തമിഴില്‍ ട്രെന്‍ഡ് ആയി സുന്ദര്‍ സി ഒരുക്കിയ ഹൊറര്‍ ത്രില്ലര്‍ അരണ്‍മനൈ 4.മുന്‍ ചിത്രങ്ങള്‍ സംവിധാനം ചെയ്ത നടന്‍ സുന്ദര്‍ സി തന്നെയാണ് അരണ്‍മനൈ നാലാം ഭാഗവും ഒരുക്കിയിരിക്കുന്നത്.തമന്നയും റാഷി ഖന്നയുമാണ് നായികമാരായി എത്തുന്നത്. ഹൊറര്‍ കോമഡി വിഭാഗത്തില്‍ പെടുന്ന തമിഴ്നാട്ടില് വിജയകരമായി മുന്നേറുന്ന കാഴ്ചയാണ് കാണുന്നത്. അടുത്തിടെ ഇറങ്ങിയ തമിഴ് സിനിമകളില്‍ ഏറ്റവും വേഗത്തില്‍ 25 കോടി മറികടന്ന ചിത്രമായി അരണ്‍മനൈ നാല് മാറിക്കഴിഞ്ഞു
സിനിമയുടെ ബോക്‌സ് ഓഫീസ് കളക്ഷന്‍ 4 ദിവസങ്ങള്‍ കൊണ്ട് തന്നെ 29 കോടി പിന്നിട്ടു.തമിഴ്നാട്ടില് 4 ദിവസം കൊണ്ട് ശരാശരി 5 കോടി രൂപയാണ് അരണ്‍മനൈ നാല് നേടുന്നത്. 20 കോടിയോളം ആണ് തമിഴ്നാട്ടിലെ മാത്രം കളക്ഷന്‍.
മികച്ച അഡ്വാന്‍സ് ബുക്കിംഗ് നടക്കുന്നുണ്ട്.ആ ദിവസത്തെ പ്രീ-സെയില്‍സില്‍ ചിത്രം ഒരു കോടി രൂപ നേടിയതായും റിപ്പോര്‍ട്ടുണ്ട്.
ഈ ഹൊറര്‍ കോമഡി ഒരു ബ്ലോക്ക്ബസ്റ്റര്‍ ഹിറ്റായി നിര്‍മ്മാതാക്കള്‍ ഇതിനകം പ്രഖ്യാപിച്ചിട്ടുണ്ട്. മെയ് 3നാണ് സിനിമ പ്രദര്‍ശനത്തിന് എത്തിയത്.
യോഗി ബാബു, വിടിവി ഗണേഷ്, ദില്ലി ഗണേഷ്, കോവൈ സരള തുടങ്ങിയവരാണ് മറ്റു പ്രധാന വേഷങ്ങളില്‍ എത്തുന്നത്.സുന്ദര്‍ സി തന്നെയാണ് ആരണ്‍മനൈ 4ന്റെ രചനയും നിര്‍വഹിച്ചിരിക്കുന്നത്.
ഹിപ്‌ഹോപ്പ് തമിഴയാണ് ചിത്രത്തിന് സംഗീതം ഒരുക്കിയിരിക്കുന്നത്. ഇ കൃഷ്ണമൂര്‍ത്തി ഛായാഗ്രഹണം നിര്‍വ്വഹിച്ച ചിത്രത്തിന്റെ എഡിറ്റിംഗ് ഫെന്നി ഒലിവര്‍, കലാസംവിധാനം ഗുരുരാജ്, നൃത്തസംവിധാനം ബൃന്ദ മാസ്റ്റര്‍ എന്നിവരും നിര്‍വഹിക്കുന്നു.
അടുത്തിടെയായി തമിഴില്‍ പുറത്തിറങ്ങിയ മിക്ക സിനിമകളും ഫ്ളോപ്പ് ആയിരുന്നു. ഈ വര്‍ഷം ഇതുവരെ പുറത്തിറങ്ങിയ നൂറോളം സിനിമകളില്‍ ആകെ വിജയം നേടിയത് ക്യാപ്റ്റന്‍ മില്ലര്‍, അയലാന്‍ എന്നീ രണ്ട് സിനിമകള്‍ മാത്രമാണ്.
അരണ്‍മനൈ രണ്ടും മൂന്നും ഭാഗങ്ങള്‍ ഒരുക്കിയ സുന്ദറിന്റെ ഭാര്യയും നടിയുമായ ഖുശ്ബുവാണ് നാലാം ഭാഗം നിര്‍മ്മിച്ചിരിക്കുന്നത്.
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)