നവാഗതനായ അരുണ്‍ വര്‍മ്മ സംവിധാനം ചെയ്യുന്ന പുതിയ ചിത്രം 'ഗരുഡ'ന്റെ സെറ്റില്‍ വന്നിറങ്ങി നടന്‍ സുരേഷ് ഗോപി. സിനിമയുടെ ചിത്രീകരണം കൊച്ചിയില്‍ വെള്ളിയാഴ്ചയാണ് ആരംഭിച്ചത്. സുരേഷ് ഗോപി ചിത്രത്തിന്റെ ഷൂട്ടിംഗിന് എത്തിയ ചിത്രങ്ങള്‍ നിര്‍മ്മാതാവ് ലിസ്റ്റിന്‍ സ്റ്റീഫനാണ് സോഷ്യല്‍ മീഡിയയില്‍ പങ്കുവച്ചത്.
സിദ്ധിഖ്, ജഗദീഷ് എന്നിവര്‍ക്കൊപ്പമുള്ള സീനുകളാണ് ചിത്രീകരിക്കുന്നത്.ഹരീഷ് മാധവ് എന്ന പൊലീസ് ഓഫീസര്‍ കഥാപാത്രമാണ് സുരേഷ് ഗോപിയുടേത്. സുരേഷ് ഗോപിയോടൊപ്പം ബിജു മേനോനും കേന്ദ്രകഥാപാത്രത്തെ അവതരിപ്പിക്കുന്ന ചിത്രം ക്രൈം ത്രില്ലര്‍ ഗണത്തില്‍പ്പെട്ടതാണ്.
അഭിരാമി, ദിവ്യ പിള്ള, ദിലീഷ് പോത്തന്‍, നിഷാന്ത് സാഗര്‍, തലൈ വാസല്‍ വിജയ്, ചൈതന്യ എന്നിവരാണ് മറ്റ് താരങ്ങള്‍. അഞ്ചാം പാതിരാ എന്ന ക്രൈം ത്രില്ലര്‍ ചിത്രത്തിനുശേഷം മിഥുന്‍ മാനുവല്‍ തോമസ് തിരക്കഥ എഴുതുന്ന ചിത്രം കൂടിയാണ്.ഛായാഗ്രഹണം അജയ് ഡേവിഡ് കാച്ചപ്പിള്ളി.കഥ ജിനേഷ് എം.സംഗീതം ജേക്‌സ് ബിജോയ്.
Premium Lifestyle and Entertainment website
സഞ്ചാരികളെ മാടിവിളിക്കുന്ന മഞ്ഞണിഞ്ഞ ഷിംല
ഷവോമി ഇന്ത്യ റെഡ്മിയുടെ പുതിയ മോഡല്‍ 14സി 5ജി 