ഏഷ്യയിലെ തന്നെ ഏറ്റവും സമ്പന്നനും റിലയന്‍സ് ഇന്‍ഡസ്ട്രീസ് ചെയര്‍മാനുമായ മുകേഷ് അംബാനിയുടെയും നിത അംബാനിയുടെയും മകന്‍ ആനന്ദ് അംബാനിയും രാധിക മെര്‍ച്ചന്റും തമ്മിലുള്ള വിവാഹത്തിന് മുന്നോടിയായുള്ള ആഘോഷങ്ങള്‍ പൊടിപൊടിക്കുകയാണ്. ഷാരൂഖ് ഖാന്‍, ആലിയ ഭട്ട്, കരീന കപൂര്‍, ദീപിക പദുകോണ്‍, രണ്‍വീര്‍ സിംഗ് തുടങ്ങി നിരവധി താരങ്ങളാണ് മാര്‍ച്ച് ഒന്നിന് ആരംഭിച്ച് മൂന്ന് വരെ നീളുന്ന ആഘോഷങ്ങളുടെ ആദ്യ ദിനത്തില്‍ പങ്കെടുത്തത്.
പ്രീവെഡിംഗ് ആഘോഷത്തിനായി ഒമ്പത് പേജുള്ള ഇവന്റ് ഗൈഡാണ് തയാറാക്കിയത്. ആനന്ദ് അംബാനി-രാധിക മെര്‍ച്ചന്റ് വിവാഹത്തിന് മുന്നോടിയായിട്ടുള്ള ചടങ്ങില്‍ വിവിധ രാജ്യങ്ങളിലെ പ്രമുഖരാണ് പങ്കെടുക്കുന്നത്. ബില്‍ ഗേറ്റ്സ്, മാര്‍ക് സക്കര്‍ബര്‍ഗ്, പോപ്പ് ഗായിക റിഹാന, ഖത്തര്‍ പ്രധാനമന്ത്രി ഷെയ്ഖ് മൊഹമ്മദ് ബിന്‍ അബ്ദുള്‍റഹ്മാന്‍, സൗദി ആരാംകോ ചെയര്‍പേഴ്‌സണ്‍ യാസിര്‍ അല്‍-റുമയ്യാന്‍, ഡിസ്‌നി സി.ഇ.ഒ ബോബ് ഐഗര്‍, ശതകോടീശ്വരനായ അമേരിക്കന്‍ ബിസിനസുകാരനും ബ്ലാക്ക്റോക്ക് ഗ്ലോബല്‍ ഇന്‍വെസ്റ്റ്‌മെന്റ് മാനേജ്‌മെന്റ് സ്ഥാപനത്തിന്റെ ചെയര്‍മാനുമായ ലാറി ഫിങ്ക്, മുന്‍ അമേരിക്കന്‍ പ്രസിഡന്റ് ഡോണള്‍ഡ് ട്രംപിന്റെ മകള്‍ ഇവാങ്ക ട്രംപ് തുടങ്ങി ഈ ലിസ്റ്റ് നീളുന്നു. ആഘോഷ വിരുന്നില്‍ അതിഥികള്‍ക്കായി ലോകത്തിന്റെ വിവിധ ഭാഗങ്ങളില്‍ നിന്നുള്ള 2,500ല്‍ അധികം വിഭവങ്ങളാണ് ഒരുക്കിയിട്ടുള്ളത്.
ജൂലൈ 12ന് മുംബൈയില്‍ വെച്ചാണ് ആനന്ദ് അംബാനിയുടെയും രാധിക മെര്‍ച്ചന്റിന്റേയും വിവാഹം നടക്കുക. എന്‍കോര്‍ ഹെല്‍ത്ത്‌കെയര്‍ സി.ഇ.ഒ വീരേന്‍ മെര്‍ന്റിന്റെയും ഷൈല മെര്‍ച്ചന്റിന്റെയും മകളാണ് രാധിക മെര്‍ച്ചന്റ്. ആഘോഷങ്ങളുടെ ഭാഗമായി വേദിയില്‍ ബോളിവുഡ് താരങ്ങളുടെ കലാവിരുന്നുകളും നടന്നതിന്റെ വിഡീയോകള്‍ പുറത്ത് വരുന്നുണ്ട്.
ഓസ്‌കര്‍ അവാര്‍ഡ് സ്വന്തമാക്കിയ ആര്‍ആര്‍ആറിലെ 'നാട്ടു നാട്ടു 'എന്ന ഗാനത്തിന് ഷാരുഖ് ഖാനും സല്‍മാന്‍ ഖാനും ആമിര്‍ ഖാനും ചേര്‍ന്ന് ചുവടുവെക്കുന്ന വീഡിയോ സോഷ്യല്‍മീഡിയയുടെ മനംകവരുകയാണ്.മൂന്ന് പേരും ഒന്നിച്ച് നാട്ടു നാട്ടുവിന്റെ ഹൂക് സ്റ്റെപ് കളിക്കുകയായിരുന്നു. അതിനു പിന്നാലെ മൂന്നു താരങ്ങളും അവരുടെ മാസ്റ്റര്‍ പീസ് സ്റ്റെപ്പുകള്‍ പുറത്തെടുക്കുക യായിരുന്നു. എന്തായാലും ആരാധകര്‍ ആഘോഷമാക്കുകയാണ് മൂവരും ഒന്നിച്ചുള്ള വിഡിയോ.
ശനിയാഴ്ച രാത്രി ബോളിവുഡ് താരങ്ങള്‍ അടക്കം അണിനിരന്ന പരിപാടിയുടെ അവതാരകനായി എത്തിയത് ഷാരൂഖ് ആയിരുന്നു. അംബാനി കുടുംബത്തിലെ അംഗങ്ങളെ അഭിസംബോധന ചെയ്യുന്നതിനായി വേദിയില്‍ എത്തിയ ഷാരൂഖ് 'ജയ് ശ്രീറാം' എന്ന് അഭിവാദ്യം ചെയ്യുന്ന വീഡിയോയും വൈറലാകുന്നുണ്ട്.
'ജയ് ശ്രീ റാം, ദൈവം നിങ്ങളെ എല്ലാവരെയും അനുഗ്രഹിക്കട്ടെ' എന്ന് പറഞ്ഞാണ് അംബാനി കുടുംബത്തിലെ മുതിര്‍ന്ന അംഗങ്ങളെ ഷാരൂഖ് പരിചയപ്പെടുത്തിയത്. 'പവര്‍ഗേള്‍സ്', 'അംബാനിയുടെ മാലാഖമാര്‍', 'ജാംനഗറിലെ സ്‌പൈസ് ഗേള്‍സ്' എന്നിങ്ങനെയാണ് അദ്ദേഹം കുടുംബത്തിലെ സ്ത്രീകളെ വിശേഷിപ്പിച്ചത്. സരസ്വതി, ലക്ഷ്മി, പാര്‍വതി ദേവിമാരെപ്പോലെയാണ് അംബാനി കുടുംബത്തിലെ മുതിര്‍ന്ന സ്ത്രീകള്‍. അവരുടെ പ്രാര്‍ത്ഥനയും അനുഗ്രഹവുമാണ് ഈ കുടുംബത്തെ ഒരുമിച്ചു നിര്‍ത്തുന്നതെന്നും ഷാരൂഖ് ഈ വീഡിയോയില്‍ പറയുന്നുണ്ട്.
മുന്‍നിര ബോളിവുഡ് താരങ്ങള്‍ എല്ലാം തന്നെ ഈ പരിപാടിക്ക് എത്തിയിരുന്നു. കറുത്ത വസ്ത്രം ധരിച്ചാണ് വേദിയില്‍ ഷാരൂഖ് എത്തിയത്. പഠാനിലെ അടക്കം തന്റെ ചിത്രത്തിലെ ഗാനങ്ങള്‍ക്ക് നൃത്തം ചെയ്തു. സല്‍മാനും, ആമീറിനും, റാം ചരണിനും ഒപ്പം നാട്ടു നാട്ടു ഗാനത്തിനും ഷാരൂഖ് ചുവടുവച്ചു. ഈ വീഡിയോയെല്ലാം ഇപ്പോള്‍ സോഷ്യല്‍ മീഡിയയില്‍ വൈറലാണ്.
ആലിയയുടെയും റാഹയുടെയും വീഡിയോയും പുറത്ത് വരുന്നതില്‍ ശ്രദ്ധയേമാണ്. ആലിയയും റാഹയും ബ്രൗണും വെളളയും നിറങ്ങളിലുള്ള വസ്ത്രങ്ങളാണ് അണിഞ്ഞിരിക്കുന്നത്. വീഡിയോ ആരാധകര്‍ക്കിടയില്‍ വൈറലാണ്.
Premium Lifestyle and Entertainment website
പറവ ഫിലിംസിലെ റെയ്ഡില്‍ കണ്ടെത്തിയത് 60 കോടിയുടെ നികുതി വെട്ടിപ്പ്; സൗബിന്‍ ഷാഹിറിനോട് വിശദീകരണം തേടും; ആദായനികുതി ഇനത്തില്‍ 44 കോടി അടച്ചില്ല; പരിശോധന അവസാനിച്ചിട്ടില്ലെന്ന് ആദായനികുതി വകുപ്പ് 
ഏഴു വയസ്സായ സമയത്ത് ഞാന്‍ തീരുമാനിച്ചു എന്റെ മകളുടെ പേര് എന്താണെന്ന്;മകളുടെ പേര് ശരീരത്തില്‍ ടാറ്റൂ ചെയ്തു; എനിക്ക് കുഞ്ഞ് വേണമെങ്കില്‍ ദത്തെടുക്കാനും ആലോചിച്ചു; പാര്‍വ്വതി തിരുവോത്ത് പങ്ക് വച്ചത്