സോഷ്യല്‍ മീഡിയയില്‍ ഏറ്റവും കൂടുതല്‍ വിമര്‍ശനങ്ങള്‍ നേരിടുന്ന സംഗീത സംവിധായകന്‍ ആണ് ഗോപി സുന്ദര്‍. താരം പങ്കുവെയ്ക്കുന്ന പല പോസ്റ്റുകള്‍ക്ക് നേരെയും വലിയ രീതിയിലുള്ള സൈബര്‍ ആക്രമണമാണ് നടക്കാറുള്ളത്.ഇപ്പോഴിതാ താരം പുതിയതായി പങ്കുവച്ച പോസ്റ്റാണ് ആരാധകര്‍ക്കിടയില്‍ വൈറലാകുന്നത്. പുതിയ ഗായികയെ പരിചയപ്പെടുത്തി ഗോപി സുന്ദര്‍ പങ്കുവച്ച പോസ്റ്റാണ് വൈറലായിരിക്കുന്നത്.
ഹരിദാസ് സംവിധാനം ചെയ്യുന്ന 'താനാരാ' എന്ന ചിത്രത്തിലെ പാട്ടിലൂടെ എത്തുന്ന പുതിയ ഗായികയെ പരിചയപ്പെടുത്തുകയാണ് സംഗീത സംവിധായകന്‍. ചിത്രത്തിലെ 'സോന ലഡ്കി' എന്ന പാട്ടുപാടിയ ഗായിക പ്രിയ നായറെയാണ് ഗോപി സുന്ദര്‍ പരിചയപ്പെടുത്തിയത്.
'മൈ ന്യൂ ഇന്‍ട്രൊഡക്ഷന്‍' എന്ന അടിക്കുറിപ്പോടെയാണ് പ്രിയ നായര്‍ക്കൊപ്പമുള്ള ചിത്രം ഗോപി സുന്ദര്‍ ഫേസ്ബുക്കില്‍ പങ്കുവച്ചിരിക്കുന്നത്. സംഗീത ലോകത്തേക്ക് സ്വാഗതം എന്ന് പറഞ്ഞും ചിത്രം പങ്ക് വച്ചിട്ടുണ്ട്. തനിക്ക് പാട്ട് നല്കിയ ഗോപി സുന്ദറിന് നന്ദി പറഞ്ഞ് പ്രിയയും കുറിപ്പ് പങ്ക് വച്ചിട്ടുണ്ട്.
ഇന്നലെയാണ് പാട്ട് യുട്യൂബിലൂടെ പുറത്തിറങ്ങിയത്. ഇതിന്റെ ലിങ്കും അദ്ദേഹം പങ്കുവച്ചിട്ടുണ്ട്. കുറിപ്പിന് വളരെയധികം കമന്റുകളും ലഭിക്കുന്നുണ്ട്.
വിഷ്ണു ഉണ്ണിക്കൃഷ്ണന്‍, ഷൈന്‍ ടോം ചാക്കോ, അജു വര്‍ഗീസ് എന്നിവര്‍ കേന്ദ്രകഥാപാത്രങ്ങളായി എത്തുന്ന മുഴുനീള കോമഡി ചിത്രം താനാരാ ഓഗസ്റ്റ് ഒന്‍പതിനാണ് റിലീസ് ചെയ്യുന്നത്.ചിത്രത്തിന്റെ ട്രെയിലര്‍ കഴിഞ്ഞദിവസം പുറത്തിറങ്ങിയത് സമൂഹമാദ്ധ്യമങ്ങളില്‍ ശ്രദ്ധ നേടിയിരുന്നു.
ജിബു ജേക്കബ്, ദീപ്തി സതി, ചിന്നു ചാന്ദിനി, സ്‌നേഹ ബാബു എന്നിവരാണ് മറ്റ് അഭിനേതാക്കള്‍. ചിരിപടങ്ങളുടെ വലിയ നിര തന്നെ സമ്മാനിച്ച റാഫിയാണ് തിരക്കഥ എഴുതിയത്. ഛായാ?ഗ്രഹണം വിഷ്ണു നാരായണന്‍. ഗാനരചന ബി.കെ. ഹരിനാരായണന്‍.
വണ്‍ ഡേ ഫിലിംസിന്റെ ബാനറില്‍ ബിജു വി. മത്തായി ആണ് താനാരയുടെ നിര്‍മ്മാണം. സുജ മത്തായി ആണ് സഹനിര്‍മ്മാതാവ്. കെ.ആര്‍. ജയകുമാര്‍, ബിജു എം.പി എന്നിവരാണ് എക്‌സിക്യൂട്ടീവ് പ്രൊഡ്യൂസര്‍മാര്‍. ഗുഡ്വില്‍ എന്റര്‍ടെയ്ന്‍മെന്റും വണ്‍ ഡേ ഫിലിംസും ചേര്‍ന്നാണ് വിതരണം. പി.ആര്‍.ഒ. വാഴൂര്‍ ജോസ്, നിയാസ് നൗഷാദ്.
Premium Lifestyle and Entertainment website
ആത്മഹത്യയുടെ വക്കിലാണെന്ന് വേദനയോടെ പാസ്റ്ററിന് മുമ്പില്‍ പങ്ക് വച്ച് സാന്ത്വനത്തിലെ വില്ലന്‍; ഏഷ്യാനെറ്റുമായി ബന്ധപ്പെട്ട് നീയൊരു ഡീലിനകത്ത് കയറുമെന്നും കഥയുമെഴുതും എന്നും മറുപടിയുമായി പാസ്റ്റര്‍; സീരിയല്‍ താരത്തിന്റെ വീഡിയോ വൈറലാകുമ്പോള്‍
ആളുകളുടെ തിരക്കും വൃത്തിയില്ലായ്മയും സമയക്രമം പാലിക്കാത്തതും പതിവ്; ട്രെയിനിലെ വൃത്തികെട്ട കക്കൂസ് വരെ വൃത്തിയാക്കി അവതാരകന്‍; മാറ്റത്തിന് വേണ്ടി മറ്റുള്ളവരെ കാത്തു നില്‍ക്കാതെ, സ്വയം മാറി മാതൃകയാക്കിയ താരത്തിന് സോഷ്യല്‍മീഡിയയുടെ കൈയ്യടി; ഇന്ത്യയിലെ ദൈര്‍ഘ്യമേറിയ ട്രെയിന്‍ യാത്രയുടെ അനുഭവം കാര്‍ത്തിക് സൂര്യ പങ്ക് വക്കുമ്പോള്‍