പ്രണയവും ആക്ഷനും കോ‍ർത്തിണക്കി 'ഡിയർ കൊമ്രേഡി'ൻ്റെ കിടിലൻ ട്രെയില‍ര്‍

Malayalilife
topbanner
പ്രണയവും ആക്ഷനും കോ‍ർത്തിണക്കി 'ഡിയർ കൊമ്രേഡി'ൻ്റെ കിടിലൻ ട്രെയില‍ര്‍

വിജയ് ദേവരക്കൊണ്ടയും രശ്മിക മന്ദാനയും പ്രധാന വേഷങ്ങളിൽ എത്തുന്ന 'ഡിയർ കോമ്രേഡി'ൻ്റെ ട്രെയിലര്‍ പുറത്ത് വിട്ടു. പ്രണയവും ആക്ഷനും കോര്‍ത്തിണക്കിയാണ് ചിത്രത്തിൻ്റെ ട്രെയിലര്‍ ഒരുക്കിയിരിക്കുന്നത്. കോളേജ് വിദ്യാര്‍ത്ഥികക്കിടെയിലെ പ്രശ്നങ്ങളും കലഹങ്ങളുമെല്ലാം ചിത്രത്തിൻ്റെ ഭാഗമായുണ്ട്. 

പ്രണയവും രാഷ്ട്രീയവുമെല്ലാം വിഷയമാകുന്ന ചിത്രമാണ് ഡിയർ കൊമ്രേഡ്. ഭരത് കമ്മയാണ് ചിത്രം സംവിധാനം ചെയ്യുന്നത്. തെലുങ്ക്, കന്നട, മലയാളം, തമിഴ് എന്നീ ഭാഷകളിൽ ചിത്രം തീയേറ്ററുകളിൽ എത്തും. മൈത്രി മേക്കേഴ്സിൻ്റെ ബാനറിൽ നവീൻ യെർനേനി, വൈ. രവിശങ്കർ, മോഹൻ (cvm), യഷ് രങ്കിനേനി എന്നിവരാണ് ചിത്രം നിർമ്മിക്കുന്നത്. ഭരത് കമ്മ തന്നെയാണ് ചിത്രത്തിൻ്റെ കഥയും ഒരുക്കിയിരിക്കുന്നത്. 

ജസ്റ്റിൻ പ്രഭാകരനാണ് സംഗീത സംവിധാനം ചെയ്തിരിക്കുന്നത്. E4 എൻ്റർടെയ്ൻമെൻ്റ്സ് ആണ് കേരളത്തിലേക്കുള്ള വിതരണാവകാശം എടുത്തിരിക്കുന്നത്. 

കഴിഞ്ഞ വര്‍ഷം മെയ് മാസത്തിലാണ് ചിത്രം പ്രഖ്യാപിച്ചത്. ഇതിന് പിന്നാലെ ദുല്‍ഖര്‍ സല്‍മാന്‍ നായകനായ അമല്‍ നീരദ് ചിത്രം 'സിഐഎ കോമ്രേഡ് ഇന്‍ അമേരിക്ക'യുടെ റീമേക്കാണ് ഈ ചിത്രം എന്ന തരത്തില്‍ പുറത്ത് വന്ന റിപ്പോര്‍ട്ടുകള്‍ തള്ളി സംവിധായകന്‍ രംഗത്തെത്തുകയും ചെയ്തിരുന്നു. പ്രണയവും ആക്ഷനും കോ‍ർത്തിണക്കി 'ഡിയർ കൊമ്രേഡി'ൻ്റെ കിടിലൻ ട്രെയില‍ര്‍

 


ചിത്രത്തില്‍ മലയാളി നടിയായ ശ്രുതി രാമചന്ദ്രനും ഒരു പ്രധാന വേഷത്തില്‍ എത്തുന്നുണ്ട്. ടാക്‌സിവാല എന്ന ചിത്രമാണ് വിജയ് ദേവരകൊണ്ടയുടേതായി ഒടുവിൽ പുറത്തിറങ്ങിയ ചിത്രം. നാടകങ്ങളിലൂടെ സിനിമയിലേക്കെത്തിയ വിജയ് ദേവരക്കൊണ്ട രവി ബാബുവിന്‍റെ 2011ൽ പുറത്തിറങ്ങിയ ചിത്രമായ 'നുവ്വില'യിൽ ക്രിക്കറ്റ് കളിക്കാരന്‍റെ വേഷത്തിലൂടെയാണ് സിനിമയിലേക്ക് രംഗപ്രവേശം ചെയ്തത്. 

'യെവടെ സുബ്രമണ്യം' എന്ന ചിത്രത്തിലൂടെ ദേശീയതലത്തിൽ ശ്രദ്ധനേടുകയായിരുന്നു. 2017ൽ പുറത്തിറങ്ങിയ കൾട്ട് ക്ലാസിക് ചിത്രമായ 'അർജ്ജുൻ റെഡ്ഡി' എന്ന ചിത്രമാണ് വിജയ്‌ ദേവരകൊണ്ടയുടെ തലവരമാറ്റിയത്. അര്‍ജ്ജുൻ റെഡ്ഡിയുടെ തമിഴ്, ഹിന്ദി പതിപ്പുകള്‍ കബീര്‍ സിങ്ങ്, ആദിത്യ വര്‍മ്മ എന്നീ പേരുകളിൽ ഉടൻ പുറത്തിറങ്ങാനിരിക്കുകയാണ്. ചിത്രം ഈ മാസം 26ന് തീയേറ്ററുകളിലെത്തും. 

vijay deverakonda rashmika starrer dear comrade theatrical trailer

RECOMMENDED FOR YOU:

no relative items
topbanner
topbanner

EXPLORE MORE

topbanner

LATEST HEADLINES