നടന്‍ കൊച്ചിന്‍ ആന്റണി വീട്ടില്‍ മരിച്ച നിലയില്‍; നടന്റെ മൃതദേഹം കണ്ടെത്തിയത് ദുര്‍ഗന്ധത്തെ തുടര്‍ന്ന് വീട് പരിശോധിച്ചപ്പോള്‍; മരണം ഭാര്യ ധ്യാനത്തിന് പോയ് ഒരാഴ്ച്ച പിന്നിടുമ്പോള്‍

നടന്‍ കൊച്ചിന്‍ ആന്റണിയെ (എ ഇ ആന്റണി) വീട്ടില്‍ മരിച്ച നിലയില്‍ കണ്ടെത്തി. 80 വയസ്സായിരുന്നു. നടനും തലയോലപ്പറമ്പ് യങ് ഇന്ത്യ ഐടിസി ഉടമയുമാണ് അദ്ദേഹം. തലപ്പാറ ആന്റണി വില്ല വീട്ടില്‍ ഇന്നലെ രാത്രി ഏഴു മണിയോടെയാണ് മരിച്ച നിലയില്‍ കണ്ടെത്തിയത്. 

ഭാര്യ ഒരാഴ്ച മുമ്പ് ധ്യാനത്തിന് പോയിരുന്നതിനാല്‍ വീട്ടില്‍ മറ്റാരും ഉണ്ടായിരുന്നില്ല എന്നാണ് റിപ്പോര്‍ട്ട്. സമീപ സ്റ്റാന്‍ഡിലെ ഓട്ടോ ഡ്രൈവര്‍ വീട്ടില്‍ എത്തിയപ്പോഴാണ് വീടിനകത്തു നിന്നും ദുര്‍ഗന്ധം വരുന്നത് ശ്രദ്ധയില്‍പ്പെട്ടത്. തുടര്‍ന്ന് സമീപവാസികള്‍ അന്വേഷണം നടത്തിയപ്പോഴാണ് ആന്റണിയെ മരിച്ച നിലയില്‍ കണ്ടത്.

പഴശ്ശിരാജ, കായംകുളം കൊച്ചുണ്ണി ഉള്‍പ്പെടെയുള്ള ഒട്ടേറെ സിനിമകളില്‍ കൊച്ചിന്‍ ആന്റണി അഭിനയിച്ചിട്ടുണ്ട്. വാഷ്ബോസിനില്‍ മുഖം കഴുകുന്നതിനിടെ തലയിടിച്ചു വീണതാകാം മരണകാരണമെന്നാണ് അദ്ദേഹത്തിന്റെ മകന്‍ അനില്‍ പറഞ്ഞത്.