സൂപ്പര്‍ ഹിറ്റായ മാസ്റ്ററിന് ശേഷം വിജയിയും ലോകേഷ് കനകരാജും ഒന്നിക്കുന്ന ലിയോയുടെ ഷൂട്ടിംഗ് കാശ്മീരില്‍ പുരോഗമിച്ചു കൊണ്ടിരിക്കുകയാണ്. ചിത്രത്തിന്റ ലൊക്കേഷനില്‍ വച്ച് സംവിധായകന്റെ പിറന്നാള്‍ ആഘോഷമാക്കിയിരിക്കുകയാണ് അണിയറപ്രവര്‍ത്തകര്‍. കശ്മീര്‍ ഷെഡ്യൂളിനിടെയായിരുന്നു പിറന്നാള്‍ ആഘോഷം. ഇന്നലെ രാത്രി നടന്ന പിറന്നാളാഘോഷത്തില്‍ വിജയ് അടക്കം അഭിനേതാക്കളുടെയും സാങ്കേതിക പ്രവര്‍ത്തകരുടെയും വലിയ സംഘം പങ്കെടുത്തു. പരിപാടിയില്‍ നിന്നുള്ള ചിത്രങ്ങള്‍ ട്വിറ്ററില്‍ പ്രചരിക്കുന്നുണ്ട്.
ലോകേഷിന് പിറന്നാള്‍ ആശംസകള്‍ നേര്‍ന്നുകൊണ്ട് ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്ന സഞ്ജയ് ദത്ത് ട്വീറ്റ് ചെയ്തിട്ടുണ്ട്. പിറന്നാള്‍ ആശംസകള്‍ സഹോദരാ, ദൈവം നിനക്ക് കൂടുതല്‍ വിജയങ്ങളും സമാധാനവും സന്തോഷവും ധനവും നല്‍കട്ടെ. ജീവിതത്തില്‍ നിന്നോടൊപ്പം ഞാന്‍ എപ്പോഴും ഉണ്ടാവും. അനുഗ്രഹീതനായി തുടരുക. ലവ് യൂ, എന്നാണ് ലോകേഷിനൊപ്പം നില്‍ക്കുന്ന ചിത്രം പങ്കുവച്ചുകൊണ്ട് സഞ്ജയ് ദത്ത് ട്വീറ്റ് ചെയ്തത്.
രസകരമായ മാഷപ്പുകളിലൂടെയും ചിത്രങ്ങളിലൂടെയും ആരാധകര്‍ലോകേഷിന്റെ പിറന്നാള്‍ ആഘാഷിക്കുന്നുമുണ്ട്. ആരാധകരുടെ ഈ സ്‌നേഹത്തിന് നന്ദി പറഞ്ഞെത്തിയിരിക്കുകയാണ് ലോകേഷ്.ഒരു നന്ദി കൊണ്ട് ഒന്നുമാകില്ല. എന്നാലും എല്ലാ ഹൃദ്യമായ ആശംസകള്‍ക്കും മാഷപ്പുകള്‍ക്കും വീഡിയോകള്‍ക്കും നന്ദി. ഇത് എന്നെ കൂടുതല്‍ ഉത്തരവാദിത്തമുള്ളവനാക്കുന്നു. ആളുകള്‍ക്ക് മികച്ച സിനിമകള്‍ നല്‍കുന്നതിനായി പൂര്‍ണ്ണ മനസോടെ ഞാന്‍ ശ്രമിക്കും. എല്ലാവര്‍ക്കും നന്ദി, ഒത്തിരി സ്‌നേഹം', ലോകേഷ് കനകരാജ് ട്വീറ്റ് ചെയ്തു.
വിജയ്ക്കും സഞ്ജയ് ദത്തിനുമൊപ്പം തന്റെ പുതിയ സിനിമയായ 'ലിയോ'യുടെ ലൊക്കേഷനില്‍ നിന്നെടുത്ത ചിത്രങ്ങളും ലോകേഷ് പങ്കുവെച്ചിട്ടുണ്ട്. 'എല്ലാത്തിനും ഒരുപാട് നന്ദി വിജയ് അണ്ണാ' എന്ന കുറിപ്പോടെയാണ് സംവിധായകന്‍ വിജയ്ക്കൊപ്പമുള്ള ചിത്രം പങ്കുവെച്ചത്. 'മാസ്റ്ററി'ന് ശേഷം ഇരുവരും ഒന്നിക്കുന്ന ചിത്രമാണ് ലിയോ
സഞ്ജയ് ദത്ത്, ബാബു ആന്റണി, തൃഷ, മനോജ് പത്മഹംസ തുടങ്ങിയവര്‍ക്കൊപ്പമുള്ള ലോകേഷിന്റെ പിറന്നാള്‍ ചിത്രങ്ങള്‍ സമൂഹ മാധ്യമങ്ങളില്‍ വൈറലാണ്. അര്‍ജുന്‍ സര്‍ജ, മിഷ്‌കിന്‍, ഡാന്‍സ് മാസ്റ്റര്‍ സാന്‍ഡി, മന്‍സൂര്‍ അലിഖാന്‍, പ്രിയാ ആനന്ദ് തുടങ്ങിയ ഒരു വന്‍ താരനിര തന്നെ സിനിമയുടെ ഭാഗമാകുന്നുമുണ്ട്.
Premium Lifestyle and Entertainment website
മിനി സ്‌ക്രീന്‍ താരങ്ങളായ മാളവികയ്ക്കും തേജസിനും കൂട്ടായി പുതിയ അതിഥിയെത്തി; കുഞ്ഞികൈകളുടെ ചിത്രങ്ങളുമായി സന്തോഷം പങ്ക് വച്ച് താരങ്ങള്‍; ആണ്‍കുഞ്ഞോ പെണ്‍കുഞ്ഞോയെന്ന് തിരക്കി ആരാധകര്
300 വര്‍ഷം മുന്‍പ് തമിഴ് രാജാക്കന്മാരുടെ അന്തപ്പുരങ്ങളില്‍ പരിചാരകരായി വന്ന തെലുങ്കര്‍, തങ്ങളാണ് തമിഴരെന്ന് അവകാശപ്പെടുന്നു; നടി കസ്തൂരി നടത്തിയ പരാമര്‍ശത്തിനെതിരെ പ്രതിഷേധം; കേസെടുത്ത് പോലീസ്