കഠിന വ്യായാമം ചെയ്തില്ല; വഴുതന, സ്പിനാഷ് ഉള്‍പ്പെടെയുള്ളവ കഴിക്കാന്‍ പാടില്ലെന്ന് തിരിച്ചറിഞ്ഞു;ശരീരത്തിന് വേണ്ടതും വേണ്ടാത്തതും കൃത്യമായി മനസിലാക്കി ഡയറ്റ് ക്രമീകരിച്ച് ശരീരഭാരം കുറച്ചു; വിദ്യ ബാലന്‍ പങ്ക് വച്ചത്

ഒട്ടനവധി ആരാധകരുള്ള ബോളിവുഡ് താരറാണിയാണ് വിദ്യ ബാലന്‍.പലപ്പോഴും ബോഡി ഷെയ്മിംഗിന് ഇരയാവാറുള്ള താരംകഴിഞ്ഞ ദിവസം പുറത്തെത്തിയ 'ഭൂല്‍ ഭുലയ്യ 3'യുടെ ടീസറിലും ഗാനരംഗത്തിലും വണ്ണം കുറച്ച് സുന്ദരി ആയാണ് വിദ്യ പ്രത്യക്ഷപ്പെട്ടത്. ചിത്രത്തിന്റെ പ്രമോഷന്‍ പരിപാടികളിലും സിനിമയിലേതു പോലെയുള്ള ലുക്കില്‍ തന്നെയാണ് വിദ്യ എത്തിയതും. ഇപ്പോളിതാ തന്റെ രൂപമാറ്റത്തിന് പിന്നിലെ രഹസ്യം താരം പങ്ക് വക്കുകയാണ്.

ജീവിതകാലം മുഴുവനും ഞാന്‍ മെലിയാനുള്ള കഷ്ടപ്പാടിലായിരുന്നു. എങ്ങനെയെങ്കിലും വണ്ണം കുറച്ചാലും പിന്നെയും അതു തിരിച്ച് വരുമായിരുന്നു. എന്തൊക്കെ ചെയ്തിട്ടും എന്റെ ഭാരം കൂടുക മാത്രമാണ് ചെയ്തത്. ഈ വര്‍ഷം ആദ്യം ചെന്നൈയിലെ ഒരു ന്യൂട്രിഷണല്‍ ഗ്രൂപ്പിനെ ഞാന്‍ പരിചയപ്പെട്ടു.

എന്റെ ശരീരഭാരത്തിന് പിന്നില്‍ കൊഴുപ്പടിഞ്ഞതല്ല നീര്‍ക്കെട്ട് ആവാമെന്ന് അവര്‍ പറഞ്ഞു. അവര്‍ എനിക്ക് ഒരു ഡയറ്റ് തന്നു. അതോടെ എന്റെ ശരീരഭാരം പെട്ടെന്ന് തന്നെ കുറഞ്ഞു. ജീവിതകാലം മുഴുവന്‍ വെജിറ്റേറിയന്‍ ആയിരുന്നിട്ടും പാലക്കും മറ്റു ചില പച്ചക്കറികളും എന്റെ ശരീരത്തിന് നല്ലതല്ലെന്ന് ഞാന്‍ അറിഞ്ഞില്ല.

പച്ചക്കറികളെല്ലാം നല്ലതല്ലേ എന്നാണ് നമ്മള്‍ ചിന്തിക്കുക. എന്നാല്‍ അങ്ങനെയല്ല. എല്ലാം നമുക്ക് ഗുണം ചെയ്യണമെന്നില്ല. മറ്റൊരാള്‍ക്ക് നല്ലതാണെന്ന് കരുതി നമുക്ക് നന്നാവണമെന്നില്ല. ഒപ്പം ഞാന്‍ വ്യായാമം ചെയ്യുന്നത് നിര്‍ത്താനും അവര്‍ പറഞ്ഞു. ഇപ്പോള്‍ എന്നെ കാണുമ്പോഴെല്ലാം ഒരുപാട് മെലിഞ്ഞു എന്ന് എല്ലാവരും പറയും.

പക്ഷേ ഈയൊരു വര്‍ഷം ഞാന്‍ വര്‍ക്കൗട്ട് ചെയ്തിട്ടേയില്ല. ഞാന്‍ വ്യായാമം ചെയ്യാതിരിക്കുന്ന ആദ്യത്തെ വര്‍ഷമായിരിക്കും ഇത്. മുമ്പൊക്കെ ഒരു മൃഗത്തെ പോലെയാണ് ഞാന്‍ വര്‍ക്കൗട്ട് ചെയ്തിരുന്നത്. എന്നിട്ടും നിങ്ങള്‍ വ്യായമമൊന്നും ചെയ്യുന്നില്ലല്ലേ എന്ന് ആളുകള്‍ ചോദിച്ചു. ഇപ്പോള്‍ ഞാന്‍ വ്യായാമം ചെയ്യുന്നില്ല എന്നാണ് വിദ്യ പറയുന്നത്.