്. ടാക്സി ഡ്രൈവറായാണ് ചിത്രത്തില്‍ മോഹന്‍ലാല്‍ എത്തുന്നത്.
Premium Lifestyle and Entertainment website
ഷൂട്ടിനിടയില്‍ തലനാരിഴക്ക് രക്ഷപ്പെട്ട ദിവസം; രണ്ട് നില ബില്‍ഡിങ്ങിന്റെ റൂഫില്‍ ഷൂട്ട് നടക്കുമ്പോള്‍ ബാലന്‍സ് തെറ്റി താഴെ വീഴാതെ പിടിച്ചു നിന്നു; ഞങ്ങള്‍ എത്രയോ റിസ്‌ക്ക് എടുത്തിട്ടാണ് നിങ്ങളെ ചരിപ്പിക്കുന്നതും കരയിപ്പിക്കുന്നതും; ചെമ്പനീര്‍ പൂവ് സീരിയല്‍ ഷൂട്ടിങ്ങിനിടെ ഉണ്ടായ അപകട വിവരം പങ്ക് വച്ച് അരുണ്‍ ഒളിമ്പ്യന്‍
രണ്ട് പഠിത്തമില്ലാത്ത ആളുകളാണ് താനും അപ്പായുമെന്ന് വേദിയിലെത്തി പ്രസംഗിച്ച് കാളിദാസ്; വിദ്യാരംഭ ചടങ്ങില്‍ നിന്ന് ഒഴിവാക്കിയ കഥ പങ്ക് വച്ച് ജയറാം; വിദേശപഠനത്തിന് സൗകര്യമൊരുക്കുന്ന കമ്പനിയുടെ ബ്രാന്റ് അംബാസഡര്‍മാരായി താരങ്ങള്‍ എത്തിയപ്പോള്‍