ലാലേട്ടനെ ആയിരുന്നു മുന്നില്‍ കണ്ടിരുന്നതെങ്കില്‍ ഇതിന്റെ ട്രീറ്റ്മെന്റ് വേറെയായേനേ; വ്യക്തമാക്കി സംവിധായകന്‍ സന്തോഷ് വിശ്വനാഥ്

പ്രായത്തെ തോല്‍പ്പിക്കുന്ന ലുക്കും അഭിനയവുമാണ് മമ്മൂക്കയുടെത്. താരത്തിന്റേതായി പുറത്തിറങ്ങുന്ന ചിത്രങ്ങള്‍ക്കായി ആരാധകര്‍ കാത്തിരിക്കാറുമുണ്ട്. മമ്മൂക്ക നായകനായി എത്തുന്ന  കടയ്ക്കല്‍ ചന്ദ്രനായി കാത്തിരിക്കുകയാണ് ഇപ്പോള്‍ ആരാധകര്‍.  മമ്മൂട്ടി സമ്മതിച്ചില്ലായിരുന്നെങ്കില്‍ 'വണ്‍' എന്ന പ്രൊജക്ട് വേണ്ടെന്ന് വയ്ക്കുമായിരുന്നു എന്നാണ് സംവിധായകന്‍ സന്തോഷ് വിശ്വനാഥ് പറയുന്നത്. മമ്മൂട്ടിയെ മുന്നില്‍ കണ്ടാണ് ഈ കടയ്ക്കല്‍ ചന്ദ്രനെ ഒരുക്കിയതെന്നും സംവിധായകന്‍ പറഞ്ഞിരുന്നു.

എന്നാല്‍ ചിത്രത്തില്‍ മമ്മൂട്ടിക്ക് പകരം ലാലേട്ടന്‍ ആയിരുന്നെങ്കില്‍ വേറൊരു കടയ്ക്കല്‍ ചന്ദ്രന്‍ ആയേനെ എന്നാണ് സംവിധായകന്‍ പറയുന്നത്. 'നമ്മള്‍ തയ്യാറാക്കിയ വണ്‍ലൈന്‍ അനുസരിച്ച് മമ്മൂക്കയാണ് കടയ്ക്കല്‍ ചന്ദ്രന്‍. വേറൊരാളെ സങ്കല്‍പ്പിക്കാന്‍ കഴിയുമായിരുന്നില്ല. ലാലേട്ടനെ ആയിരുന്നു മുന്നില്‍ കണ്ടിരുന്നതെങ്കില്‍ ഇതിന്റെ ട്രീറ്റ്മെന്റ് വേറെയായേനേ. വേറൊരു കടയ്ക്കല്‍ ചന്ദ്രന്‍ ആയേനെ' എന്നാണ് സംവിധായകന്‍ പറയുന്നത്.

കൂടാതെ കടയ്ക്കല്‍ ചന്ദ്രനായുള്ള മമ്മൂട്ടിയുടെ രൂപമാറ്റത്തെ കുറിച്ചും സംവിധായകന്‍ വ്യക്തമാക്കുന്നുണ്ട്. ഇപ്പോഴുള്ള ഒരു ഭരണാധികാരിയുമായി സാമ്യം തോന്നരുത്, ഇതുവരെ ചെയ്ത കഥാപാത്രങ്ങളില്‍ നിന്നും വ്യത്യസ്തമായിരിക്കണം എന്നുണ്ടായിരുന്നു. കറുത്ത ഫ്രെയിം കണ്ണട വയ്ക്കാമെന്ന് മമ്മൂട്ടിയുടെ ആശയമായിരുന്നുവെന്നും സംവിധായകന്‍ വ്യക്തമാക്കി.