ഹിറ്റ്‌മേക്കര്‍ വെങ്കട് പ്രഭുവിന്റെ സംവിധാനത്തില്‍ വിജയ് നായകന്‍; എന്നിലര്‍പ്പിച്ച വിശ്വാസത്തിന് നന്ദി എന്ന കുറിപ്പോടെ  വിജയിക്കൊപ്പമുളള ചിത്രം പങ്കുവെച്ച് വെങ്കട് പ്രഭു

ഹിറ്റ്‌മേക്കര്‍ വെങ്കട് പ്രഭുവിന്റെ സംവിധാനത്തില്‍ വിജയ് നായകനാകുന്ന ചിത്രത്തിന്റെ പ്രഖ്യാപനം കഴിഞ്ഞ ദിവസമാണ് ഉണ്ടായത്. തന്റെ സോഷ്യല്‍ മീഡിയയില്‍ ചിത്രത്തിന്റെ അനൗണ്‍സ്‌മെന്റ് വീഡിയോ വിജയ് തന്നെയാണ് പങ്കുവച്ചത്.  എജിഎസ് എന്റര്‍ടൈന്‍മെന്റ്‌സ് ആണ് നിര്‍മാണം. ലോകേഷ് കനരാജിന്റെ ലിയോയ്ക്ക് ശേഷം വിജയ് ചിത്രത്തില്‍ പങ്കുചേരുമെന്നാണ് വിവരം. മാനാട്, മങ്കാത്ത, ചെന്നൈ 600028 എന്നീ ചിത്രങ്ങള്‍ ഒരുക്കിയ സംവിധായകന്‍ വെങ്കട്ട് പ്രഭുവും വിജയിയും ആദ്യമായി സഹകരിക്കുന്ന ചിത്രം കൂടിയാണ് ദളപതി 68. 

10 മാസം മുന്‍പ് വിജയ്‌ക്കൊപ്പം എടുത്ത ഫോട്ടോ പങ്കുവെച്ച് സംവിധായകന്‍ വെങ്കട് പ്രഭുവും ഇക്കാര്യം പങ്ക് വച്ചു. തന്നിലര്‍പ്പിച്ച വിശ്വാസത്തില്‍ ദളപതി വിജയ്യോട് വെങ്കട് പ്രഭു നന്ദിയും പറഞ്ഞു. ഏകദേശം ഒരു വര്‍ഷം മുമ്പാണ് വെങ്കട് പ്രഭു, വിജയ്യുടെ അരികില്‍ കഥ പറയാനെത്തുന്നത്. ആ പ്രോജക്ടിന് ഔദ്യോഗിക സ്ഥിരീകരണമുണ്ടായത് കഴിഞ്ഞ ദിവസവും. വിജയ് ചിത്രം പ്രഖ്യാപിച്ചതിനു പിന്നാലെ പത്ത് മാസം മുമ്പ് വിജയ്യുമായി നടത്തിയ കൂടിക്കാഴ്ചയുടെ ഫോട്ടോ വെങ്കട് പ്രഭു സമൂഹമാധ്യമങ്ങളില്‍ പങ്കുവയ്ക്കുകയായിരുന്നു.

'എന്നിലര്‍പ്പിച്ച വിശ്വാസത്തില്‍ വിജയ്യോട് നന്ദി പറയുന്നു. അന്ന് വാക്ക് പറഞ്ഞ പോലെ സിനിമയുടെ ഔദ്യോഗിക പ്രഖ്യാപന സമയത്ത് ഈ ഫോട്ടോ റിലീസ് ചെയ്യുന്നു. പത്ത് മാസം മുന്‍പെടുത്ത ചിത്രമാണിത്. അതെ സ്വപ്നങ്ങള്‍ സത്യമാകും.'-വെങ്കട് പ്രഭു കുറിച്ചു.

എജിഎസ് എന്റര്‍ടൈന്‍മെന്റ്‌സ് ആണ് ചിത്രം നിര്‍മ്മിക്കുന്നത്. നിലവില്‍ ലോകേഷ് കനരാജിന്റെ ലിയോയിലാണ് വിജയ് അഭിനയിച്ചു കൊണ്ടിരിക്കുന്നത്. ഇതിന് ശേഷം ദളപതി 68ല്‍ ജോയിന്‍ ചെയ്യുമെന്നാണ് വിവരം.

മാനാട്, മങ്കാത്ത, ചെന്നൈ 600028, മാസ് എന്നീ ചിത്രങ്ങള്‍ ഒരുക്കിയ സംവിധായകനാണ് വെങ്കട്ട് പ്രഭു. വെങ്കട്ടും വിജയ്യും ആദ്യമായി ഒന്നിക്കുന്ന ചിത്രം കൂടിയാണ് ദളപതി 68. യുവന്‍ ശങ്കര്‍ രാജയാണ് സം?ഗീത സംവിധാനം നിര്‍വഹിക്കുന്നത്. 2003 ല്‍ റിലീസ് ചെയ്ത പുതിയ ഗീതൈയ്ക്ക് ശേഷം വിജയ്-യുവന്‍ ശങ്കര്‍ രാജ കൂട്ടുകെട്ടിലെത്തുന്ന രണ്ടാമത്തെ ചിത്രം കൂടിയാണിത്.  ചിമ്പുവിന്റെ മാനാട്, നാഗ ചൈതന്യ നായകനായെത്തിയ കസ്റ്റഡി എന്നിവയാണ് ഇതിനു മുമ്പ് റിലീസ് ചെയ്ത വെങ്കട് പ്രഭു ചിത്രങ്ങള്‍