സൂപ്പര്‍ ഹീറോ തേജ സജ്ജയും പ്രതിഭാധനനായ സംവിധായകന്‍ കാര്‍ത്തിക് ഗട്ടംനേനിയും ഒന്നിക്കുന്ന പുതിയ ചിത്രത്തിന്റെ പേര് പ്രഖ്യാപിച്ചു. 'മിറൈ' എന്ന് പേരിട്ടിരിക്കുന്ന പാന്‍ ഇന്ത്യന്‍ ചിത്രം ടോളിവുഡിലെ പ്രമുഖ പ്രൊഡക്ഷന്‍ ഹൗസായ പീപ്പിള്‍ മീഡിയ ഫാക്ടറിയുടെ ബാനറില്‍ ടി ജി വിശ്വപ്രസാദ് ഗാരുവാണ് നിര്‍മ്മിക്കുന്നത്. ചിത്രത്തിന്റെ സാരാംശം വ്യക്തമാവുന്ന ഗ്ലിംപ്‌സ് വീഡിയോയിലൂടെ പുറത്തുവിട്ടിട്ടുണ്ട്. സിനിമയുടെ പേര് വെളിപ്പെടുത്തികൊണ്ടാണ് വീഡിയോ അവസാനിക്കുന്നത്.
രവി തേജ ചിത്രം 'ഈഗിള്‍'ന് ശേഷം പീപ്പിള്‍ മീഡിയ ഫാക്ടറിയോടൊപ്പം കാര്‍ത്തിക് ഗട്ടംനേനി ഒരുമിക്കുന്ന രണ്ടാമത്തെ പ്രോജക്റ്റാണിത്. പീപ്പിള്‍ മീഡിയ ഫാക്ടറിയുടെ ബാനറില്‍ എത്തുന്ന 36-ആമത്തെ സിനിമയാണിത്.
തേജ സജ്ജയെ മികച്ച കഥാപാത്രമായ് അവതരിപ്പിക്കാന്‍ ?ഗംഭീരമായൊരു തിരക്കഥയാണ് ചിത്രത്തിനായ് തയ്യാറാക്കിയിട്ടുള്ളത്. മണിബാബു കരണം തിരക്കഥ രചിച്ച ചിത്രം ഉയര്‍ന്ന സാങ്കേതിക നിലവാരം പുലര്‍ത്തിയാണ് ദൃശ്യാവിഷ്‌ക്കരിക്കുന്നത്.
തേജ സജ്ജയുടെ ഒടുവിലായ് തിയറ്റര്‍ റിലീസ് ചെയ്ത പ്രശാന്ത് വര്‍മ്മ ചിത്രം 'ഹനു-മാന്‍' ചരിത്ര വിജയം കൊയ്ത് സുപ്പര്‍ഹിറ്റടിച്ചിരുന്നു. തന്റെ മുന്‍ ചിത്രമായ 'ഹനു-മാന്‍'ലൂടെ തേജ സജ്ജ വമ്പന്‍ ഹിറ്റ് സ്വന്തമാക്കിയതിനാല്‍ അദ്ദേഹത്തിന്റെ അടുത്ത ചിത്രത്തിനായ് രാജ്യം മുഴുവന്‍ ആകാംക്ഷയോടെ കാത്തിരിക്കുകയായിരുന്നു.
എക്സിക്യൂട്ടീവ് പ്രൊഡ്യൂസര്‍: സുജിത്ത് കുമാര്‍ കൊല്ലി, സഹനിര്‍മ്മാതാവ്: വിവേക് കുച്ചിഭോട്‌ല, ക്രിയേറ്റീവ് പ്രൊഡ്യൂസര്‍: കൃതി പ്രസാദ്, കലാസംവിധാനം: ശ്രീ നാഗേന്ദ്ര തങ്കാല, ഡിജിറ്റല്‍ മാര്‍ക്കറ്റിംഗ്: ഹാഷ്ടാഗ് മീഡിയ, പിആര്‍ഒ: ശബരി.
Premium Lifestyle and Entertainment website
കുടുംബ തര്‍ക്കങ്ങള്‍ മുതലെടുത്ത് നാലുവയസ്സുകാരിയെ മകളെ പീഡിപ്പിച്ചെന്ന അമ്മയുടെ പരാതി; മുന്‍കൂര്‍ ജാമ്യാപേക്ഷ തള്ളിയതോടെ നടന്‍ കൂട്ടിക്കല്‍ ജയചന്ദ്രനെതിരേ ലുക്കൗട്ട് നോട്ടീസ്
രാജീവ് പിള്ള നായകനായി ദ്വിഭാഷകളില്‍ എത്തുന്ന 'ഡെക്സ്റ്റര്‍'; ഫെബ്രുവരി റിലീസിന് ഒരുങ്ങി;ബോളിവുഡ് താരം യുക്ത പെര്‍വിയാണ് നായിക