യുവതാരങ്ങളായ ഷെയ്ന്‍ നിഗം, ഷൈന്‍ ടോം ചാക്കോ എന്നിവരെ പ്രധാന കഥാപാത്രങ്ങളാക്കി പ്രിയദര്‍ശന്‍ സംവിധാനം ചെയ്യുന്ന പുതിയ ചിത്രത്തിന് കൊച്ചിയില്‍ തുടക്കമായി. കൊറോണ പേപ്പേഴ്‌സ് എന്ന് പേരിട്ടിരിക്കുന്ന ചിത്രത്തില്‍ യുവതാരം ഷെയ്ന്‍ നിഗം ആണ് നായകനാകുന്നത്.
കുഞ്ചാക്കോ ബോബന്‍ നായകനായ ന്നാ താന്‍ കേസ് കൊട് എന്ന ചിത്രത്തിലൂടെ സുപരിചിതയായ തെന്നിന്ത്യന്‍ താരം ഗായത്രി ശങ്കര്‍ ആണ് നായിക.
ഷൈന്‍ ടോം ചാക്കോ, സിദ്ദിഖ്, കുഞ്ഞികൃഷ്ണന്‍, മണിയന്‍ പിള്ള രാജു, ജെയ്‌സ് ജോസ് തുടങ്ങിയവരാണ് മറ്റ് താരങ്ങള്‍. പ്രിയദര്‍ശന്‍ തന്നെയാണ് തിരക്കഥ ഒരുക്കുന്നത്.ഫോര്‍ഫ്രെയിംസിന്റെ ബാനറില്‍ പ്രിയദര്‍ശന്‍ ആണ് ചിത്രം നിര്‍മിക്കുന്നതെന്ന പ്രത്യേകത കൂടിയുണ്ട്. ഫോര്‍ ഫ്രെയിംസിന്റെ ആദ്യ നിര്‍മ്മാണ സംരഭമാണ് കൊറോണ പേപ്പേഴ്‌സ്. നിര്‍മാതാവ് ആന്റണി പെരുമ്പാവൂരാണ് ചിത്രത്തിന് വിളക്ക് കൊളുത്തിയത്.
എന്‍.എം ബാദഷയാണ് എക്‌സിക്യൂട്ടീവ് പ്രൊഡ്യൂസര്‍. ദിവാകര്‍ എസ്. മണി ഛായാഗ്രഹണം നിര്‍വഹിക്കുന്നു. എഡിറ്റിംഗ് എം.എസ് അയ്യപ്പന്‍ നായര്‍ . കലാസംവിധാനം: മനു ജഗത്, പ്രൊഡക്ഷന്‍ കണ്‍ട്രോളര്‍: നന്ദു പൊതുവാള്‍, പി.ആര്‍.ഒ: പി.ശിവപ്രസാദ്.
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)