വീണ്ടുമൊരു റീമേക്ക് ചിത്രവുമായി ബോളിവുഡ് താരം അക്ഷയ് കുമാര്‍. മുദാസര്‍ അസീസ് രചനയും സംവിധാനവും നിര്‍വഹിക്കുന്ന ഖേല്‍ ഖേല്‍ മേം ആണ് അക്ഷയ് കുമാറിന്റെ അടുത്ത റിലീസ്.സിനിമയുടെ ട്രെയിലര്‍ എത്തി. കോമഡി ഡ്രാമ വിഭാഗത്തില്‍ പെടുന്ന ചിത്രത്തിന്റെ റിലീസ് ഓഗസ്റ്റ് 15 ആണ്.
പാവ്‌ലോ ജെനോവീസിന്റെ സംവിധാനത്തില്‍ 2016ല്‍ റിലീസ് ചെയ്യപ്പെട്ട ഇറ്റാലിയന്‍ ചിത്രം പെര്‍ഫെക്ട് സ്‌ട്രേഞ്ചേഴ്‌സിന്റെ ഔദ്യോഗിക റീമേക്ക് ആണ് ഇത്.
മോഹന്‍ലാലിനെ നായകനാക്കി ജീത്തു ജോസഫ് സംവിധാനം ചെയ്ത ട്വല്‍ത്ത് മാനിലും സമാന കഥയായിരുന്നു. തപ്സി പന്നു, വാണി കപൂര്‍, അമ്മി വിര്‍ക്, ഫര്‍ദീന്‍ ഖാന്‍, പ്രഗ്യ ജയ്സ്വാള്‍, ആദിത്യ സീല്‍ എന്നിവരാണ് ഖേല്‍ ഖേല്‍ മേമില്‍ അക്ഷയ് കുമാറിന് പുറമെയുള്ള പ്രധാന താരങ്ങള്‍.
ദൃശ്യം2നുശേഷം ജീത്തു ജോസഫ്-മോഹന്‍ലാല്‍ കോംബോയില്‍ എത്തിയ ട്വല്‍ത്ത് മാന്‍ 2022ലാണ് പുറത്തിറങ്ങിയത്. ആശിര്‍വാദ് സിനിമാസിന്റെ ബാനറില്‍ ആന്റണി പെരൂമ്പാവൂരാണ് ചിത്രം നിര്‍മിച്ചത്.
മോഹന്‍ലാലിനെക്കൂടാതെ അനുശ്രീ, സൈജു കുറുപ്പ്, വീണ നന്ദകുമാര്‍, ഷൈന്‍ ടോം ചാക്കോ, ശിവദ നായര്‍ തുടങ്ങിയവരാണ് ചിത്രത്തിലെ മറ്റു കഥാപാത്രങ്ങള്‍. കെ ആര്‍ കൃഷ്ണകുമാറാണ് ചിത്രത്തിന്റെ തിരക്കഥ. പശ്ചാത്തലസംഗീതം അനില്‍ ജോണ്‍സണ്‍. സതീഷ് കുറുപ്പാണ് ചിത്രത്തിന്റെ ഛായാഗ്രഹണം നിര്‍വഹിച്ചത്.
Premium Lifestyle and Entertainment website
മഴവില്‍ മനോരമയിലെ ജനപ്രിയ പരമ്പര മണിമുത്ത് അവസാന ഭാഗത്തേക്ക്; പരമ്പരയുടെ ഫാന്‍സ് പേജുകളിലൂടെ പുറത്ത് വരുന്നത് ക്ലൈമാക്‌സിലേക്കെന്ന സൂചന
കുഞ്ഞിനെ നോക്കാന്‍ വീട്ടില്‍ മറ്റാരുമില്ല, മാപ്പ് പറഞ്ഞതാണ്'; കോടതിയില്‍ ജാമ്യാപേക്ഷയുമായി നടി കസ്തൂരി;തെലുങ്കര്‍ക്കെതിരായ വിവാദ പരാമര്‍ശത്തില്‍ നടി ജയിലില്‍