നിനക്കെന്നാടാ ഒരു വശപ്പെശക്? എനിക്കു മൂന്നു പ്രശ്‌നമുണ്ട്. മൂന്നു പ്രശ്‌നമോ? ആദ്യത്തെ വല്യ കുഴപ്പമില്ല ...... സെറ്റായിക്കോളുമെന്നു പറഞ്ഞു. ബാബുരാജും, ഷെയ്ന്‍ നിഗവും തമ്മിലുള്ള സംഭാഷണമാണ് മേല്‍ വിവരിച്ചത്. ഈ വാക്കുകള്‍ കേള്‍ക്കുമ്പോള്‍ത്തന്നെ അതില്‍ ഒരു കൗതുകം ഒളിഞ്ഞിരിപ്പുണ്ടന്നു മനസ്സിലാക്കാം.
രണ്ടു പേരുടേയും ഇടപെടലുകളും അത്തരത്തിലുള്ളതാണ്. ആന്റോ ജോസ് പെരേര, എബി ട്രീസാ പോള്‍ എന്നിവര്‍ സംവിധാനം ചെയ്യുന്ന ലിറ്റില്‍ ഹാര്‍ട്ട്‌സ് എന്ന ചിത്രത്തിന്റെ ഇന്നു പുറത്തുവിട്ട ഒഫീഷ്യല്‍ ട്രയിലറിലെ രംഗമാണിത്.
ട്രെയ്ലറിലുടനീളം ഇത്തരം കൗതുകങ്ങളായ രംഗങ്ങള്‍ ചേര്‍ത്തുവച്ചു കൊണ്ടാണ് ട്രയിലര്‍ പുറത്തുവിട്ടിരിക്കുന്നത്. ചിത്രത്തിന്റെ മൊത്തത്തിലുള്ള മൂഡിന്റെ നേര്‍ക്കാഴ്ച്ച തന്നെയാണ് ഈ ട്രയിലര്‍. കിഴക്കന്‍ മലയോര ഗ്രാമങ്ങളിലെ ഏലത്തോട്ടങ്ങളുടെ പശ്ചാത്തലത്തിലൂടെ വ്യത്യസ്ഥമായ മൂന്നു പ്രണയങ്ങളും, ബന്ധങ്ങളുടെ കെട്ടുറപ്പും, നര്‍മ്മവും, പ്രതികാരവുമൊക്കെ കോര്‍ത്തിണക്കിയ കുടുംബകഥയാണ് തികഞ്ഞ എന്റെര്‍ടൈനറായി അവതരിപ്പിക്കുന്നത്.
ഷെയ്ന്‍ നിഗം, മഹിമാ നമ്പ്യാര്‍, ബാബുരാജ് എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ഇവര്‍ക്കു പുറമേ ഷൈന്‍ ടോം ചാക്കോ, രണ്‍ജി പണിക്കര്‍ ,ജാഫര്‍ ഇടുക്കി, ഐമാ സെബാസ്റ്റ്യന്‍, രമ്യാ സുവി ,മാലാ പാര്‍വ്വതി എന്നിവരും ഈ ചിത്രത്തിലെ പ്രധാന കഥാപാത്രങ്ങളെ ആവതരിപ്പിക്കുന്നു. തിരക്കഥ - രാജേഷ് പിന്നാടന്‍. ഗാനങ്ങള്‍ - ഹരിനാരായണന്‍.വിനായക് ശശികുമാര്‍.വിവേക് മുഴുക്കുന്ന്. സംഗീതം - കൈലാസ്. ഛായാഗ്രഹണം ലൂക്ക് ജോസ്. എഡിറ്റിംഗ് - നൗഫല്‍ അബ്ദുള്ള കലാസംവിധാനം -അരുണ്‍ ജോസ്. ക്രിയേറ്റീവ് ഡയറക്ടര്‍ - ദി പില്‍ദേവ്. ക്രിയേറ്റീവ് ഹെഡ് - ഗോപികാ റാണി. പ്രൊഡക്ഷന്‍ ഹെഡ് -അനിതാ കപില്‍. നിര്‍മ്മാണ നിര്‍വ്വഹണം - ഡേവിസണ്‍' സി.ജെ. സാന്ദ്രാ തോമസ് പ്രൊഡക്ഷന്‍സിന്റെ ബാനറില്‍ സാന്ദ്രാ തോമസ്, വില്‍സന്‍ തോമസ് എന്നിവര്‍ നിര്‍മ്മിക്കുന്ന ഈ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായിരിക്കുന്നു. ജൂണ്‍ ഏഴിന് ഈ ചിത്രം പ്രദര്‍ശനത്തിനെത്തുന്നു
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)