മാസ്റ്റര്‍പീസ് എന്ന ചിത്രത്തിനു ശേഷം അജയ് വാസുദേവ് സംവിധാനം ചെയ്യുന്ന ഏറ്റവും പുതിയ ചിത്രമാണ് ഷൈലോക്ക്. ഇപ്പോളിതാ ചിത്രത്തിന്റെ തമിഴ് പതിപ്പായ കുബേരന്‍ എന്ന ചിത്രത്തിന്റെ ടീസര്‍ വൈറലാകുന്നു. മമ്മൂട്ടി ഇരട്ട ഗെറ്റപ്പില്‍ എത്തുന്ന ചിത്രത്തില്‍ തമിഴ് നടന്‍ രാജ്കിരണും ഒരു പ്രധാന വേഷത്തിലെത്തുന്നു.
രാജാധിരാജ, മാസ്റ്റര്‍പീസ് എന്നീ ചിത്രങ്ങള്‍ക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമാണിത്. മാസ് ആക്ഷന്‍ എന്റര്‍ടെയിനറായി ഒരുങ്ങുന്ന ചിത്രത്തില്‍ പലിശക്കാരന്റെ വേഷത്തിലാണ് മമ്മൂട്ടി എത്തുന്നത്. ദ് മണി ലെന്‍ഡര്‍ എന്നാണ് ചിത്രത്തിന്റെ ടാഗ്ലൈന്‍. മീനയാണ് നായിക.
നവാഗതരായ അനീഷ് ഹമീദും ബിബിന്‍ മോഹനും ചേര്‍ന്നാണ് ചിത്രത്തിന്റെ കഥ തിരക്കഥ സംഭാഷണം എന്നിവ രചിച്ചിരിക്കുന്നത്. രണദിവ് ആണ് ഛായാഗ്രഹണം. സംഗീതം ഗോപി സുന്ദര്‍. ഗുഡ്വില്‍ എന്റര്‍ടെയ്ന്‍മെന്റ്സിന്റെ ബാനറില്‍ ജോബി ജോര്‍ജ്ജ് ആണ് ചിത്രം നിര്‍മ്മിക്കുന്നത്. ചിത്രം ഈ മാസം 23 ന് തിയേറ്ററുകളിലെത്തും.
Premium Lifestyle and Entertainment website
മകള്‍ക്കൊപ്പം ലൊക്കേഷനലെത്തിയത് വഴിത്തിരിവായി; ജഗതി ശ്രീകുമാറിന്റെ ഭാര്യയായി മാത്രം 16 സിനിമകള്‍; അമ്മ വേഷങ്ങളിലൂടെ മലയാള സിനിമയില്‍ നിറസാന്നിധ്യമായി; ഇന്ന് ഇന്‍സ്റ്റഗ്രാം റീലുകളില്‍ 'ജെന്‍-സി' താരം; നടി അംബിക മോഹന്‍ താരമാകുമ്പോള്‍
'പ്രാര്‍ത്ഥനകളെല്ലാം ഫലം കണ്ടെന്ന് പറഞ്ഞാല്‍ മതിയല്ലോ.... സ്‌നേഹത്തിന്റെ പ്രാര്‍ത്ഥനയാണ്.... അതിന് ഫലം കിട്ടും. ഓര്‍ത്തവര്‍ക്കും സ്‌നേഹിച്ചവര്‍ക്കും നന്ദി'; നീണ്ട ഇടവേളക്ക് ശേഷം മാസായി മമ്മൂക്കയുടെ വരവ്