'ലോക: ചാപ്റ്റര്‍ വണ്‍ ചന്ദ്ര' റിലീസിനുശേഷം സോഷ്യല്‍ മീഡിയയില്‍ ആവേശകരമായ ചര്‍ച്ചകള്‍ നടക്കുന്നു. പ്രത്യേകിച്ച്, നിഷാന്ത് സാഗര്‍ അവതരിപ്പിച്ച പ്രകാശ് എന്ന കഥാപാത്രം 25 വര്‍ഷം മുമ്പ് പുറത്തിറങ്ങിയ 'ഇന്ദ്രിയം' എന്ന ചിത്രത്തിലെ സണ്ണിയെ ഓര്‍മ്മിപ്പിക്കുന്നുവെന്നാണ് ആരാധകര്‍ പറയുന്നത്.
ജോര്‍ജ് കിത്തു സംവിധാനം ചെയ്ത 'ഇന്ദ്രിയം'യില്‍ വാണി വിശ്വനാഥ്, വിക്രം, ബോബന്‍ ആലുമ്മൂടന്‍, ലെന എന്നിവരോടൊപ്പം നിഷാന്ത് സാഗര്‍ പ്രധാനവേഷത്തിലെത്തിയിരുന്നു. ചിത്രത്തില്‍ മരത്തില്‍ ആണിയടിച്ചു തളച്ച യക്ഷിയായ നീലിയെ മോചിപ്പിക്കുന്നത് സണ്ണിയാണ്. 'ലോക'യില്‍ കല്യാണി പ്രിയദര്‍ശന്‍ അവതരിപ്പിക്കുന്ന കഥാപാത്രം കള്ളിയങ്കാട്ട് നീലിയാണ്. ആരാധകര്‍ ചൂണ്ടിക്കാട്ടുന്നത്, 'ഇന്ദ്രിയം'യില്‍ മോചിപ്പിച്ച സണ്ണി, 'ലോക'യില്‍ മൂത്തോന്റെ നിര്‍ദേശങ്ങള്‍ കൈമാറുന്ന പ്രകാശായി എത്തുന്നതിലൂടെ സിനിമകള്‍ തമ്മില്‍ ബന്ധമുണ്ടെന്നതുപോലെ തോന്നുന്നുവെന്നാണ്.
'ലോക'യിലെ ഒരു ഡയലോഗില്‍ 'നീലിക്ക് നിയന്ത്രണം ലഭിച്ചത് അവളെ തളച്ചപ്പോഴാണ്' എന്നുള്ള പരാമര്‍ശവും 'ഇന്ദ്രിയം'യെ ഓര്‍മ്മിപ്പിക്കുന്നതായി സോഷ്യല്‍ മീഡിയ പോസ്റ്റുകളില്‍ പറയുന്നു. പേരിലും കൗതുകകരമായ സാമ്യമുണ്ട്. 'ലോക'യില്‍ നസ്ലിന്‍ അവതരിപ്പിക്കുന്ന കഥാപാത്രത്തിനും സണ്ണിയെന്ന പേരാണ്. 1905-ല്‍ തന്റെ പ്രണയിയായിരുന്നു ബ്രിട്ടീഷ് ഓഫീസര്‍ക്ക് സണ്ണിയുടെ രൂപമുണ്ടായിരുന്നുവെന്നും ചന്ദ്ര സിനിമയില്‍ പറയുന്നുണ്ട്.
മമ്മൂട്ടിയാണ് ചിത്രത്തിലെ മൂത്തോന്‍ കഥാപാത്രത്തിന് ശബ്ദവും രൂപവും നല്‍കിയതെന്നാണ് കഴിഞ്ഞ ദിവസം അണിയറപ്രവര്‍ത്തകര്‍ സോഷ്യല്‍ മീഡിയയില്‍ സൂചന നല്‍കിയത്. മൂത്തോന്റെ നിര്‍ദേശപ്രകാരമാണ് പ്രകാശ് ചന്ദ്രയെ ബെംഗളൂരുവിലേക്ക് എത്തിക്കുന്നത്. സിനിമാ പ്രേമികള്‍ക്ക് ഇരു ചിത്രങ്ങള്‍ തമ്മിലുള്ള ഈ കൗതുകകരമായ ബന്ധം സിനിമാറ്റിക് യൂണിവേഴ്‌സായി കാണാനുള്ള അവസരമൊരുക്കുന്നതായി സോഷ്യല്‍ മീഡിയ പോസ്റ്റുകള്‍ സൂചിപ്പിക്കുന്നു.
Premium Lifestyle and Entertainment website
എല്ലാവരെയും സഹായിക്കുന്ന മനസ്സായിരുന്നു; ഇന്നത് ഞാന്‍ നിറവേറ്റി; ഇത് കണ്ട് ഐസക്ക് സന്തോഷിക്കും; ആറു കുടുംബങ്ങള്‍ക്ക് പ്രതീക്ഷ നല്കാന് കഴിഞ്ഞതില്‍ വലിയ സന്തോഷം; കണ്ണീരോടെ നാന്‍സി
എന്നോടും കുഞ്ഞിനോടുമുള്ള സ്‌നേഹം കുറഞ്ഞു; മീര സ്വന്തം വീട്ടിലേക്ക് പോയത് വഴക്കിനെ തുടര്‍ന്ന്; വീട്ടില്‍ എത്തി തിരികെ കൂട്ടികൊണ്ട് പോയി അനൂപ്; പിന്നാലെ അറിഞ്ഞത് മകള്‍ ആശുപത്രിയില്‍ എന്ന്; മകളുടെ അപ്രതീക്ഷിത വേര്‍പാടില്‍ ദുഃഖത്തില്‍ മാതാപിതാക്കള്‍