ഇന്ത്യന്‍ സിനിമയിലെ ആദ്യ ട്രാന്‍സ്‌ജെന്‍ഡര്‍ നായിക എന്ന ഖ്യാതിയോടെയാണ് അഞ്ജലി അമീര് മമ്മൂട്ടിയുടെ നായികയായി പേരന്‍മ്പില്‍ അരങ്ങേറ്റം കുറിച്ചത്. സിനിമ ഇതുവരെ റിലീസ് ചെയ്യാത്തതിനാല്‍ പലര്‍ക്കും അഞ്ജലിയെ പറ്റി വലിയ അറിവില്ലായിരുന്നു. എന്നാല്‍ ഏഷ്യാനെറ്റില്‍ സംപ്രേക്ഷണം ചെയ്യുന്ന ബിഗ് ബോസ് റിയാലിറ്റി ഷോയിലെത്തിയതോടെ വീട്ടമ്മമാര്‍ക്കും കുട്ടികള്‍ക്കും വരെ അഞ്ജലി പരിചിതയായി മാറി. ശാരീരിക ബുദ്ധിമുട്ടുകള്‍ മൂലം ഷോയ്ക്ക് പുറത്തുപോയെങ്കിലും അഞ്ജലിക്ക് ഇപ്പോള്‍ നിരവധി ആരാധകരാണുള്ളത്.
കോഴിക്കോട്ടുകാരന്‍ ജംഷീറാണ് അഞ്ജലി അമീര് എന്ന പെണ്‍കുട്ടിയായി മാറിയത്. പെണ്‍മനസും ആണുടലുമായി ജീവിച്ച അഞ്ജലി വര്‍ഷങ്ങള്‍ക്ക് മുമ്പാണ് സര്‍ജറിയിലൂടെ പൂര്‍ണമായും പെണ്ണായി മാറിയത്. 1995ല്‍ ജനിച്ച ജംഷീര്‍ ഹൈസ്‌കൂള്‍ കാലത്തിലെത്തിയപ്പോഴാണ് ട്രാന്‍സ്‌ജെന്റര്‍ കമ്മ്യുണിറ്റിയെ കുറിച്ച് അറിയുന്നതും താന്‍ ട്രാന്‍സ്‌ജെന്ററാണെന്ന് മനസിലാക്കുന്നതും. ഇതിനിടയില്‍ നൃത്തം പഠിക്കാനായി പോയ ജംഷീര്‍ ഒരു പ്രണയത്തിലകപ്പെട്ടതിനെ തുടര്‍ന്നാണ് സര്‍ജറി ചെയ്യാന്‍ തീരുമാനിച്ചത്. സ്ത്രീയായി വന്നാല്‍ വിവാഹം കഴിച്ചോളാം എന്ന് കാമുകന്‍ വാക്കു നല്‍കിയതിനെ തുടര്‍ന്നാണ് ചെന്നൈയിലെത്തിയ ജംഷീര്‍ സര്‍ജറി നടത്തി അഞ്ജലിയായി മാറിയത്. സര്‍ജറി കഴിഞ്ഞ് പൂര്‍ണ്ണമായും പെണ്ണായി നാട്ടിലെത്തിയ അഞ്ജലിയെ കാത്തിരുന്നത് കാമുകന്റെ കല്യാണവാര്‍ത്തയാണ്. പ്രണയം തകര്‍ന്നതോടെ കടലില്‍ ചാടി ആത്മഹത്യാശ്രമവും നടത്തിയെങ്കിലും മത്സ്യതൊഴിലാളികള്‍ അഞ്ജലിയെ രക്ഷപ്പെടുത്തി.
ഇതിനിടയില്‍ അഞ്ജലിയെ വീട്ടുകാരും കൈയൊഴിഞ്ഞു. തുടര്‍ന്ന് കോയമ്പത്തൂരിലെത്തി പല ജോലിയും ചെയ്ത അഞ്ജലിയെ ട്രാന്‍സ് കമ്മ്യുണിറ്ിയില്‍ പെട്ടെ ഒരാള്‍ ദത്തെടുത്ത് പഠിപ്പിച്ചു. ഇവിടെ വച്ചാണ് അഞ്ജലി മോഡലിങ്ങ് ആരംഭിക്കുന്നത്. ഇതിനിടയില്‍ ഒരു സീരിയലില്‍ അവസരം ലഭിച്ചെങ്കിലും രണ്ടാം ദിവസം അഞ്ജലിയുടെ ട്രാന്‍സ് വ്യക്തിത്വം അറിഞ്ഞ പ്രൊഡ്യുസര്‍ ഇവരെ സീരിയലില്‍ നിന്നും ഒഴിവാക്കി. ഇതിനിടയില്‍ ഒരഭിമുഖത്തില്‍ സിനിമയില്‍ ്അഭിനയിക്കുകയാണ് തന്റെ ജീവിതാഭിലാഷമാണെന്ന് അഞ്ജലി പറഞ്ഞിരുന്നു. ഇതു കണ്ട മമ്മൂട്ടിയാണ് പേരമ്പിലേക്ക് അഞ്ജലിയെ നിര്‍ദേശിക്കുന്നത്. തുടര്‍ന്ന് ചിത്രത്തില്‍ അഭിനയിച്ച ശേഷമാണ് അഞ്ജലി ബിഗ് ബോസിലെത്തുന്നത്.
സര്‍ജറി കഴിഞ്ഞെങ്കിലും പുരുഷനില്‍ നിന്നും സ്ത്രീയിലേക്കുള്ള പൂര്‍ണ്ണമായ മാറ്റം അംഗീകരിക്കാന്‍ മനസ്സിനെപ്പോലെ ശരീരത്തിനു കഴിഞ്ഞേ മതിയാകൂ. ശാരീരിക പ്രവര്‍ത്തനങ്ങള്‍ക്ക് പോലും മാറ്റം വരുത്തുന്ന ഒരു വലിയ സര്‍ജറി നടത്തിയ അഞ്ജലി വേദന സഹിിക്കാന്‍ കഴിയാതെയാണ് ബിഗ്ബോസില്‍ നിന്നും പടിയിറങ്ങിയത്. എന്തായാലും 12 ദിവസങ്ങള്‍ കൊണ്ട തന്നെ അഞ്ജലിക്കൊപ്പം അഞ്ജലിയുടെ ജീവിതകഥയും സോഷ്യല്‍ മീഡിയുടെ കൈയടി ഏറ്റുവാങ്ങുകയാണ്.
Premium Lifestyle and Entertainment website
ഫിന്‍ലാന്റിലെ റിസോര്‍ട്ടിന് മുന്നിലെ മഞ്ഞ് പൊഴിയുന്ന റോഡിലൂടെ തനി മലയാളിയായി ജയറാം; മൈനസ് തണുപ്പില്‍ മുണ്ടും ജുബ്ബയും ധരിച്ച് മാസായി നടന്ന് ജയറാം;വീഡിയോ പങ്ക് വച്ച് നടന്‍
ജോലിത്തിരക്കുകള്‍ പറഞ്ഞ് വിവാഹത്തില്‍ പങ്കെടുക്കാതിരുന്നതെങ്കില്‍ കൊല്ലുമായിരുന്നു; മനോഹരമായ ഓര്‍മകള്‍ തന്നതിന് നന്ദി; കീര്‍ത്തി സുരേഷിന്റെ കല്യാണത്തെ കുറിച്ച് ഐശ്വര്യ ലക്ഷ്മി 
വര്‍ഷങ്ങളായുള്ള പ്രണയം ജനുവരി പതിനഞ്ചാം തീയതി പൂവണിയും; വിവാഹത്തിന് മതാചാരപ്രകാരമുള്ള വിവാഹങ്ങളൊന്നും ഉണ്ടായിരിക്കില്ല; വിവാഹ വിശേഷങ്ങളുമായി കുടുംബവിളക്ക് താരം ശ്രീലക്ഷ്മി ശ്രീകുമാര്‍
ചിറക് വിരിച്ച് പറക്കുന്ന പ്രാവിന്റെ ഇമോജിയ്‌ക്കൊപ്പം അവധിയാഘോഷ ചിത്രങ്ങളുമാി ജയന്‍ രവി;വിവാഹമോചനത്തിനു ശേഷം എത്തിയ പോസ്റ്റിലൂടെ നടന്‍ പങ്ക് വക്കുന്നത് ജീവിതം ആസ്വദിക്കുന്ന ചിത്രങ്ങള്‍
സിനിമ ഇഷ്ടപ്പെടാതെ തിയറ്ററില്‍ നിന്ന് ഇറങ്ങിയോ?കാണാത്ത ഭാഗത്തിന്റെ പൈസ തിരികെ കിട്ടും;'ഫ്‌ലെക്‌സി ഷോ'യുമായി പിവിആര്‍
ആളുകള്‍ക്ക് നിങ്ങളെ ഇഷ്ടപ്പെട്ടില്ലെങ്കില്‍ കുഴപ്പമില്ല; നായകള്‍ക്ക് നിങ്ങളെ ഇഷ്ടമായില്ലെങ്കില്‍ നിങ്ങള്‍ ആശങ്കപ്പെടേണ്ടതുണ്ട്; എന്തുകൊണ്ടാണ് കോഴികള്‍ അവരുടെ ദിവസം കൂവി വിളിച്ചുകൊണ്ട് തുടങ്ങുന്നത്; ഇന്‍സ്റ്റഗ്രാം സ്റ്റോറിയിലൂടെ തൃഷ കുറിച്ചത്